Exodo 7:4 - Samarenyo Meaning-Based Bible (1984)

⁴ Niyan ipadadara ko ngadto ha Ehipto in makalilisang nga kastigo, ngan dadad-on mo hin paggawas tikang han tuna an mga tribo han akon mga tawo.

Exodo 7:4 Iomraidhean Croise

Exodo 10:1

Niyan nagsiring kan Moises an Ginoo, “Kadto ngan pakigkita han hadi. Ginpatig-a ko an kasingkasing niya ngan han iya mga opisyal, basi pagbuhaton ko dida ha ira ini nga mga milagro,

Exodo 11:9

Nagsiring kan Moises an Ginoo, “Diri pa gihapon mamamati ha imo an hadi, basi pagbuhaton ko dinhe ha Ehipto in darudamo pa nga akon mga milagro.”

Exodo 12:51

Dida hito manla nga adlaw ginpagawas han Ginoo an mga tribo nga Israelita tikang ha Ehipto.

Exodo 13:3

Nagsiring hi Moises han mga tawo, “Hinumdomi ini nga adlaw—an adlaw han pagbaya niyo han Ehipto, an dapit diin mga oripon kamo. Amo ini an adlaw han pagpagawsa ha iyo han Ginoo pinaagi han iya dako nga gahom. Diri kamo makakaon han tinapay nga may-ada patubo.

Exodo 13:9

Ini nga pagsaurog usa ini nga pahinumdom sugad hin ihinigot nga tigaman ha iyo kamot o ipinatik ha iyo agtang nga magpapahinumdom ini ha iyo basi magpadayon kamo hin pagsubay ngan pag-aram han Balaod han Ginoo tungod nga ginpagawas kamo han Ginoo tikang ha Ehipto pinaagi han iya dako nga gahom.

Exodo 18:8

Ginsumatan ni Moises hi Jetro han ngatanan nga ginbuhat han Ginoo ngadto han hadi ngan han mga tawo han Ehipto basi matalwas an mga Israelita. Iya liwat ginsumatan hiya hiunong han mga kakurian nga gin-antos han mga tawo dida ha dalan ngan kon gin-unan-o han Ginoo hin pagtalwas ha ira.

Exodo 3:19

Maaram ako nga diri matugot ha iyo an hadi han Ehipto gawas kon piriton gud hiya.

Exodo 3:20

Kundi gagamiton ko an akon gahom, ngan kakastigohon ko an Ehipto pinaagi hin pagbuhat hin magpakaharadlok nga mga butang didto. Katapos hito, palalakton kamo niya.

Exodo 6:1

Niyan nagsiring kan Moises an Ginoo, “Yana hikikit-an mo an akon pagbubuhaton ngadto han hadi. Pagpipiriton ko hiya hin pagpalakat han akon mga tawo. Ngani pagpipiriton ko hiya hin pagpagawas ha ira tikang han iya tuna.”

Exodo 6:26

Amo ini hira Aaron ug Moises an ginsiring han Ginoo, “Kamo an magdudumara han mga tribo han Israel hin paggawas han Ehipto.”

Exodo 6:6

Sanglit sumati an mga Israelita nga nasiring ako ha ira, ‘Amo ako an Ginoo; tatalwason ko kamo ngan igagawas ko kamo tikang han iyo pagkaoripon han mga Ehiptohanon. Babayawon ko an akon gamhanan nga butkon hin makalilisang nga pagkastigo ha ira, ngan tatalwason ko kamo.

Exodo 7:13

Nagpabilin hin kamatig-a an kasingkasing han hadi ngan waray hiya mamati kanda Moises ug Aaron, sumala han iginsiring han Ginoo.

Exodo 7:16

Niyan sidnga an hadi, ‘Ginsugo ako han Ginoo nga Dyos han mga Hebreo, hin pagsumat ha imo nga imo palakton an iya mga tawo, basi makagsingba hira ha iya didto han kamingawan. Kundi ngada yana, nagpapakabungol ka la.

Exodo 8:15

Han paghikit-i han hadi nga nagkamatay na an mga pakla, nagmatig-a na liwat an iya kasingkasing, sumala han iginsiring han Ginoo, ngan waray gud hiya mamati kanda Moises ug Aaron.

Exodo 8:19

ngan ginsiring han mga salamangkero an hadi, “An Dyos an nagbuhat hini!” Kundi matig-a la gihapon an kasingkasing han hadi sumala han iginsiring han Ginoo, ngan waray gud hiya mamati kanda Moises ug Aaron.

Exodo 9:12

Kundi ginpatig-a han Ginoo an kasingkasing han hadi, ngan sumala han iya iginsiring, waray an hadi mamati kanda Moises ug Aaron.

Exodo 9:3

kakastigohon ko ikaw pinaagi hin pagpadara hin makalilisang nga sakit ngada han ngatanan mo nga kamananampan—han imo mga kabayo, mga asno, mga kamelyo, mga baka, mga karnero, ngan mga kanding.

Mga Darahonon 19:29

Paghahampakon manta in lurong nga mapinahitas-on.

Isaias 26:9

Naghihingyap ako ha imo ha bug-os ko nga kasingkasing kon gab-i; kon paghukman mo an tuna ngan an mga tawo mahibabaroan nira ngatanan an katadongan.

Pagnguyngoy 3:3

Ngan gintubal ako niya hin waray pagkalooy nga mga hampak.

Ezequiel 14:21

Amo ini an igyayakan han Ginoo nga Dyos: “Igpapadara ko ngada ha Jerusalem an akon upat nga dagko nga mga kastigo—araway, gutom, magpintas nga kamanampan, ug mga sakit—hin pagpuo hin mga tawo ngan mga mananap.

Ezequiel 25:11

Pagkakastigohon ko an Moab, ngan makilala hira nga ako amo an Ginoo.”

Ezequiel 30:14

Hihimoon ko nga kamingawan an timogan nga dapit han Ehipto ngan susuritan ko an syudad han Zoan didto ha amihanan. Kakastigohon ko an kapital nga syudad han Tebas.

Ezequiel 30:19

Kon kastigohon ko na an Ehipto hin sugad hini, makilala hira nga ako amo an Ginoo?”

Ginpadayag 15:4

Hin-o in diri mahahadlok ha imo, O Ginoo? Hin-o in madiri pagpasangyaw han imo pagkagamhanan? Ikaw gud la an baraan. Makanhi ngan magsisingba ha imo an ngatanan nga kanasoran, kay hinkikit-an han ngatanan an imo magtadong nga mga buhat.”

Ginpadayag 16:7

Ngan hinbatian ko in tingog nga tikang han altar nga nasiring, “O Ginoo nga Dyos nga Makagarahum han Ngatanan! Matuod ngan matadong gud an imo mga paghukom!”

Ginpadayag 19:2

Matuod ngan matadong an iya mga paghukom! Ginhukman niya ha karat-an an babaye nga maraot an bantog nga nakakadarahig han tuna pinaagi han iya maghilas nga kalaw-ayan. Ginsirotan hiya han Dyos kay iya ginpamatay an iya mga surugoon.”

Mga Maghurukom 2:15

Ha kada pagkakadto nira ha pag-awayan, an Ginoo an nakikig-away ha ira sumala han iya iginsiring. Nag-antos hira hin dako nga kakurian.