Exodo 9:3 - Samarenyo Meaning-Based Bible (1984)

³ kakastigohon ko ikaw pinaagi hin pagpadara hin makalilisang nga sakit ngada han ngatanan mo nga kamananampan—han imo mga kabayo, mga asno, mga kamelyo, mga baka, mga karnero, ngan mga kanding.

Exodo 9:3 Iomraidhean Croise

Genesis 47:17

Sanglit gindara nira an ira mga hayop ngadto kan Jose, ngan iya gintagan hira hin pagkaon nga balyo han ira mga kabayo, mga karnero, mga kanding, mga baka, ngan mga asno. Hito nga tuig iya gintagan hira hin pagkaon nga balyo han ngatanan nira nga mga hayop.

Mga Salmo 39:10

Ayaw na ako pagkastigoha! Haros na ako mamatay tungod han imo mga hampak!

Exodo 5:3

Binmaton hira Moises ug Aaron, “Nagpadayag ha amon an Dyos han mga Hebreo. Tugoti kami hin paglakat hin tulo ka adlaw ngadto ha kamingawan basi maghalad kami hin mga halad nga tinubod ngadto han Ginoo nga amon Dyos. Kon diri kami maghalad, pamamatayon kami niya pinaagi hin sakit o hin araway.”

Exodo 7:4

Niyan ipadadara ko ngadto ha Ehipto in makalilisang nga kastigo, ngan dadad-on mo hin paggawas tikang han tuna an mga tribo han akon mga tawo.

Exodo 8:19

ngan ginsiring han mga salamangkero an hadi, “An Dyos an nagbuhat hini!” Kundi matig-a la gihapon an kasingkasing han hadi sumala han iginsiring han Ginoo, ngan waray gud hiya mamati kanda Moises ug Aaron.

Amos 4:10

“Ginpadara ko ha iyo in peste nga sugad han akon ginbuhat didto ha Ehipto. Pinanmatay ko didto ha pag-awayan an iyo batan-on nga kalalaken-an ngan ginkuha ko an iyo mga kabayo. Iginpabaho ko ha iyo an mga patay nga lawas didto han iyo mga kampo. Kundi waray kamo gihapon bumalik ha akon.

Mga Buhat 13:11

Yana pagsisirotan ka han Ginoo. Mabubuta ka ngan diri ka makita han kapawa sulod hin pira ka adlaw!” Ha gilayon nagmasirom an pangita ni Elimas ngan nagbalikbalik hiya pamiling hin magtutugway ha iya.

1 Samuel 6:9

Niyan bantayi ini; kon tadongon hini an bungto han Betsemes, karuyag sidngon hini nga an diyos han mga Israelita amo an nagpadara hini nga makalilisang nga kakurian. Kundi kon diri, aton hibabaroan nga diri hiya amo an nagpadara han peste; usa la ini nga nahinabo ha aton.”