Exodo 8:6 - Samarenyo Meaning-Based Bible (1984)

⁶ Sanglit ginkaptan ni Aaron an iya tungkod ha bawbaw han ngatanan nga katubigan, ngan inmulpot an mga pakla ngan naluob an tuna.

Exodo 8:6 Iomraidhean Croise

2 Samuel 7:22

Hin pagkagamhanan nimo, O Ginoo nga Dyos! Waray gud masugad ha imo; maaram gud kami nga ikaw la an Dyos.

2 Cronicas 6:14

Nag-ampo hiya, “O Ginoo nga Dyos han Israel, waray diyos nga sugad ha imo ha bug-os nga langit ug tuna. Matinumanon ka han imo ginsaaran ha imo mga tawo ngan dayuday an imo paghigugma ha ira nga nagsusugot ha imo hin kinasingkasing.

Mga Salmo 105:30

Naluob ira tuna hin kapaklahan, bis' an palasyo'n hadi ira ginsudlan;

Mga Salmo 78:45

Ginpadara in kalangawan hin pagsakit ha ira, ngan an napaklahan hin pagdaot han ira uma.

Mga Salmo 86:8

Waray diyos nga sugad ha imo, Ginoo, ngan han imo mga buhat waray makakahimo.

Mga Salmo 90:2

Han waray pa nimo himoa an kabukiran, han waray pa mahimugso an kalibutan, Dyos ka, waray tinikangan ug ha kadayonan.

Exodo 10:2

ngan basi makagsumat ka han imo mga anak ngan mga apo kon gin-unan-o ko hin pagluronga han mga Ehiptohanon han pagbuhata ko han mga milagro. Mahibabaro kamo ngatanan nga ako amo an Ginoo.”

Exodo 15:11

“O Ginoo, hin-o han kadiyosan in sugad ha imo? Hin-o in sugad ha imo nga urosahon an pagkabaraan? Hin-o in nakakagbuhat hin mga milagro ngan gamhanan nga mga buhat sugad han imo.

Exodo 7:19

Nagsiring an Ginoo ngadto kan Moises, “Sidnga hi Aaron nga dad-on an iya tungkod ngan alsahon ini ha igbaw han ngatanan nga mga salog, mga kanal, ngan mga libaong didto ha Ehipto. Mahihimo nga dugo an tubig, ngan nagkakamay-ada dugo ha bug-os nga tuna bisan pa didto han surudlan nga mga balde ngan mga tadyaw.”

Exodo 9:14

Hini nga mga panahon kakastigohon ko diri la an imo mga opisyal ngan an imo mga tawo, kundi pati ikaw, basi hibaroan mo nga waray na sugad ha akon ha bug-os nga kalibutan.

Exodo 9:29

Nagsiring ha iya hi Moises, “Ha paghigawas ko gud la han syudad, babayawon ko dayon an akon mga kamot ha pag-ampo ngadto han Ginoo. Maukoy an dalugdog ngan an mga bato nga yelo, basi mahibaro ka nga kanan Ginoo an tuna.

Isaias 43:10

“Mga tawo han Israel, kamo an akon mga saksi; ginpili ko kamo nga akon surugoon, basi kumilala ngan tumoo kamo ha akon, ngan sumabot kamo nga ako gudla an Dyos. Labot ha akon waray na iba nga diyos; waray na gud iba hadto pa, ngan waray na gud iba nga tiarabot.

Levitico 11:12

Kinahanglan diri kamo kumaon hin bisan ano nga naukoy ha tubig nga waray mga kapay ngan mga hingbis.

Deuteronomio 32:31

Maaram an ira mga kaaway nga magluya an ira kalugaringon nga kadiyosan, nga diri makagarahum sugad han Dyos han Israel.

Deuteronomio 33:26

Mga tawo han Israel, waray diyos nga sugad han iyo Dyos, nga nagtatarap han bug-os nga kalangitan, nga naglalatas han kadampogan hin pagbulig ha iyo.

Deuteronomio 4:35

Iginpakita ini ha iyo han Ginoo, ha pagpamatuod ha iyo nga hiya gudla amo an Dyos ngan waray na iba.

Ginpadayag 16:13

Ngan hinkit-an ko in tulo nga maghugaw nga mga espiritu nga sugad hin mga pakla, nga naguwa tikang han baba han dragon, han baba han mapintas nga mananap, ngan han baba han diri matuod nga manaragna.