Genesis 20:3 - Samarenyo Meaning-Based Bible (1984)

³ Usa ka gab-i pinmakita an Dyos kan Abimelec dida hin usa nga inop ngan nagsiring, “Mapatay ka, kay ginkuha mo ini nga babaye; inasaw-an na hiya.”

Genesis 20:3 Iomraidhean Croise

Genesis 12:17

Kundi tungod nga ginkuha man han hadi hi Sarai, ginpadad-an han Ginoo hin makaharadlok nga sakit an hadi ngan an mga tawo han iya palasyo.

Genesis 12:18

Niyan ginpasugoan han hadi hi Abram ngan ginpakianhan hiya, “Ano ini nga imo ginbuhat ha akon? Kay ano nga waray mo ako pagsumati nga asawa mo hiya?

Genesis 20:7

Kundi yana, igbalik an babaye ngadto han iya bana. Usa nga manaragna an iya bana, ngan mag-aampo hiya para ha imo, basi diri ka mamatay. Kundi kon diri mo hiya igbalik, ginpapahimatngon ko ikaw nga mapatay ka, ikaw ngan an ngatanan mo nga mga tawo.”

Genesis 28:12

Nag-inop hiya nga hinkit-an niya in usa nga hagdan nga naabot tikang ha tuna ngadto ha langit, nga may mga anghel nga nagsisinakalusad dida hini nga hagdan.

Genesis 31:24

Hito nga gab-i pinmakita an Dyos kan Laban dida hin usa nga inop ngan nagsiring ha iya, “Paghinay ngan ayaw gud pagpasipad-i hi Jacob hin bisan ano nga paagi.”

Genesis 37:5

Usa ka panahon nag-inop hi Jose, ngan han pagsumati niya han iya kabugtoan hiunong han inop, dinmugang la lugod hira hin kapungot ha iya.

Genesis 37:9

Niyan nag-inop liwat hi Jose ngan iya ginsumatan an iya kabugtoan, “Nag-inop liwat ako diin akon hinkit-an an adlaw, an bulan, ngan an onse nga mga bitoon nga nanyuyukbo ha akon.”

Genesis 40:5

Usa ka gab-i didto han prisohan nag-inop an tinaporan han bino ngan an labaw nga parahimo han tinapay, ngan may-ada magkalain nga kahulogan an ira mga inop.

Genesis 40:8

Binmaton hira, “Nag-inop an kada usa ha amon ngan waray gud dinhe tawo nga nakakagsaysay han kahulogan han mga inop.” Nagsiring hi Jose, “An Dyos amo an nahatag hin kaaram hin paghubad hin mga inop. Sumati ako han iyo mga inop.”

Genesis 46:2

Naghimangraw ha iya an Dyos dida hin usa nga panan-awon ha gab-i ngan nagtawag, “Jacob, Jacob!” Binmaton hiya, “Oo, aadi ako.”

1 Cronicas 16:21

Kundi waray itugot han Ginoo nga pagraogdaogon hira, hin pagpanalipod ha ira, nagpahimatngon hiya han mga hadi,

An Basahan ni Job 33:15

Ha gab-i kon nangangaturog na an mga tawo, naghihimangraw an Dyos pinaagi hin mga inop ngan mga panan-awon.

An Basahan ni Job 33:17

Naghihimangraw an Dyos basi umukoy na hira hin pagpinakasala, ngan basi matalwas hira tikang han pagkamapinahitas-on.

Mga Salmo 105:14

Waray hiya tugot hira pagdaoton, sanglit mga hadi 'ya ginpahimatngon:

Jonas 3:4

Nagtikang hi Jonas hin paglatas han syudad ngan kahuman niya paglinakat hin usa ka adlaw, nagsangyaw hiya, “Kwarenta na la ka adlaw ngan pagbubungkagon na an Ninibe!”

Numero 22:9

Kinmada kan Balaam an Dyos ngan nagpakiana, “Hin-o ini nga mga tawo nga kaupod mo?”

Mateo 1:20

Kundi samtang ginhunahuna niya ini, pinmakita ha iya in usa nga anghel han Ginoo pinaagi hin inop, ngan nagsiring, “Jose, tulin ni David, ayaw pag-alang hin pagkarawat kan Maria nga imo asawa kay nagburod hiya ha larang han Espiritu Santo.

Mateo 27:19

Han nalingkod hi Pilato didto han hukmanan, ginpatugonan hiya han iya asawa nga nasiring: “Ayaw gud paghilabot hito nga tawo nga waray sala, kay kagab-i, pinaagi hin inop, nag-antos ako hin duro tungod ha iya.”