Genesis 3:1 - Samarenyo Meaning-Based Bible (1984)

¹ Niyan an halas amo gud an labi ka listo han ngatanan nga mananap nga ginhimo han Ginoo nga Dyos. Ginpakianhan han halas an babaye, “Tinuod ba nga gindid-an kamo han Dyos hin pagkaon hin bunga tikang hin bisan ano nga kahoy dinhe han tanaman?”

Genesis 3:1 Iomraidhean Croise

Ecclesiastes 4:10

Kon matumba an usa ha ira makakabulig hin pagbangon ha iya an ikaduha. Kundi kon nag-uusaan la in tawo ngan matumba hiya, makuri ini kay waray man mabulig ha iya.

Isaias 27:1

Dida hito nga adlaw gagamiton han Ginoo an iya gamhanan ngan makamaratay nga espada hin pagkastigo kan Lebiatan, ito nga nagpupulidpulid ngan naglulubaglubag nga dragon, ngan hin pagpatay han higante nga mananap nga nag-uokoy didto ha dagat.

Mateo 10:16

“Pamati kamo! Sinusugo ko kamo sugad hin mga karnero ngadto ha panon hin mga lubo. Sanglit kinahanglan mag-ikmat kamo sugad hin mga halas ngan magmalumo kamo sugad hin sarapati.

Mateo 4:3

Dinmaop ha iya an Yawa ngan nagsiring, “Kon Anak ka manggud han Dyos, himoa nga tinapay ini nga mga bato.”

Mateo 4:6

ngan ginsiring hiya, “Kon Anak ka manggud han Dyos, patinhulog ngadto ha tuna kay nasiring an kasuratan, ‘Magsusugo an Dyos han iya mga anghel mahitungod ha imo; sasapnayon ka nira han ira mga kamot, basi diri mapilas an imo mga tiil ha mga bato.’”

Mateo 4:9

“Ihahatag ko ha imo ini ngatanan,” nagsiring an Yawa, “kon humapa ka ngan magsingba ka ha akon.”

2 Mga Taga-Corinto 11:14

Diri ini orosahon! Kay bisan ngani hi Satanas nakakahimo hin pagpakita ha iya ngahaw sugad hin anghel han kapawa!

2 Mga Taga-Corinto 11:3

Nahahadlok ako nga mahiloan an iyo mga panhunahuna ngan bayaan niyo an iyo tim-os nga paghigugma kan Cristo—sugad kan Eva nga nalimbongan han mga limbong han halas.

1 Pedro 3:7

Kamo man liwat nga mga bana, ha iyo pakigtampo han iyo mga asawa, kinahanglan hibaroan niyo an kamaluya han iyo asawa. Sanglit kinahanglan tahoron niyo hira, kay hira sugad ha iyo makarawat man han kanan Dyos hatag nga kinabuhi. Buhata ini niyo basi waray makaulang han iyo mga pag-ampo.

Ginpadayag 12:15

Ngan tikang han baba han dragon, ibinugwak niya in tubig nga sugad hin baha, basi mahianod an babaye.

Ginpadayag 12:9

Iginlabog ha gawas an duro kadako nga dragon! Amo hiya adton kadaan nga dako nga halas nga ginngaranan nga Yawa, o Satanas, nga amo an naglimbong han bug-os nga kalibutan. Iginhulog hiya ngadto ha tuna upod an ngatanan nga iya sakop nga mga anghel.

Ginpadayag 20:2

Gindakop niya an dragon, adton kadaan nga dako nga halas nga amo an Yawa, o Satanas, ngan ginkadenahan hiya sulod hin usa ka yukot ka tuig.