Exodo 9:4 - Samarenyo Meaning-Based Bible (1984)

⁴ Paglalainon ko an kamanampan han mga Israelita ngan han kanan mga Ehiptohanon, ngan waray mapatay nga mananap nga gintatag-iya han mga Israelita.

Exodo 9:4 Iomraidhean Croise

Exodo 10:23

Waray na gud maggigikitaay an mga Ehiptohanon ngan waray hira gumawas han balay sulod hito nga panahon. Kundi may-ada kapawa an mga Israelita didto han ira gin-uokyan.

Exodo 12:13

Mahihimo nga tigaman han kabablayan nga iyo inuokyan an dugo dida ha mga harigi han porta. Kon hikit-an ko an dugo, lalabyan ko la kamo, ngan diri ko kamo paglalabtan kon kastigohon ko na an mga Ehiptohanon.

Exodo 8:19

ngan ginsiring han mga salamangkero an hadi, “An Dyos an nagbuhat hini!” Kundi matig-a la gihapon an kasingkasing han hadi sumala han iginsiring han Ginoo, ngan waray gud hiya mamati kanda Moises ug Aaron.

Exodo 8:22

Kundi igagawas ko an katunaan han Gosen nga inuokyan han akon mga tawo, basi mawaray kalangawan didto. Pagbubuhaton ko ini basi makasabot ka nga ako nga Ginoo amo an nagbubuhat hini ngatanan dinhe hini nga tuna.

Exodo 9:26

An katunaan la han Gosen nga gin-ukyan han mga Israelita an waray urani han mga bato nga yelo.

Exodo 9:5

Igintalaan ko nga Ginoo, an buwas nga adlaw hin pagbuhat ko hini nga kastigo.’”

Exodo 9:6

Han pagkabuwas, ginbuhat han Ginoo sumala han iya iginsiring, ngan nagkamatay an ngatanan nga kamanampan han mga Ehiptohanon, kundi waray gud namatay han kanan mga Israelita.

Amos 4:7

Ginpugngan ko hin pag-uran dida han pagkinahanglan niyo para han iyo mga tanom. Ginpauranan ko ha usa nga syudad, kundi waray didto ha lain nga syudad. Inuranan in usa nga uma, kundi nagmara in lain nga uma.

Malaquias 3:18

Makakakita na liwat an akon mga tawo han kalainan hadton nahinanabo ha mga magtadong ngan ha mga magraot, ha tawo nga nag-aalagad ha akon ngan ha tawo nga diri nag-aalagad ha akon.”