Genesis 2:1 - Samarenyo Meaning-Based Bible (1984)

¹ Sanglit nahuman an bug-os nga kalibutan ngan an mga butang ha kalangitan.

Genesis 2:1 Iomraidhean Croise

Genesis 1:1

Ha tinikangan, han pagtuha han Dyos han bug-os nga kalibutan ug han mga butang ha kalangitan

Genesis 1:10

Ginngaranan niya nga “Tuna” an kamad-an, ngan “Dagat” an nagtirok nga katubigan. Ngan nalipay an Dyos han iya hinkit-an.

Genesis 2:4

Ngan amo ini an paagi han pagtuhaa han bug-os nga kalibutan ngan han ngatanan nga aada ha langit. Han paghimoa han Ginoo nga Dyos han bug-os nga kalibutan,

2 Hadi 19:15

ngan nag-ampo, “O Ginoo nga Dyos han Israel, nga nalingkod ka didto han imo harangdon nga trono, ikaw la an Dyos nga naghahadi han ngatanan nga mga ginhadian ha kalibutan. Ginhimo mo an langit ngan an tuna.

2 Cronicas 2:12

Dayawon an Ginoo nga Dyos han Israel, nga Magburuhat han langit ug tuna! Iginhatag niya kan Hadi David in makinaadmananon nga anak nga puno hin kinaadman ug sarabotan, nga yana nagbuot hin pagtindog hin templo para han Ginoo ngan hin palasyo para ha iya.

Nehemias 9:6

Niyan nag-ampo an mga tawo han Israel hin sugad hini: “Ikaw, O Ginoo, ikaw la an Ginoo; ginhimo mo an kalangitan ngan an kabitun-an han langit. Ginhimo mo an tuna ug dagat ngan an ngatanan nga aada ha ira; iginhatag mo an kinabuhi ngadto han ngatanan. Nayukbo ngan nasingba ha imo an langitnon nga mga kagamhanan.

An Basahan ni Job 12:9

Maaram ini ngatanan nga ginhimo hira han kamot han Ginoo.

Mga Salmo 104:2

naputos ka ngahaw han kapawa nimo. Daw tulda ginbitad mo an kalangitan,

Mga Salmo 146:6

Amo hiya'n Magturuha han ngatanan, han langit, han tuna, ngan han kadagatan. Ngan an tanan nga aada ha ira man, iya gintutuman mga ginsaaran.

Mga Salmo 33:6

Ha pulong han Dyos nahimo an kalangitan, an adlaw, an bulan, ngan an kabiton-an.

Mga Salmo 33:9

Kalibutan nahimo ha pulong niya, pagsugo niya, ngatanan pinmakita.

Exodo 20:11

Sulod hin unom ka adlaw ako nga Ginoo naghimo han tuna, han langit, han kadagatan, ngan han ngatanan nga aada hini, kundi pinmahuway ako dida han ikapito nga adlaw. Amo ito nga ako nga Ginoo nagbendisyon han Adlaw nga Igparahuway ngan ginhimo ko ini nga baraan.

Exodo 31:17

Ha kadayonan ini nga tigaman para han mga tawo han Israel ngan para ha akon, kay ako nga Ginoo naghimo han langit ngan han tuna sulod hin unom ka adlaw, ngan inmukoy ako hin pagbuhat ngan pinmahuway dida han ikapito ka adlaw.”

Isaias 34:4

Pupusakon hin maupay sugad hin katapotapo an adlaw, bulan, ngan mga bitoon. Maaanaw an langit sugad hin ginlukot nga linikid nga basahan, ngan matataktak an mga bitoon sugad hin nagkakahuglog nga mga dahon hin ubas ug igos.

Isaias 42:5

Gintuha han Dyos an kalangitan ngan ginbitad niya ini; ginporma niya an tuna ngan an ngatanan nga nag-uokoy dida hini, gintagan niya hin kinabuhi ug ginhawa an ngatanan nga katawhan hini. Ngan yana nasiring an Ginoo nga Dyos ngadto han iya surugoon,

Isaias 45:12

Ako amo an naghimo han tuna, ngan nagtuha han mga tawo ha pag-ukoy dinhe ha tuna. Pinaagi han akon gahom ginbitad ko an kalangitan; ginmandoan ko an adlaw, an bulan, ngan an mga bitoon.

Isaias 45:18

Gintuha han Ginoo an kalangitan— amo hiya an Dyos! Ginporma ngan ginhimo niya an tuna— ginhimo niya ini ngan ginpadig-on ini niya ha kadayonan! Waray ini niya paghimoa nga kamingawan, kundi ginhimo niya basi pag-ukyan hin mga tawo. Amo hiya an nagsiring, “Ako amo an Ginoo, ngan waray na gud iba nga diyos.

Isaias 48:13

Ginhimo han akon mga kamot an mga patukoranan han tuna; ngan ginbitad ko an kalangitan. Kon gintatawag ko an tuna ug langit, nadaop hira dayon ha akon.

Isaias 55:9

Sugad nga hitaas an kalangitan ha igbaw han tuna, hitaas man han iyo mga paagi ngan panhunahuna an akon mga paagi ngan panhunahuna.

Isaias 65:17

Nagsiring an Ginoo, “Naghihimo ako hin bag-o nga tuna ngan bag-o nga kalangitan. Hingangalimtan hin hingpit an nag-agi nga mga hinabo.

Jeremias 10:12

Ginhimo han Ginoo an tuna pinaagi han iya gahom; ginpahimutang niya an kalibutan pinaagi han iya kinaadman, ngan ginbitad niya an kalangitan.

Jeremias 10:16

Diri sugad hini an Dyos ni Jacob; hiya amo an naghimo han ngatanan nga mga butang, ngan ginpili niya an Israel nga iya kalugaringon nga mga tawo. An Ginoo nga Labi Kamakagarahum amo an iya ngaran.

Jeremias 8:2

An ira mga tul-an diri pagtitirokon ngan diri iglulubong kundi masusugad nala ini hin mga tai ha bawbaw han tuna. Igpapasarang ini ha atubangan han adlaw, han bulan, ngan han mga bitoon nga ginhigugma ngan gin-alagad hini nga mga tawo, ngan ira pinamatian ngan ginsingba.

Zacarias 12:1

Mensahe ini tikang han Ginoo hiunong han Israel, an Ginoo nga nagbitad han kalangitan, nagtuha han tuna, ngan naghatag hin kinabuhi han tawo. Nasiring hiya,

Lucas 2:13

Ha gilayon pinmakita upod han anghel in dako nga hugpo hin mga anghel ha langit, nga nagkakanta hin mga pagdayaw ha Dyos:

Mga Buhat 4:24

Han pakabati nira hini, nag-urosa hira hin pag-ampo sa Dyos: “Agaron ngan Magburuhat han langit, han tuna, han dagat, ngan han ngatanan nga aada ha ira!

Mga Buhat 7:42

Sanglit tinalikdan hira han Dyos ngan ginpasagdan nga magsingba han mga kabiton-an ha kalangitan, sumala han iginsurat ha basahan han mga manaragna nga nasiring: ‘Katawhan han Israel! Diri adto para ha akon nga nag-ihaw ngan naghalad kamo hin kahayopan sulod hin 40 ka tuig didto ha kamingawan.

Deuteronomio 17:3

pinaagi hin pagsingba ngan pag-alagad hin iba nga kadiyosan, o han adlaw, o han bulan, o han mga bitoon, nga supak han sugo han Ginoo.

Deuteronomio 4:19

Ayaw pagpasulay hin pagsingba ngan pag-alagad han iyo hinkikit-an didto ha langit—an adlaw, an bulan, ngan an mga bitoon. Iginhatag ini han Ginoo nga iyo Dyos ngadto han iba nga mga katawhan basi pagsingbahon nira.

Hebreo 4:3

Sanglit kita nga natoo makasulod ngan makakapahuway gud upod han Dyos. Sumala han iya ginsiring, “Napungot ngan nanumpa ako: ‘Diri gud hira makakasulod ngan makakapahuway upod ha akon!’” Ginsiring ini niya bisan kon human na an iya buruhaton tikang pa han paghimo niya han kalibutan.