Genesis 27:2 - Samarenyo Meaning-Based Bible (1984)

² Nagsiring hi Isaac, “Nakita ka nga lagas na ako ngan bangin diri na maiha mapatay na ako.

Genesis 27:2 Iomraidhean Croise

Genesis 27:3

Kuhaa an imo pana, pakadto ha kaumhan, ngan panganop para ha akon.

Genesis 47:29

Han harapit na hiya mamatay, gintawag niya hi Jose nga iya anak ngan iya ginsiring, “Igbutang an imo kamot ha butnga han akon mga paa ngan pagsumpa nga diri mo ako iglulubong dinhe ha Ehipto.

Genesis 48:21

Niyan nagsiring hi Jacob kan Jose, “Sayod ka nga diri maiha mapatay na ako, kundi maupod ha imo an Dyos ngan igbabalik ka niya ngadto han tuna han imo kaapoy-apoyan.

Mga Darahonon 27:1

Ayaw gud paghinambog mahitungod han buwas nga adlaw. Diri ka maaram han mahinanabo tikang yana ngada buwas.

Ecclesiastes 9:10

Panigurohi an bisan ano nga imo pagbubuhaton, kay didto ha kalibutan han mga patay nga imo kakadtoan waray na buhat, waray na hunahuna, waray na hibaro, ngan waray na kinaadman.

Isaias 38:1

Hadto nga panahon nasakit ngan haros mamatay hi Hadi Ezequias. Kinmadto hi manaragna Isaias nga anak ni Amoz hin pakigkita ha iya ngan pagsiring, “Nasiring an Ginoo nga kinahanglan husayon mo an imo panimalay kay diri ka na mag-uupay. Pag-andam na la ikaw hin kamatay.”

Isaias 38:3

“Hinumdomi, O Ginoo, nga nag-alagad ako nga matinumanon ngan maunongon ha imo, ngan dayuday gintinguha ko hin pagbuhat han imo kaburot-on.” Niyan nagtangis ngan nagnguyngoy hiya hin mapait.

Marcos 13:35

Sanglit pagbantay man kamo kay diri kamo maaram kon san-o aabot an agaron han balay—kon ha kagab-ihon o ha katutnga ba, kon ha panugaok han manok o ha kaagahon na ba.

Santiago 4:14

Diri ngani kamo maaram kon ano an mapaabot ha iyo buwas! Sugadsugad la kamo han manipis nga burong nga nakikita hin usa ka dali, ngan nagpapapas dayon.

1 Samuel 20:3

Kundi binmaton hi David, “Sayod gud an imo amay han imo pagmahal ha akon, ngan diri hiya karuyag magsumat ha imo han iya bubuhaton, kay mabibido ka hin duro. Nagsusumpa ako ha imo pinaagi han buhi nga Ginoo nga haraniay na ako ha kamatayon!”