Genesis 4:2 - Samarenyo Meaning-Based Bible (1984)

² Ngan nag-anak liwat hi Eva hin lain nga lalake, hi Abel. Nahimo hi Abel nga usa nga magmarangno hin mga karnero, kundi parauma hi Cain.

Genesis 4:2 Iomraidhean Croise

Genesis 3:23

Sanglit ginpaiwas hiya han Ginoo nga Dyos tikang han Tanaman han Eden ngan ginpapag-uma hiya han tuna nga ginhimo ha iya.

Genesis 37:13

nagsiring hi Jacob kan Jose, “Karuyag ko nga kumadto ka ha Siquem diin nagmamangno han panon an imo kabugtoan.” Binmaton hi Jose, “Andam ako.”

Genesis 4:1

Niyan nakighilawas hi Adan kan Eva nga iya asawa. Nagburod hi Eva ngan nag-anak hin lalake ngan nagsiring, “Tungod han bulig han Ginoo nagkamay-ada ako anak nga lalake.” Sanglit iya ginngaranan hiya nga Cain.

Genesis 4:3

Usa ka adlaw nagdara hi Cain hin mga abot han iya inani ngan iya iginhalad ini ngadto han Ginoo.

Genesis 47:3

Ginpakianhan hira han hadi, “Ano an iyo pakabuhi?” Binmaton hira, “Magmarangno kami hin kahayopan, sugad han amon kaapoy-apoyan.

Genesis 9:20

Hi Noe nga usa nga parauma, amo an syahan nga tawo nga nag-uma hin urubasan.

Mga Salmo 127:3

Hatag tikang han Ginoo an mga anak; tinuod gud hira nga kaupayan.

Exodo 3:1

Usa ka adlaw, han nagmamangno hi Moises han mga karnero ngan mga kanding ni Jetro nga iya ugangan nga lalake, nga padi han Madian, igintabok niya ha kamingawan an panon, ngan inmabot hiya didto ha Sinai, an baraan nga bukid.

Amos 7:15

Kundi ginkuha ako han Ginoo tikang han akon buruhaton nga magmarangno hin mga karnero ngan ginsugo ako niya pagkanhi ngan pagpanagna ngadto han iya nasod nga Israel.

Lucas 11:50

Sanglit kakastigohon an mga tawo hini nga panahon, tungod han pagpataya han ngatanan nga mga manaragna tikang pa han paghimoa han kalibutan,

Lucas 11:51

tikang han pagpataya kan Abel, ngadto han papataya kan Zacarias nga ginpatay ha butnga han altar ngan han baraan nga dapit. Oo, susumatan ko kamo, kakastigohon an mga tawo hini nga panahon tungod ha ira ngatanan!

Juan 8:44

Mga anak kamo han amay niyo, an Yawa, ngan naruruyag kamo pagsunod han ungara han amay niyo. Parapamatay hiya tikang pa ha tinikangan. Waray hiya dumapig han kamatuoran, kay waray man kamatuoran dida ha iya. Kon nagbubuwa hiya, nagbuhat la hiya sugad han iya kinaiya, kay buwaon man hiya, ngan amo hiya an amay han ngatanan nga buwa.

1 Juan 3:10

Amo ini an dayag nga kalainan han mga anak han Dyos ngan han mga anak han Yawa: diri anak han Dyos an bisan hin-o nga diri nagbubuhat hin matadong ngan diri nahigugma han iya bugto.

1 Juan 3:12

Kinahanglan diri kita masugad kan Cain; kanan Yawa hiya, ngan ginpatay niya an iya kalugaringon nga bugto hi Abel. Kay ano nga ginpatay hi Abel ni Cain? Kay maraot man an ginbuhat ni Cain, kundi matadong an ginbuhat han iya bugto hi Abel.

1 Juan 3:15

Parapamatay an bisan hin-o nga nagdudumot han iya bugto; ngan maaram kamo nga waray dayon nga kinabuhi an parapamatay.