Genesis 10:9 - Samarenyo Meaning-Based Bible (1984)

⁹ Tungod han bulig han Ginoo usa hiya nga dako nga parapanganop, ngan sanglit nasiring an mga tawo, “Himoon ka unta han Ginoo nga sugad kan Nimrod nga maupay nga parapanganop.”

Genesis 10:9 Iomraidhean Croise

Genesis 10:10

Ha tinikangan sakop niya an ginhadian han Babilon, Erec, ug Accad; sakop ini nga tulo han Babilonia.

Genesis 10:8

May-ada hi Cus anak nga lalake nga ginngaranan nga Nimrod nga nagin syahan nga gamhanan han kalibutan.

Genesis 13:13

kanay mga tawo magraot ngan dagko nga mga magpakasasala kontra han Ginoo.

Genesis 25:27

Tinmubo an kabataan nga kalalaken-an, ngan nahimo hi Esau nga batid nga parapanganop, nga karuyag magsudoysudoy han kaumhan, kundi mahilomon la nga tawo hi Jacob nga karuyag magpabilin la ha balay.

Genesis 27:30

Nahuman an pagbendisyon ni Isaac kan Jacob, ngan han paghilakat gud la ni Jacob, inmabot man hi Esau nga iya bugto tikang han panganop.

Genesis 6:11

kundi magraot gud an ngatanan nga iba nga mga tawo ha atubangan han Dyos, ngan nakaluob na an ira kamaraot ha ngatanan nga dapit.

Genesis 6:4

Hadto nga mga adlaw, ngan bisan ha orhe na, may-ada mga higante dinhe ha tuna, nga mga tulin hin kababayen-an nga sugad ha aton ngan hin mga langitnon nga mga binuhat. Amo hira an mga gamhanan ngan bantogan nga kalalaken-an hadto nga kadaan nga panahon.

2 Cronicas 28:22

Han nabubutnga hiya hin damo nga kasamokan, dinmuroy lugod hin pagpinakasala ini nga tawo nga Acas.

Mga Salmo 52:7

“Kitaa, iini in tawo nga waray tumapod han Dyos sugad nga iya arayopan, kundi sinmarig la lugod han iya dako nga karikohan ngan nangita hin karig-onan dida han iya pagkamaraot.”

Isaias 18:2

Tikang hito nga tuna may-ada mga sinugo nga ginpadara tikang ha iraya han Nilo nga sakay hin mga sakayan nga hinimo hin mga tangbo. Uli ngadto han iyo tuna, maglaksi nga mga magsarangyaw! Ibalik niyo an mensahe ngadto han iyo tuna nga nagkakabahinbahin tungod hin mga salog, ngadto han iyo makusog ngan gamhanan nga nasod, ngadto han iyo higtaas ngan maghamis in panit nga mga tawo nga nahahadlokan ha bug-os nga kalibutan.

Jeremias 16:16

Nagsiring an Ginoo, “Pakakanhion ko in damo nga mga mangirisda hin pagdakop hini nga mga tawo. Niyan pakakanhion ko in damo nga parapanganop hin pagdakop ha ira didto han tagsa nga bukid ug pungtod, ngan didto han mga lungib dida han kababtoan.

Ezequiel 13:18

ngan sumati hira han igyayakan ha ira han Ginoo nga Dyos: “Maghihikaraot kamo nga kababayen-an! Nagtatahi kamo hin para pagdiwata nga mga butok ha butkon para han ngatanan, ngan naghihimo hin para pagdiwata nga mga panyo para han ngatanan, nga igsusul-ot dida han ira mga ulo, basi magkamay-ada nira gahom kontra han kinabuhi han iba nga mga tawo. Karuyag niyo magtag-iya han gahom hin kinabuhi ug kamatayon kontra han akon mga tawo, ngan maggamit hini para han iyo kalugaringon nga kaupayan.

Miqueas 7:2

Waray na gud nahisalin nga tangkod nga tawo dinhe ha tuna, waray na gud maunongon han Dyos. Naghuhulat an kada usa hin higayon hin pagpatay. An kada tawo nagbibiling hin higayon hin pagdakop han iya igkasi taga nasod.