Exodo 7:3 - Samarenyo Meaning-Based Bible (1984)

³ Kundi patitig-ahon ko an kasingkasing han hadi, ngan diri hiya mamamati ha iyo, bisan damo nga magpakaharadlok nga mga butang an akon pagbuhaton didto ha Ehipto.

Exodo 7:3 Iomraidhean Croise

Nehemias 9:10

Ginbuhat mo in urosahon nga mga milagro kontra han hadi, kontra han iya mga opisyal ngan han mga tawo han iya tuna, kay hinbaroan mo an ira pagtalumpigos han imo mga tawo. Sanglit napasidunggan an imo ngaran tubtob ngada yana nga adlaw.

Mga Salmo 135:9

Didto nagpakita hin mga milagro, kontra kan Paraon ngan tanan pangulo.

Mga Salmo 78:12

Samtang nagkikita an ira ginikanan, han mga milagro didto ha Soan.

Exodo 11:10

Ginbuhat nira Moises ug Aaron ini ngatanan nga mga milagro ha atubangan han hadi, kundi ginpatig-a han Ginoo an kasingkasing han hadi, ngan waray gud niya tugoti hin pagbaya han iya nasod an mga Israelita.

Exodo 11:9

Nagsiring kan Moises an Ginoo, “Diri pa gihapon mamamati ha imo an hadi, basi pagbuhaton ko dinhe ha Ehipto in darudamo pa nga akon mga milagro.”

Exodo 14:4

Patitig-ahon ko an kasingkasing han hadi ngan lalanaton kamo niya, ngan an akon pagdarag-an kontra han hadi ngan han iya kasondalohan makahatag ha akon hin dungog. Niyan mahibabaro an mga Ehiptohanon nga ako amo an Ginoo.” Ginbuhat han mga Israelita sumala han igintugon ha ira.

Exodo 3:20

Kundi gagamiton ko an akon gahom, ngan kakastigohon ko an Ehipto pinaagi hin pagbuhat hin magpakaharadlok nga mga butang didto. Katapos hito, palalakton kamo niya.

Exodo 4:21

Nagsiring na liwat kan Moises an Ginoo, “Yana nga tibalik ka na ngadto ha Ehipto, pagbuhata gud ha atubangan han hadi an ngatanan nga mga milagro nga iginhatag ko ha imo gahom hin pagbuhat. Kundi patitig-ahon ko an kasingkasing han hadi ngan diri niya tutugotan hin paglakat an mga tawo.

Exodo 4:29

Sanglit kinmadto ha Ehipto hira Moises ug Aaron ngan gintirok nira an ngatanan nga mga pangulo nga Israelita.

Exodo 4:7

Niyan nagsiring an Ginoo, “Igbalik hin pagsulod an imo kamot.” Ibinalik niya ini, ngan han paggawsan niya hini, maupay na liwat sugad gud han iba nga bahin han iya lawas.

Exodo 7:13

Nagpabilin hin kamatig-a an kasingkasing han hadi ngan waray hiya mamati kanda Moises ug Aaron, sumala han iginsiring han Ginoo.

Exodo 9:16

Kundi tinugotan ko nga mabuhi ka, basi makakita ka han akon gahom, ngan mahibantog ako ha bug-os nga kalibutan.

Mga Darahonon 21:1

Gindudumara han Ginoo an kanan hadi hunahuna, hin sugad kamasayon han iya pagmando han pag-awas hin usa nga sapa.

Isaias 51:9

Pagmata, O Ginoo, ngan buligi kami! Gamita an imo gahom ngan talwasa kami; gamita ini sugad han imo ginbuhat han naglabay na nga mga panahon. Ikaw an nagtirutigbas kan Rahab nga higante ha dagat.

Miqueas 7:15

Pagbuhat hin mga milagro para ha amon, O Ginoo, sugad han imo ginbuhat hadto nga mga adlaw han pagpagawsa mo ha amon han Ehipto.

Juan 4:48

Nagsiring hi Jesus ha iya, “Waray gud ha iyo matoo labot kon hikit-an niyo in dagko nga mga orosahon.”

Mga Buhat 2:22

“Mga igkasi ko taga-Israel, pamatii niyo ini nga mga pulong! Usa nga tawo hi Jesus nga taga-Nazaret, kanay dyosnon nga gahom iginpadayag ha iyo pinaagi han ngatanan nga mga milagro ngan mga urosahon nga ginbuhat han Dyos pinaagi ha iya. Maaram kamo ngahaw hini, kay nahinabo ini dinhe ha iyo.

Mga Buhat 7:36

Nangulo hiya han mga tawo hin paggawas ha Ehipto ngan nagbuhat hiya hin mga milagro ngan mga urosahon didto ha Ehipto ngan ha Dagat nga Pula, ngan didto ha kamingawan sulod hin 40 ka tuig.

Mga Taga-Roma 15:19

pinaagi han gahom hin orosahon nga mga tigaman ngan mga milagro, ngan pinaagi han gahom han Espiritu han Dyos. Sanglit ha paglakaton ko tikang ha Jerusalem ngadto ha Ilirico, iginsangyaw ko hin hingpit an Maupay nga Sumat mahitungod kan Cristo.

Mga Taga-Roma 9:18

Sanglit nalolooy an Dyos han iya buot kalooyan, ngan pinapatig-a niya an kasingkasing han buot niya patig-ahon.

Deuteronomio 4:34

May-ada na ba diyos nga nangahas hin pagkadto ngan pagkuha hin mga tawo tikang hin lain nga nasod ngan paghimo ha ira nga iya kalugaringon, sugad han ginbuhat ha iyo han Ginoo nga iyo Dyos didto ha Ehipto? Ha atubangan gud han iyo mga mata ginamit niya an iya dako nga gahom ug kusog; ginpadara niya in mga peste ug araway, ginbuhat niya in mga milagro ngan mga orosahon, ngan ginpahinabo in magpakaharadlok nga mga butang.

Deuteronomio 7:19

Hinumdomi an magpakaharadlok nga mga peste nga hinkit-an han kalugaringon niyo nga mga mata, an mga milagro ngan mga urosahon, ngan an dako nga gahom ug kusog nga ginamit han Ginoo nga iyo Dyos hin pagtalwas ha iyo. Pupuohon niya ini ngatanan nga mga tawo nga iyo nahahadlokan yana ha amo manta nga paagi han pagpuoha niya han mga Ehiptohanon.