Filemon 1:9 - Samarenyo Meaning-Based Bible (1984)

⁹ Kundi an gugma as nagpupugos ha akon hin paghangyo ha imo. Ginbubuhat ko ini bisan kon usa nga sinugo ni Cristo Jesus ako, hi Pablo, nga ito yana binilanggo liwat tungod ha iya.

Filemon 1:9 Iomraidhean Croise

Mga Salmo 71:18

Ayaw ako pagpabay-i, O Dyos, yana nga tigurang na ako ngan mabusag na an ako buhok! Updi ako samtang iginsasangyaw ko an imo gahom ngan kusog ha ngatanan nga katulinan nga tiarabot.

Mga Salmo 71:9

Ayaw ako isikway yana nga tigurang na ako; ayaw ako pabay-i yana nga maluya na ako!

Mga Darahonon 16:31

An hilawig nga kinabuhi amo an balos han mga magtadong; korona hin kadungganan an pagkaubanon.

Isaias 46:4

Ako an iyo Dyos, ngan mamangnoan ko kamo tubtob han iyo kalagas ngan pag-ubana ha iyo. Ginhimo ko kamo ngan mamangnoan ko kamo; bubuligan ngan tatalwason ko kamo.

Mga Taga-Roma 12:1

Sanglit, kabugtoan ko, tungod han dako nga kalooy han Dyos ha aton, nanginginyupo ako ha iyo; ighalad niyo ngadto sa Dyos an iyo kalugaringon sugad hin buhi nga halad nga tinubyan ha pag-alagad ha iya, ngan nakakalipay ha iya. Amo ini an matuod nga pagsingba nga angay niyo ighalad.

2 Mga Taga-Corinto 5:20

Sanglit iini kami nagyayakan para kan Cristo, sugad nga an Dyos nahangyo ha iyo pinaagi ha amon. Tungod kan Cristo nahangyo man kami ha iyo: tugoti nga himoon kamo han Dyos nga iya mga sangkay, diri na mga kaaway.

2 Mga Taga-Corinto 6:1

Sanglit sugad nga mga kabulig kami han Dyos, nahangyo kami ha iyo nga diri niyo karagan an iyo nakarawat nga grasya han Dyos.

Mga Taga-Galacia 3:26

Pinaagi hin pagtoo kan Cristo Jesus nagin anak kamo ngatanan han Dyos.

Mga Taga-Efeso 3:1

Tungod hini, ako, hi Pablo nga binilanggo tungod kan Cristo Jesus para ha iyo nga mga Hentil nag-aampo ngadto han Dyos.

Mga Taga-Efeso 4:1

Sanglit ako nga binilanggo tungod kay nag-aalagad han Ginoo, nag-aaghat ha iyo nga mag-ukoy kamo hin kinabuhi nga angay han buruhaton nga ginhatag han Dyos dida han pagtawga ha iyo.

Mga Taga-Efeso 6:20

Tungod hini nga Maupay nga Sumat usa ako nga sinugo bisan kon priso ako yana. Pag-ampo kamo nga magmaisog ako hin pagyakan mahitungod han Maupay nga Sumat sugad han akon mahimo.

1 Timoteo 1:12

Nagpapasalamat ako kan Cristo Jesus nga aton Ginoo, nga naghatag ha akon hin kusog para han akon buruhaton, tungod nga gintungdan ngan gin-isip ako niya nga takos mag-alagad ha iya,

Tito 2:2

Sumati an mga tirutigurang na nga kalalaken-an nga magmaligdong ngan mabination hira, ngan magpugong han ira kalugaringon; nga magmarig-on ha ira pagtoo, paghigugma, ngan pag-ilob.

Hebreo 13:19

Ngan nanginginyupo pa gud ako ha iyo nga mag-ampo kamo nga pabalikon ako han Dyos ngada ha iyo ha madali nga panahon.

1 Pedro 2:11

Kasangkayan ko, nahangyo ako ha iyo, sugad nga mga lumalangyaw ngan mga iginhalin nga bihag la kamo dinhe hini nga kalibutan! Ayaw kamo pagpadaog han lawasnon nga mga kaipahon, nga dayuday la nakikiaway han kalag.

Mga Maghurukom 21:22

Kon kumadto ha iyo hin pagbawi an ira mga amay o kabugtoan nga kalalaken-an, sidnga hira niyo, ‘Tugoti gad kami hin pag-asawa ha ira kay waray man namon hira bihaga didto ha pag-awayan. Ngan tungod kay waray man hira ihatag niyo ha amon, diri kamo nakakasala hin pagsupak han iyo saad.’”