Genesis 26:4 - Samarenyo Meaning-Based Bible (1984)

⁴ Tatagan ko ikaw hin mga tulin nga sugad ka damo han mga bitoon ha langit, ngan ighahatag ko ha ira ini ngatanan nga katunaan. Hahangyoon ako han ngatanan nga kanasoran hin pagpakaupay ha ira sugad han akon pagpakaupay han imo mga tulin.

Genesis 26:4 Iomraidhean Croise

Genesis 13:16

Tatagan ko ikaw hin damo hin duro nga mga tulin nga waray tawo nga makakaihap ha ira ngatanan; masusugad ini hin pag-ihap han tagsa nga tapotapo han tuna.

Genesis 15:18

Ngan dida ngahaw naghimo an Ginoo hin ginsaaran kan Abram. Nagsiring hiya, “Nagsasaad ako hin paghatag ha imo mga tulin hini ngatanan nga tuna tikang ha pag-ultan han Ehipto ngadto ha Salog han Eufrates,

Genesis 15:5

Gindara hiya han Ginoo ngadto ha gawas ngan ginsiring, “Tan-awa daw an langit ngan ihapa an mga bitoon; magkakamay-ada ka sugad hito ka damo nga mga tulin.”

Genesis 18:18

Mahihimo nga dako ngan gamhanan nga nasod an iya mga tulin, ngan pinaagi ha iya pagbebendisyonan ko an ngatanan nga mga nasod.

Genesis 26:24

Hito nga gab-i pinmakita ha iya an Ginoo ngan nagsiring, “Amo ako an Dyos ni Abraham nga imo amay. Ayaw kahadlok kay upod ako ha imo. Pagbebendisyonan ko ikaw ngan tatagan ko ikaw hin damo nga mga tulin, tungod han akon saad kan Abraham nga akon surugoon.”

Genesis 28:14

Magdadamo hira sugad han mga tapotapo han tuna. Pahihiluagon nira an ira katunaan ha ngatanan nga pag-ultan ngan pinaagi ha imo ngan han imo mga tulin pagpapakaupayon ko an ngatanan nga kanasoran.

Genesis 28:3

Pagbendisyonan unta han Dyos nga Labi Kamakagarahum an imo pag-asawa ngan tagan unta kamo hin damo nga mga anak, basi mahimo ka nga amay hin damo nga kanasoran!

Genesis 35:12

Ighahatag ko ha imo an tuna nga iginhatag ko kan Abraham ngan kan Isaac, ngan ighahatag ko liwat ini ngadto han imo mga tulin nga masunod ha imo.”

Genesis 47:27

Nag-ukoy an mga Israelita didto ha Ehipto, didto han katunaan han Gosen, diin nagriko hira ngan nagdamo an ira mga anak.

1 Cronicas 27:23

Waray ni Hadi David ipaihap an mga tawo nga ubos hin 20 an panuigon. Kay nagsaad man an Ginoo nga padadamoon niya an mga tawo ha Israel sugad han mga bitoon ha kalangitan.

Mga Salmo 72:17

Iya ngaran diri unta hingalimtan, daw adlaw magdayon iya kabantogan. Dayawon unta h'ya han nasod ngatanan, pangaroon ha Dyos han 'tanan katawhan; nga tagan hira han Dyos hin kaupayan, sugad han ginbuhat ngadto han hadi man.

Exodo 32:13

Hinumdomi hira Abraham, Isaac, ug Jacob nga imo mga surugoon. Hinumdomi an saad nga imo ginsumpaan ha imo ngaran nga ihahatag mo ha ira in mga tulin nga sugad kadamo han kabiton-an ha langit, ngan ihahatag mo ha ira mga tulin an ngatanan nga mga tuna nga imo iginsaad nga ira panurundon ha kadayonan.”

Exodo 6:4

Ginhimo ko liwat ha ira an akon ginsaaran ngan akon ginsaad hin paghatag ha ira han tuna han Canaan, an tuna diin hira nag-ukoy sugad nga mga lumalangyaw.

Mga Buhat 3:25

An mga saad han Dyos pinaagi han iya mga manaragna iginpahinungod ha iyo, ngan nakaangbit kamo han ginsabotan nga ginhimo han Dyos ngan han iyo mga kaapoy-apoyan. Sumala han iginsiring niya kan Abraham, ‘Tatagan ko hin kaupayan an ngatanan nga katawhan han tuna pinaagi han imo mga tulin.’

Mga Taga-Galacia 3:16

Niyan nagsaad an Dyos kan Abraham ngan ha iya tulin. Diri nasiring an kasuratan, “Ngan ha imo mga tulin,” nga an kahulogan, damo nga katawhan. Nasiring ito, “Ngan ha imo tulin,” nga an kahulogan, usa la ka tawo, ngan amo hi Cristo.

Mga Taga-Galacia 3:8

Nahisurat na ha Kasuratan hadto pa gud, nga iisipon nga matadong ha atubangan han Dyos an mga Hentil pinaagi han ira pagtoo. Sanglit iginsangyaw ngadaan han Kasuratan, an Maupay nga Sumat ngadto kan Abraham: “Pinaagi ha imo pagpapakaupayon han Dyos an ngatanan nga katawhan ha tuna.”

Deuteronomio 13:17

Ayaw kamo pagtipig para ha iyo hin bisan ano nga butang nga ginhukman na nga mabungkag, ngan mangangalimot an Ginoo han iya mapintas nga kapungot ngan kalolooyan kamo niya. Malolooy hiya ha iyo ngan padadamoon kamo nga mga tawo sumala han iya iginsaad ha iyo kaapoy-apoyan,

Deuteronomio 9:5

Diri ini tungod nga mag-upay ngan magtadong kamo sanglit tinutugotan kamo han Ginoo hin pagtag-iya han ira tuna. Iya paiiwason hira kay magraot hira, ngan tungod kay gintutuman niya an iya iginsaad kanda Abraham, Isaac, ug Jacob nga iyo kaapoy-apoyan.

Hebreo 11:2

Pinaagi han ira pagtoo an mga tawo hadton una nga panahon ginpakaupay han Dyos.