Exodo 8:10 - Samarenyo Meaning-Based Bible (1984)

¹⁰ Binmaton an hadi, “Pag-ampo buwas para ha akon.” Nagsiring hi Moises, “Bubuhaton ko sumala han imo pinangangaro, ngan niyan mahibabaro ka nga waray iba nga diyos nga sugad han Ginoo nga amon Dyos.

Exodo 8:10 Iomraidhean Croise

2 Samuel 7:22

Hin pagkagamhanan nimo, O Ginoo nga Dyos! Waray gud masugad ha imo; maaram gud kami nga ikaw la an Dyos.

1 Cronicas 17:20

Ginoo, waray gud masugad ha imo; dayuday maaram kami nga ikaw la an Dyos.

Mga Salmo 83:18

Kumilala unta hira nga ikaw la an Ginoo, waray na gud iba; an Dyos an Gilalabawi nga punoan, nga hadi han ngatanan nga kalibutan.

Mga Salmo 86:8

Waray diyos nga sugad ha imo, Ginoo, ngan han imo mga buhat waray makakahimo.

Mga Salmo 9:16

An Ginoo ha iya ngahaw nagpakita, pinaagi han matadong nga paghukom niya, an mga magraogdaog nahisakban han ira la ngahaw mga binuhatan.

Exodo 15:11

“O Ginoo, hin-o han kadiyosan in sugad ha imo? Hin-o in sugad ha imo nga urosahon an pagkabaraan? Hin-o in nakakagbuhat hin mga milagro ngan gamhanan nga mga buhat sugad han imo.

Exodo 8:9

Binmaton hi Moises, “Malilipay ako hin pag-ampo para ha imo. Kundi pagtalaan hin takna kon san-o ako pag-aampo para ha imo, han imo mga opisyal, ngan han imo mga tawo. Niyan babayaan ka han mga pakla ngan waray na gud mahibibilin labot la didto han Nilo.”

Exodo 9:14

Hini nga mga panahon kakastigohon ko diri la an imo mga opisyal ngan an imo mga tawo, kundi pati ikaw, basi hibaroan mo nga waray na sugad ha akon ha bug-os nga kalibutan.

Exodo 9:29

Nagsiring ha iya hi Moises, “Ha paghigawas ko gud la han syudad, babayawon ko dayon an akon mga kamot ha pag-ampo ngadto han Ginoo. Maukoy an dalugdog ngan an mga bato nga yelo, basi mahibaro ka nga kanan Ginoo an tuna.

Mga Darahonon 27:1

Ayaw gud paghinambog mahitungod han buwas nga adlaw. Diri ka maaram han mahinanabo tikang yana ngada buwas.

Isaias 40:18

Kanay niyo itatanding an Dyos? Uunanhon nimo hin pag-asoy kon hin-o in masusugad ha iya?

Isaias 40:25

Kanay niyo itatanding an baraan nga Dyos? May-ada pa ba iba nga sugad ha iya?

Isaias 46:9

Hinumdomi an nahinabo hin maiha na; kilalaha nga ako gudla amo an Dyos ngan waray na gud iba nga sugad ha akon.

Deuteronomio 3:24

‘O Ginoo nga Dyos, maaram ako nga imo iginpakita ha akon an tinikangan pala han dagko ngan urosahon nga mga butang nga imo pagbubuhaton. Waray diyos didto ha langit o dinhe ha tuna nga makakagbuhat han gamhanan nga mga butang nga imo ginbuhat!

Deuteronomio 32:31

Maaram an ira mga kaaway nga magluya an ira kalugaringon nga kadiyosan, nga diri makagarahum sugad han Dyos han Israel.

Deuteronomio 33:26

Mga tawo han Israel, waray diyos nga sugad han iyo Dyos, nga nagtatarap han bug-os nga kalangitan, nga naglalatas han kadampogan hin pagbulig ha iyo.

Deuteronomio 4:35

Iginpakita ini ha iyo han Ginoo, ha pagpamatuod ha iyo nga hiya gudla amo an Dyos ngan waray na iba.

Deuteronomio 4:39

Sanglit hinumdomi yana nga adlaw ngan ayaw gud niyo hingalimti: an Ginoo amo an Dyos didto ha langit ngan dinhe ha tuna. Waray na iba nga diyos.

Santiago 4:14

Diri ngani kamo maaram kon ano an mapaabot ha iyo buwas! Sugadsugad la kamo han manipis nga burong nga nakikita hin usa ka dali, ngan nagpapapas dayon.