Genesis 4:4 - Samarenyo Meaning-Based Bible (1984)

⁴ Niyan nagdara hi Abel han suhag nga nati nga karnero nga igin-anak hin usa han iya mga karnero, gin-ihaw ini, ngan iginhatag an gimamay-upayi nga mga bahin hini. Nalipay an Ginoo kan Abel ngan han iya halad,

Genesis 4:4 Iomraidhean Croise

Genesis 15:17

Han katunod na han adlaw ngan masirom na, tigda la nga pinmakita in usa nga nag-aaraso nga daba ngan hin usa nga naglalahinggab nga sulo ngan linmabay ini ha butnga han mga pinikas nga mga mananap.

Genesis 4:3

Usa ka adlaw nagdara hi Cain hin mga abot han iya inani ngan iya iginhalad ini ngadto han Ginoo.

1 Hadi 18:24

Niyan papag-ampoa an mga manaragna ni Baal ngadto han ira diyos, ngan mag-aampo man ako ngadto han Ginoo; kon hin-o nga diyos an magpadara hin kalayo—amo hiya an Dyos.” Iginggoliat han mga tawo an ira pag-uyon.

1 Hadi 18:38

Nagpadara hin kalayo an Ginoo ngan gin-ugtang an halad, an kahoy, ngan an mga bato, ginsunog an tuna ngan ginpamara an tubig dida han kali.

1 Cronicas 21:26

Nagtindog hiya hin altar para han Ginoo didto ngan nagdara hiya hin mga susunogon nga halad ug mga halad hin pakig-urosa. Nag-ampo hiya ngan pinamatian hiya han Ginoo pinaagi hin pagpadara hin kalayo tikang ha langit nga nagtubod han mga halad dida han altar.

2 Cronicas 7:1

Han katapos pag-ampo ni Solomon, kinmunsad in kalayo tikang ha langit ngan gintubod an iginhalad nga mga hayop, ngan napuno an Templo han mabislaw nga kapawa han Ginoo.

Mga Salmo 20:3

An imo mga halad karawaton niya, tinubod nga unong makalipay unta;

Exodo 13:12

kinahanglan ighalad niyo ha Ginoo an ngatanan nga mga suhag nga lalake. Kanan Ginoo an ngatanan nga mga suhag nga lalaki han iyo kamanampan,

Mga Darahonon 3:9

Pagpasidunggi an Ginoo pinaagi hin paghalad ngadto ha iya han gimamaupayi han ngatanan nga mga abot han imo tuna.

Ecclesiastes 4:4

Akon liwat hinbaroan an duro nga pagpanangusog han mga tawo basi hira magmainuswagon: kay naawa hira han mga butang han ira mga amyaw. Kundi waray la ini pulos. Sugad la ini hin pagdinakop han hangin.

Levitico 9:24

Ha gilayon nagpadara an Ginoo hin kalayo nga nag-ugtang an halad nga tutuboron ngan an magtambok nga mga bahin dida han altar. Han pakakita hini han mga tawo, ginmoliat hira ngatanan ngan hinmapa hira ha tuna.

Numero 16:15

Nasina hi Moises ngan nagsiring hiya han Ginoo, “Ayaw pagkarawata in bisan ano nga mga halad nga pagdadad-on hini nga mga tawo. Waray ako magbuhat hin sayop hin bisan kan kanay ha ira; waray ngani ako magkuha hin bisan usa han ira mga asno.”

Numero 16:35

Niyan nagpadara an Ginoo hin kalayo nga naglarab ngan nag-ugtang han 250 nga mga tawo nga naghalad han insyenso.

Numero 18:12

“Ihahatag ko ha imo an gimamaupayi han syahan nga mga abot nga ihahatag ha akon han mga Israelita ha kada tuig: lana hin olibo, bino, ug trigo.

Numero 18:17

Kundi diri tutubson an suhag han mga baka, mga karnero, ngan mga kanding; akon gud ini ngan kinahanglan ighalad nga mga hayop nga tutuboron. Isablig ngada han altar an dugo hini ngan tubora an tambok sugad nga halad nga pagkaon, kanay alimyon nakakalipay han Ginoo.

Hebreo 11:4

Tungod hin pagtoo hi Abel nagdara ngadto sa Dyos hin mauroupay nga halad kay han kan Cain. Pinaagi han iya pagtoo an Dyos kinmarawat ha iya nga matadong nga tawo, kay kinarawat han Dyos an iya mga halad. Tungod han iya pagtoo, nagyakan gihapon hi Abel bisan kon patay na hiya.

Hebreo 9:22

Tinuod, sumala han Balaod, nalilinisan pinaagi hin dugo an haros ngatanan nga mga butang, ngan napapasaylo an mga sala labot kon naunongan ini hin dugo.

Ginpadayag 13:8

Magsisingba han mapintas nga mananap an ngatanan nga mga tawo nga nag-uukoy dinhe ha tuna, labot han mga tawo kanay mga ngaran nahisurat na han waray pa hihimoa an kalibutan, dida han basahan han mga buhi nga gintatag-iya han Kordero nga ginpatay.

Mga Maghurukom 6:21

Niyan ikinuhit han anghel han Ginoo an kataposan han iya tungkod han karne ngan han tinapay. Ginmawas in kalayo tikang han bato ngan gintubod an karne ngan an tinapay. Katapos waray na hikit-i an anghel.

1 Samuel 15:22

Nagsiring hi Samuel, “Hain an pinalabi han Ginoo: an pagsugot ba ha iya o an mga halad ngan mga hayop nga tutuboron? Mauruupay an pagsugot ha iya kay hin paghalad ha iya han gimamaupayi nga mga karnero.