Exodo 6:3 - Samarenyo Meaning-Based Bible (1984)

³ Pinmakita ako nga Dyos nga Labi Kamakagarahum kan Abraham, kan Isaac, ngan kan Jacob kundi waray ako magpakilala ha ira pinaagi han akon baraan nga ngaran nga an Ginoo.

Exodo 6:3 Iomraidhean Croise

Genesis 13:18

Sanglit ginbalhin ni Abram an iya kampo ngan nag-ukoy hiya ha hirani han baraan nga kakahoyan han Mamre didto ha Hebron, ngan didto nagtindog hiya hin usa nga altar ngadto han Ginoo.

Genesis 17:1

Han 99 na an panuigon ni Abram, pinmakita ha iya an Ginoo ngan nagsiring, “Amo ako an Dyos nga Labi Kamakagarahum. Pagsugta ako ngan dayuday pagbuhata an matadong.

Genesis 22:14

Ginngaranan ni Abraham adto nga dapit nga “Nahatag an Ginoo.” Ngan bisan yana nga adlaw nasiring pa in mga tawo, “Nahatag hiya didto han bukid han Ginoo.”

Genesis 28:3

Pagbendisyonan unta han Dyos nga Labi Kamakagarahum an imo pag-asawa ngan tagan unta kamo hin damo nga mga anak, basi mahimo ka nga amay hin damo nga kanasoran!

Genesis 35:11

Ngan nagsiring ha iya an Dyos, “Amo ako an Dyos nga Labi Kamakagarahum. Magdadamo an imo mga anak. Magtitikang ha imo in kanasoran ngan magigin ginikanan ka hin kahadian.

Genesis 48:3

Nagsiring hi Jacob kan Jose, “Pinmakita ha akon an Dyos nga Labi Kamakagarahum didto ha Luz, didto ha tuna han Canaan, ngan ginbendisyonan ako.

Mga Salmo 68:4

Pagkanta ha Dyos dayawa'n iya ngaran, an nasakay ha dampog angay kantahan; An Ginoo amo adton iya ngaran, pagmalipayon ha iya atubangan!

Mga Salmo 83:18

Kumilala unta hira nga ikaw la an Ginoo, waray na gud iba; an Dyos an Gilalabawi nga punoan, nga hadi han ngatanan nga kalibutan.

Exodo 15:3

Usa nga paraaway an Ginoo; an Ginoo amo an iya ngaran.

Exodo 23:21

Pamatii ngan sugta hiya niyo. Ayaw kamo pagsupil ha iya. Diri hiya mapasaylo hin sugad nga pagsupil kay ginsugo ko hiya.

Exodo 3:14

Nagsiring an Dyos, “Ako amo hi ako. Kinahanglan sidngon mo hira: ‘An Amo Ako amo an nagsugo ha akon nganhi ha iyo.’

Isaias 42:8

“Ako gudla an Ginoo nga imo Diyos. Waray iba nga diyos nga maangbit han akon kadungganan; diri ko paaangbiton an mga diyosdiyos han pagdayaw ha akon.

Isaias 44:6

Amo ini an igyayakan han Ginoo nga naghahadi ngan nananalipod han Israel, an Ginoo nga Labi Kamakagarahum: “Ako amo an syahan, an kataposan, an amo gudla nga Dyos; waray na iba nga diyos labot ha akon.

Jeremias 16:21

“Sanglit,” nasiring an Ginoo, “ha makausa ngan amo na gudla, pahibabaroon ko an mga nasod han akon gahom ngan kusog; mahibabaro hira nga ako amo an Ginoo.”

Jeremias 33:2

Naghimangraw ha akon an Ginoo nga naghimo han tuna, nga nagporma ngan nagpahimutang hini. Hiya nga an ngaran, an Ginoo, nagsiring,

Ezequiel 20:5

Sumati hira han akon igyayakan. Han pagpilia ko han Israel, nagsumpa ako ha ira. Nagpadayag ako ha ira didto ha Ehipto ngan ginsiring ko hira: Ako amo an Ginoo nga iyo Dyos.

Ezequiel 37:13

Kon buksan ko na an mga lubnganan nga ginlubngan han akon mga tawo ngan mahigawas na hira, makilala hira nga ako amo an Ginoo.

Ezequiel 37:6

Tatagan ko kamo hin mga ugat ngan mga kusog, ngan puputson ko kamo hin panit. Giginhawaan ko kamo hin gininhawa ngan bubuhion ko kamo. Niyan makilala kamo nga ako amo an Ginoo.”

Juan 8:58

Nagbaton hi Jesus, “Susumatan ko kamo hin tinuod: Diri pa tawo hi Abraham, ‘Amo na ako’.”

Ginpadayag 1:4

Tikang kan Juan, ngadto han pito nga mga singbahan didto ha lalawigan han Asia: Maiyo unta an grasya, ngan kalinaw tikang han Dyos—an Dyos han yana, han naglabay, ngan han tiarabot nga panahon—an grasya liwat nga kalinaw tikang han pito nga mga espiritu ha atubangan han iya trono,

Ruth 1:20

Binmaton hiya, “Ayaw na ako pagtawga nga Naomi. Tawga na la ako nga Mara, kay ginpakorian gud ako han Dyos nga Labi Kamakagarahum.