Genesis 2:2 - Samarenyo Meaning-Based Bible (1984)

² Dida han ikapito ka adlaw, nahuman han Dyos an iya mga gintuha, ngan pinmahuway hiya.

Genesis 2:2 Iomraidhean Croise

Genesis 1:31

Nakita han Dyos an ngatanan nga iya ginhimo ngan nalipay hiya hin duro. Linmabay an kagab-ihon ngan inmabot an aga—amo adto an ikaunom nga adlaw.

Genesis 2:3

Ginbendisyonan niya an ikapito nga adlaw ngan ginlain niya ini sugad nga usa nga talagsaon nga adlaw, kay hito nga adlaw nahuman niya an iya pagtuha ngan hinmunong na hiya hin pagtuha.

Exodo 23:12

“Pagtrabaho kamo sulod hin unom ka adlaw ha usa ka simana, kundi ayaw kamo pagtrabaho dida han ikapito ka adlaw, basi makapahuway an iyo mga oripon ngan an mga lumalangyaw nga nagtratrabaho para ha iyo, pati an iyo mga hayop.

Exodo 31:15

May-ada niyo unom ka adlaw hin pagtuman han iyo buruhaton, kundi an ikapito nga adlaw baraan ini nga adlaw hin pagpahuway nga iginhalad ha akon. Papatayon gud an bisan hin-o nga magbuhat hin bisan ano hito nga adlaw.

Exodo 31:17

Ha kadayonan ini nga tigaman para han mga tawo han Israel ngan para ha akon, kay ako nga Ginoo naghimo han langit ngan han tuna sulod hin unom ka adlaw, ngan inmukoy ako hin pagbuhat ngan pinmahuway dida han ikapito ka adlaw.”

Isaias 58:13

Nagsiring an Ginoo, “Kon paglihi-an niyo an Adlaw nga Iparahuway, ngan diri niyo pagbuhaton an iyo la kalugaringon nga mga kaupayan dida hito nga adlaw; kon iyo pagmahalon an akon baraan nga adlaw ngan pagpasidunggan ini pinaagi hin diri paglakat, pagtrabaho, o paghimangraw hin waray la pulos dida hito nga adlaw,

Juan 5:17

Ginbaton hira ni Jesus, “Dayuday nagbubuhat an akon Amay, sanglit kinahanglan liwat magbuhat ako.”

Deuteronomio 5:14

kundi adlaw hin pagpahuway an ikapito nga adlaw, ngan ighahalad ini niyo ha akon. Dida hito nga adlaw kinahanglan waray magtrabaho—bisan hi kamo, an iyo mga anak, an iyo mga oripon, an iyo mga hayop, o an mga lumalangyaw nga nag-uokoy dida han iyo nasod. Kinahanglan pumahuway an iyo mga oripon sugad ha iyo.

Hebreo 4:10

Kay bisan hin-o nga nasulod ngan napahuway upod han Dyos, napahuway han iya kalugaringon nga mga buhat, sugad nga pinmahuway man an Dyos han iya buhat.

Hebreo 4:4

Kay ha lain nga bahin hin kasuratan, iginsiring ini mahitungod han ikapito ka adlaw, “Pinmahuway an Dyos han ngatanan niya nga mga buhat ha ikapito ka adlaw.”