Genesis 26:8 - Samarenyo Meaning-Based Bible (1984)

⁸ Han maiha na didto hi Isaac, tinmangbo hi hadi Abimelec ha iya bintana ngan hinkit-an hi Isaac ngan hi Rebecca nga nagkakarinyo.

Genesis 26:8 Iomraidhean Croise

Isaias 62:5

Sugad hin usa nga olitawo nga nangangasawa hin uray nga babaye, Pangangasaw-on ka niya nga nagtuha ha imo. Sugad nga nalilipay in usa nga bana han iya asawa, Malilipay man ha imo an imo Dyos.

Kanta han mga Kanta 2:9

Sugad hin malaksi nga bugsok an akon hinigugma, sugad hin nati nga lalaki nga bugsok. Natindog hiya ha ligid han pader. Nahiling hiya ha bintana, ngan nag-iinaw hiya dida han mga rehas.

Mga Darahonon 7:6

Usa ka higayon dida han namimintana ako ha akon balay,

Mga Maghurukom 5:28

Namintana an iroy ni Sisera; tinman-aw hiya ha luyo han siklat. “Kay ano daw la nga maiha man umabot an iya karuwahe?” pinmakiana hiya. “Kay ano nga waray pa man abot an iya kakabayohan?”

Ecclesiastes 9:9

Pahimulosi an kinabuhi upod han babaye nga imo hinigugma samtang nga buhi ka pa hin waray la pulos nga imo kinabuhi nga iginhatag ha imo han Dyos dinhe ha kalibutan. Pahimulosi ini nga mga waray pulos nga adlaw han imo kinabuhi, kay amo la an maaangkon mo nga balos han ngatanan mo nga kakurian.

Genesis 26:7

Han pagpakiana han mga tawo didto hiunong han iya asawa, nagsiring hiya nga bugto la hiya niya. Waray hiya magsumat nga iya asawa hiya, kay nahadlok hiya nga bangin pagpatayon hiya han mga tawo didto hin pag-agaw kan Rebecca nga mahusay hin duro.

Genesis 26:9

Ginpasugoan ni Abimelec hi Isaac ngan ginsiring, “Asawa mo ngay-an hiya! Kay ano nga nagsiring ka man nga bugto mo la hiya?” Binmaton hiya, “Naghunahuna ako nga bangin ako pagpatayon kon magsiring ako nga asawa ko hiya.”