Exodo 6:2 - Samarenyo Meaning-Based Bible (1984)

² Naghimangraw kan Moises an Dyos ngan nagsiring, “Ako amo an Ginoo.

Exodo 6:2 Iomraidhean Croise

Genesis 15:7

Niyan nagsiring ha iya an Ginoo, “Amo ako an Ginoo nga nagdara ha imo tikang ha Ur didto ha Babilonia, ngan ihahatag ko ha imo ini nga tuna sugad nga imo na kalugaringon.”

Exodo 12:12

“Dida hito nga gab-i maglalatas ako han tuna han Ehipto ngan papatayon ko an ngatanan nga suhag nga lalake, ma tawo ug ma mananap, ngan kakastigohon ko an ngatanan nga kadiyosan han Ehipto. Ako amo an Ginoo.

Exodo 14:18

Kon pirdehon ko na hira, mahibabaro an mga Ehiptohanon nga ako amo an Ginoo.”

Exodo 15:3

Usa nga paraaway an Ginoo; an Ginoo amo an iya ngaran.

Exodo 17:1

Binmaya han kamingawan han Sin an bug-os nga katilingban nga Israelita, ngan nagbinurubalhin hira hin dapit sumala han sugo ha ira han Ginoo. Nagkampo hira didto ha Refidim, kundi waray didto tubig nga irimnon.

Exodo 20:2

“Ako amo an Ginoo nga iyo Dyos nga nagdara ha iyo tikang ha Ehipto, diin mga oripon kamo.

Exodo 3:14

Nagsiring an Dyos, “Ako amo hi ako. Kinahanglan sidngon mo hira: ‘An Amo Ako amo an nagsugo ha akon nganhi ha iyo.’

Exodo 3:15

Sumati an mga Israelita nga ako amo an Ginoo nga Dyos han iyo kaapoy-apoyan, nga Dyos nira Abraham, Isaac, ug Jacob nga nagsugo ha imo ngadto ha ira. Amo ini an akon ngaran ha kadayonan; amo ini an igtatawag ha akon han ngatanan nga tiarabot nga mga katulinan.

Exodo 6:29

nagsiring hiya, “Ako amo an Ginoo. Sumati an hadi han Ehipto han ngatanan nga akon igsisiring ko ha imo.”

Exodo 6:6

Sanglit sumati an mga Israelita nga nasiring ako ha ira, ‘Amo ako an Ginoo; tatalwason ko kamo ngan igagawas ko kamo tikang han iyo pagkaoripon han mga Ehiptohanon. Babayawon ko an akon gamhanan nga butkon hin makalilisang nga pagkastigo ha ira, ngan tatalwason ko kamo.

Exodo 6:8

Dadad-on ko kamo ngadto han tuna nga akon iginsumpa hin paghatag kanda Abraham, Isaac, ug Jacob; ngan ighahatag ko ini ha iyo nga iyo kalugaringon nga malon. Amo ako an Ginoo.’”

Isaias 42:8

“Ako gudla an Ginoo nga imo Diyos. Waray iba nga diyos nga maangbit han akon kadungganan; diri ko paaangbiton an mga diyosdiyos han pagdayaw ha akon.

Isaias 43:11

“Ako gudla amo an Ginoo, an amo la nga makakatalwas ha iyo.

Isaias 43:15

Ako amo an Ginoo nga iyo baraan nga Dyos, gintuha ko kamo, Israel, ngan ako amo an iyo hadi.”

Isaias 44:6

Amo ini an igyayakan han Ginoo nga naghahadi ngan nananalipod han Israel, an Ginoo nga Labi Kamakagarahum: “Ako amo an syahan, an kataposan, an amo gudla nga Dyos; waray na iba nga diyos labot ha akon.

Jeremias 9:24

Kon may-ada tawo nga karuyag pumarayaw, kinahanglan pumarayaw hiya nga nakilala ngan nakakasabot hiya ha akon, kay dayuday an akon paghigugma, ngan binubuhat ko an maupay ngan matadong. Amo ini nga mga butang an nakakalipay ha akon. Ako nga Ginoo an nagyakan.”

Ezequiel 20:5

Sumati hira han akon igyayakan. Han pagpilia ko han Israel, nagsumpa ako ha ira. Nagpadayag ako ha ira didto ha Ehipto ngan ginsiring ko hira: Ako amo an Ginoo nga iyo Dyos.

Malaquias 3:6

“Amo ako an Ginoo, ngan waray ko pagkaliwat. Sanglit kamo nga mga tulin ni Jacob waray pa gud mapuo.