Biblia Todo Logo
Bìoball air-loidhne

- Sanasan -




Exodo 7:5 - Samarenyo Meaning-Based Bible (1984)

5 Niyan mahibabaro an mga Ehiptohanon nga ako amo an Ginoo, kon bayawon ko na an akon kamot kontra ha ira ngan pagawson ko na an mga Israelita tikang han ira nasod.”

Faic an caibideil Dèan lethbhreac




Exodo 7:5
20 Iomraidhean Croise  

Kon ginlilibotan ak' hin kakurian, im' gintatalwas han mga kataragman. Mga kaaway ko im' inaatohan, gintatalwas ako han im' kagamhanan.


An Ginoo ha iya ngahaw nagpakita, pinaagi han matadong nga paghukom niya, an mga magraogdaog nahisakban han ira la ngahaw mga binuhatan.


ngan basi makagsumat ka han imo mga anak ngan mga apo kon gin-unan-o ko hin pagluronga han mga Ehiptohanon han pagbuhata ko han mga milagro. Mahibabaro kamo ngatanan nga ako amo an Ginoo.”


Ginsiring an hadi han iya mga opisyal, “Tubtob san-o an pakasamok ha aton hini nga tawo? Palakta an kalalaken-an nga mga Israelita basi makagsingba hira han Ginoo nga ira Dyos. Diri ka ba maaram nga nabubungkag na an Ehipto?”


Kon pirdehon ko na hira, mahibabaro an mga Ehiptohanon nga ako amo an Ginoo.”


Patitig-ahon ko an kasingkasing han hadi ngan lalanaton kamo niya, ngan an akon pagdarag-an kontra han hadi ngan han iya kasondalohan makahatag ha akon hin dungog. Niyan mahibabaro an mga Ehiptohanon nga ako amo an Ginoo.” Ginbuhat han mga Israelita sumala han igintugon ha ira.


Ginsumatan ni Moises hi Jetro han ngatanan nga ginbuhat han Ginoo ngadto han hadi ngan han mga tawo han Ehipto basi matalwas an mga Israelita. Iya liwat ginsumatan hiya hiunong han mga kakurian nga gin-antos han mga tawo dida ha dalan ngan kon gin-unan-o han Ginoo hin pagtalwas ha ira.


Kundi gagamiton ko an akon gahom, ngan kakastigohon ko an Ehipto pinaagi hin pagbuhat hin magpakaharadlok nga mga butang didto. Katapos hito, palalakton kamo niya.


Niyan nagsiring kan Moises an Ginoo, “Yana hikikit-an mo an akon pagbubuhaton ngadto han hadi. Pagpipiriton ko hiya hin pagpalakat han akon mga tawo. Ngani pagpipiriton ko hiya hin pagpagawas ha ira tikang han iya tuna.”


Sanglit sumati an mga Israelita nga nasiring ako ha ira, ‘Amo ako an Ginoo; tatalwason ko kamo ngan igagawas ko kamo tikang han iyo pagkaoripon han mga Ehiptohanon. Babayawon ko an akon gamhanan nga butkon hin makalilisang nga pagkastigo ha ira, ngan tatalwason ko kamo.


Yana, Harangdon nga Hadi, nasiring an Ginoo nga hibabaroan mo kon hin-o hiya pinaagi han iya pagbubuhaton. Kitaa, babalbagon ko hini nga tungkod an tubig ha bawbaw han salog, ngan mahihimo nga dugo an tubig.


Binmaton an hadi, “Pag-ampo buwas para ha akon.” Nagsiring hi Moises, “Bubuhaton ko sumala han imo pinangangaro, ngan niyan mahibabaro ka nga waray iba nga diyos nga sugad han Ginoo nga amon Dyos.


ngan ginsiring han mga salamangkero an hadi, “An Dyos an nagbuhat hini!” Kundi matig-a la gihapon an kasingkasing han hadi sumala han iginsiring han Ginoo, ngan waray gud hiya mamati kanda Moises ug Aaron.


Kundi igagawas ko an katunaan han Gosen nga inuokyan han akon mga tawo, basi mawaray kalangawan didto. Pagbubuhaton ko ini basi makasabot ka nga ako nga Ginoo amo an nagbubuhat hini ngatanan dinhe hini nga tuna.


Kakastigohon ko hira hin makalilisang ngan bubulson ko hira hin tinuod. Aabaton nira an akon kapungot. Niyan makilala hira nga ako amo an Ginoo.”


Sumati an mga tawo didto han igyayakan ko, an Ginoo nga Dyos, mahitungod ha ira: Kaaway mo ako, Sidon; pagdadayawon ako han mga tawo tungod han akon pagbubuhaton ha imo. Makilala hira nga ako amo an Ginoo, kon ipakita ko na an akon pagkabaraan pinaagi hin pagkastigo hadton mga nag-uokoy dida ha imo.


Kon himoon ko na an Ehipto nga waray gamit nga kamingawan ngan puohon ko an ngatanan nga nag-uokoy didto, makilala hira nga ako amo an Ginoo.


Kon ipakita ko na ngadto han mga nasod an pagkabaraan han akon harangdon nga ngaran nga iyo ginpakaalohan ha butnga nira, niyan makilala hira nga ako amo an Ginoo. Ako nga Ginoo nga Dyos an nagyakan. Gagamiton ko kamo hin pagpakita ngadto han mga nasod nga baraan ako.


Tikang hito nga adlaw makilala an mga Israelita nga ako amo an Ginoo nga ira Dyos.


Tatalinguhaon ko nga kumilala han akon baraan nga ngaran an akon mga tawo, an Israel, ngan diri na gud ako matugot nga pagpakaalohan an akon ngaran. Niyan makilala an mga nasod nga ako amo an Ginoo nga Baraan nga Dyos han Israel.”


Lean sinn:

Sanasan


Sanasan