Genesis 10:6 - Samarenyo Meaning-Based Bible (1984)

⁶ An mga anak nga kalalaken-an ni Ham: hira Cus, Ehipto, Libya, ug Canaan—amo an mga ginikanan han mga tawo nga nagdadara han ira mga ngaran.

Genesis 10:6 Iomraidhean Croise

Genesis 10:5

amo hira an mga ginikanan han mga tawo nga nag-uokoy ha baybayon ngan didto han mga puro ha dagat. Amo ini an mga tulin ni Jafet, nga nag-uokoy didto han magkalainlain nira nga mga tribo ngan mga nasod, nga nagyayakan an tagsa nga hugpo han kalugaringon nga iya pinulongan.

Genesis 2:13

An ikaduha nga salog amo an Gihon; naawas ini palibot han katunaan han Cus.

Genesis 5:32

Han pag-abot ni Noe hin panuigon nga 500, nagkamay-ada hiya tulo nga mga anak nga kalalaken-an: hira Sem, Ham, ug Jafet.

Genesis 9:18

An mga anak nga kalalaken-an ni Noe nga nagkagawas han arka amo hira Sem, Ham, ug Jafet. (Amo hi Ham an amay ni Canaan.)

Genesis 9:22

Han pakakita ni Ham nga amay ni Canaan, nga hubo an iya amay, ginmawas hiya ngan ginsumatan niya an iya duha nga kabugtoan nga kalalaken-an.

1 Cronicas 4:40

Nakaagi hira hin haluag nga maglangbo nga panabsaban didto han kaumhan diin malinaw ngan murayaw an kahimtang han mga tawo. An mga tawo nga nag-ukoy anay didto amo an mga tulin ni Ham.

Mga Salmo 105:23

Niyan hi Jacob kinmadto ha Ehipto, ngan didto h'ya hini nga nasod pagpuyo.

Mga Salmo 105:27

ginbuhat nira'n buhat han Dyos nga dagko, ngan mga milagro didto ha Ehipto.

Mga Salmo 106:22

ha Lusayon nga Dagat ginbuhat niya, mga urosahon, makatitingala!

Mga Salmo 78:51

Pinamatay mga suhag nga kalalaken-an, han taga-Ehipto panimalay ngatanan.

Isaias 11:11

Kon umabot na ini nga adlaw gagamiton na liwat han Ginoo an iya gahom ngan pauulion adton iya mga tawo nga nahibilin didto ha Asiria, ha Ehipto, didto han katunaan han Patros, Sudan, Elam, Babilonia, ug Hamat, ngan didto han kabaybayonan ngan mga puro ha dagat.

Jeremias 46:9

Padalagana an mga kabayo, ngan pakalidinga an mga karuwahe! Pagawsa na an mga sondalo: mga tawo nga taga-Sudan ug Libya, dara an ira mga taming, ngan batid nga mga parapana nga taga-Lidia.’”

Ezequiel 27:10

“Nahimo nga imo mga sondalo an mga taga-Persia, Lidia, ug Libya. Isinab-ong nira an ira mga taming ngan an ira mga helmet didto han imo mga urokyan hin mga sondalo. Amo hira an mga tawo nga nagdara ha imo hin kadaogan.

Ezequiel 38:5

Upod ha iya in mga tawo nga taga-Persia, Sudan ug Libya, ngan may mga taming ngan mga helmet an ngatanan.