Genesis 2:4 - Samarenyo Meaning-Based Bible (1984)

⁴ Ngan amo ini an paagi han pagtuhaa han bug-os nga kalibutan ngan han ngatanan nga aada ha langit. Han paghimoa han Ginoo nga Dyos han bug-os nga kalibutan,

Genesis 2:4 Iomraidhean Croise

Genesis 1:1

Ha tinikangan, han pagtuha han Dyos han bug-os nga kalibutan ug han mga butang ha kalangitan

Genesis 1:28

ginbendisyonan hira ngan ginsiring, “Magkamay-ada kamo damo nga mga anak, basi mag-ukoy ha bug-os nga tuna an iyo mga tulin ngan paghadian nira ini. Iginbubutang ko kamo nga tinaporan han kaisdaan, han katamsihan, ngan han ngatanan nga ihalas nga kamanampan.

Genesis 1:3

Niyan nagsiring an Dyos, “Magkamay-ada kapawa”—ngan pinmakita an kapawa.

Genesis 1:31

Nakita han Dyos an ngatanan nga iya ginhimo ngan nalipay hiya hin duro. Linmabay an kagab-ihon ngan inmabot an aga—amo adto an ikaunom nga adlaw.

Genesis 1:4

Nalipay an Dyos han iya hinkit-an. Ngan ginlain niya han kasisidman an kapawa,

Genesis 10:1

Amo ini an mga tulin han mga anak nga kalalaken-an ni Noe, nga hira Sem, Ham, ug Jafet. Katapos han lunop nagkamay-ada mga anak nga kalalaken-an ini nga tulo nga mga anak.

Genesis 11:10

Amo ini an mga tulin ni Sem. Duha ka tuig katapos han lunop, han 100 na an panuigon ni Sem, nagkamay-ada hiya anak nga lalake nga hi Arfacsad.

Genesis 2:3

Ginbendisyonan niya an ikapito nga adlaw ngan ginlain niya ini sugad nga usa nga talagsaon nga adlaw, kay hito nga adlaw nahuman niya an iya pagtuha ngan hinmunong na hiya hin pagtuha.

Genesis 25:12

Hi Ismael nga anak nira Abraham ngan hi Agar nga Ehiptohanon nga oripon ni Sara,

Genesis 25:19

Amo ini an susumaton ni Isaac nga anak ni Abraham.

Genesis 36:1

Amo ini an mga tulin ni Esau nga gintawag liwat nga Edom.

Genesis 36:9

Amo ini an mga tulin ni Esau nga ginikanan han mga Edomitanhon.

Genesis 5:1

Amo ini an lista han mga tulin ni Adan. (Han pagtuhaa han Dyos han mga tawo, iya ginhimo hira nga ladawan han Dyos.

1 Hadi 18:39

Han pakakita la hini han mga tawo, nanhapa hira ha tuna ngan naggogliat, “An Ginoo amo an Dyos; an Ginoo gudla amo an Dyos!”

2 Cronicas 20:6

ngan nag-ampo hin dako nga tingog, “O Ginoo nga Dyos han amon kaapoy-apoyan, naghahadi ka tikang ha langit han ngatanan nga mga nasod han kalibutan. Gamhanan ngan makusog ka, ngan waray makakaato ha imo.

An Basahan ni Job 38:28

May-ada ba amay an uran o an tun-og?

An Basahan ni Job 38:4

Nakadto ka ba han paghimoa ko han kalibutan? Kon maaram ka gudman, sumati daw ako mahitungod hini.

Mga Salmo 18:31

An Ginoo gud la an Dyos, waray iba, an Dyos gud la amo an panalipod ta.

Mga Salmo 86:10

O Dyos makagarahum nagbuhat hin mga urosahon, waray gud iba, ikaw gud la an Dyos namon.

Exodo 15:3

Usa nga paraaway an Ginoo; an Ginoo amo an iya ngaran.

Exodo 6:16

May tulo nga mga anak nga kalalaken-an hi Levi: hira Gerson, Coat, ug Merari; amo hira an kaapoy-apoyan han mga banay nga isinangay han ira mga ngaran. Inmabot hin 137 an panuigon ni Levi.

Isaias 44:6

Amo ini an igyayakan han Ginoo nga naghahadi ngan nananalipod han Israel, an Ginoo nga Labi Kamakagarahum: “Ako amo an syahan, an kataposan, an amo gudla nga Dyos; waray na iba nga diyos labot ha akon.

Ginpadayag 1:4

Tikang kan Juan, ngadto han pito nga mga singbahan didto ha lalawigan han Asia: Maiyo unta an grasya, ngan kalinaw tikang han Dyos—an Dyos han yana, han naglabay, ngan han tiarabot nga panahon—an grasya liwat nga kalinaw tikang han pito nga mga espiritu ha atubangan han iya trono,

Ginpadayag 1:8

“Ako amo an syahan ngan an kataposan,” nasiring an Ginoo nga Dyos nga Labi Kamakagarahum, nga Dyos yana, han naglabay, ngan han tiarabot.

Ginpadayag 11:17

nga nasiring, “Ginoo nga Dyos nga Labi Kamakagarahum han yana ngan han naglabay! Nagpapasalamat kami ha imo nga imo ginamit an imo dako nga gahom, ngan nagtikang ka na hin paghadi!

Ginpadayag 16:5

Hinbatian ko an anghel nga tinaporan han katubigan nga nasiring: “Matadong ka ha imo mga paghukom, O Baraan nga Dyos nga amo yana, ngan amo hadto!