Genesis 10:10 - Samarenyo Meaning-Based Bible (1984)

¹⁰ Ha tinikangan sakop niya an ginhadian han Babilon, Erec, ug Accad; sakop ini nga tulo han Babilonia.

Genesis 10:10 Iomraidhean Croise

Genesis 10:9

Tungod han bulig han Ginoo usa hiya nga dako nga parapanganop, ngan sanglit nasiring an mga tawo, “Himoon ka unta han Ginoo nga sugad kan Nimrod nga maupay nga parapanganop.”

Genesis 11:2

Samtang nagtitipakadto hira ha sinirangan, nahingadto hira ha kapatagan didto ha Babilonia ngan didto hira pag-ukoy.

Genesis 11:9

Gintawag nga Babilon an syudad, kay didto gingupong han Ginoo an pinulongan han ngatanan nga mga tawo, ngan ginpasarang hira ha bug-os nga tuna.

Genesis 14:1

Nakig-away in upat nga kahadian nga amo hira Amrafel han Babilonia, Arioc han Elasar, Cedorlaomer han Elam, ngan Tidal han Goiim, kontra hin lima nga kahadian nga amo hira Bera han Sodoma, Birsa han Gomora, Sinab han Adma, Semeber han Zebolim, ngan an hadi han Bela (o Zoar).

Isaias 10:9

Gindaog ko an mga syudad han Calno ug Carquemis ngan an mga syudad han Hamat ug Arfad. Gindaog ko an Samaria ug Damasco.

Isaias 11:11

Kon umabot na ini nga adlaw gagamiton na liwat han Ginoo an iya gahom ngan pauulion adton iya mga tawo nga nahibilin didto ha Asiria, ha Ehipto, didto han katunaan han Patros, Sudan, Elam, Babilonia, ug Hamat, ngan didto han kabaybayonan ngan mga puro ha dagat.

Isaias 39:1

Hito nga panahon hinbatian ni Merodac Baladan nga anak ni Baladan, nga hadi han Babilonia, nga nasakit hi Hadi Ezequias, sanglit iya ginpadad-an an hadi hin surat ngan hin regalo.

Jeremias 21:2

“Pakighimangraw gad han Ginoo tungod ha amon, kay ginsusulong an syudad nira Hadi Nabucodonosor han Babilonia ngan han iya kasondalohan. Manggad pa pagbuhaton para ha amon han Ginoo in usa han iya mga milagro ngan piriton hin pag-isol hi Nabucodonosor.”

Jeremias 50:1

Amo ini an mensahe nga iginhatag ha akon han Ginoo mahitungod han syudad han Babilonia ngan han iya mga tawo:

Jeremias 50:21

Nasiring an Ginoo, “Sulonga an mga tawo han Marataim ngan han Pekod. Pamataya ngan puoha hira. Buhata an ngatanan nga akon iginsusugo ha iyo. Ako nga Ginoo an nagyakan.

Ezequiel 27:23

Nakigpatigayon ha imo an ngatanan nga mga syudad han Haran, Cane, ug Eden, ngan an mga magparatigayon han Saba ug an mga syudad han Asur ug Cilmad.

Daniel 1:2

Igintubyan ha iya han Ginoo hi Hadi Joakim upod an mga garamiton han Templo. Ginhalin niya hira ngadto ha Babilonia, ngadto han templo han iya kadiyosan ngan iginbutang an mga inagaw nga manggad didto han hirimosan nga mga kwarto han templo.

Amos 6:2

Kadtoa ngan kitaa an syudad han Calne. Niyan kadtoa an dako nga syudad han Hamat ngan lugsong ngadto han Filisteohanon nga syudad han Gat. Mauruupay ba hira kay han mga ginhadian han Juda ug Israel? Hiruhiluag ba an ira katunaan kay han iyo?

Miqueas 4:10

Paglubag ngan pag-araba, mga tawo han Jerusalem, sugad hin babaye nga nag-aanak, kay yana kinahanglan bumaya kamo han syudad ngan mag-ukoy ha kaumhan han tuna. Kinahanglan kumadto kamo ha Babilonia, kundi didto pagtatalwason kamo han Ginoo tikang han iyo mga kaaway.

Miqueas 5:6

Pinaagi han kusog han mga hinganiban, sasakopon nira an Asiria nga tuna ni Nimrod, ngan tatalwason kita nira tikang han mga Asiriahanon kon sulongon nira an aton katunaan.

Zacarias 5:11

Binmaton hiya, “Ngadto ha Babilonia diin magtitindog hira hin templo para hini. Kon mahuman na an templo, ibubutang didto an alat basi pagsingbahon.”