Exodo 5:3 - Samarenyo Meaning-Based Bible (1984)

³ Binmaton hira Moises ug Aaron, “Nagpadayag ha amon an Dyos han mga Hebreo. Tugoti kami hin paglakat hin tulo ka adlaw ngadto ha kamingawan basi maghalad kami hin mga halad nga tinubod ngadto han Ginoo nga amon Dyos. Kon diri kami maghalad, pamamatayon kami niya pinaagi hin sakit o hin araway.”

Exodo 5:3 Iomraidhean Croise

2 Hadi 17:25

Han bag-o pa hira nga nag-uokoy didto, waray hira magsingba han Ginoo, sanglit nagpadara an Ginoo hin mga liyon nga nagpatay hin pira ha ira.

2 Cronicas 30:8

Ayaw niyo pagtig-aha an iyo ulo sugad ha ira, kundi sugta niyo an Ginoo. Pakadi ha Templo ha Jerusalem nga ginbaraan ha kadayonan han Ginoo nga iyo Dyos, ngan singbaha hiya basi diri na hiya masina ha iyo.

Esdras 7:23

Kinahanglan ihatag gud niyo an ngatanan nga ginkikinahanglan han Dyos han Langit para han iya Templo, ngan siguroha niyo nga diri gud an ira Dyos masina ha akon ngan hadton masunod ha akon nga mga kahadian.

Exodo 3:18

“Mamamati an akon mga tawo han imo igsisiring ha ira. Katapos kinahanglan kumadto ka han hadi han Ehipto upod han mga pangulo han Israel, ngan sidnga hiya, ‘Nagpadayag ha amon an Ginoo nga Dyos han mga Hebreo. Yana tugoti kami hin paglakat hin tulo ka adlaw ngadto ha kamingawan hin paghalad hin mga halad nga tinubod ngadto han Ginoo nga amon Dyos.’

Exodo 7:16

Niyan sidnga an hadi, ‘Ginsugo ako han Ginoo nga Dyos han mga Hebreo, hin pagsumat ha imo nga imo palakton an iya mga tawo, basi makagsingba hira ha iya didto han kamingawan. Kundi ngada yana, nagpapakabungol ka la.

Exodo 8:1

Niyan nagsiring kan Moises an Ginoo, “Kadtoa an hadi ngan sidnga hiya nga nasiring an Ginoo, ‘Palakta an akon mga tawo, basi makagsingba hira ha akon.

Exodo 8:20

Nagsiring kan Moises an Ginoo, “Buwas hin aga kadtoa ngan tapoa an hadi kon lumugsong hiya ngadto han salog, ngan sidnga hiya nga nasiring an Ginoo, ‘Palakta an akon mga tawo, basi makagsingba hira ha akon.

Exodo 8:27

Kinahanglan lumakat kami hin tulo ka adlaw ngadto han kamingawan hin paghalad ha Ginoo nga amon Dyos, hin mga halad nga tinubod sumala han iya iginsugo ha amon.”

Ezequiel 6:11

Nagsiring an Ginoo nga Dyos, “Ipukpok an imo mga kamot! Ibandok an imo mga tiil! Pagtangis ha kabido tungod han ngatanan nga magraot ngan makapupungot nga mga butang nga ginbuhat han mga Israelita. Magkakamatay hira ha pag-awayan, o hin gutom, o hin sakit.

Levitico 26:25

Ipadadara ko ha iyo in araway hin pagkastigo ha iyo tungod han diri niyo pagtuman han aton ginsaaran, ngan kon magtirok kamo didto han iyo mga syudad basi mamarayaw an iyo kamutangan, magpapadara ako ha iyo hin mga sakit nga makamaratay, ngan mapipirit kamo hin pagtubyan ngadto han iyo mga kaaway.

Deuteronomio 28:21

Ipapadara ha iyo in sunodsunod nga mga sakit tubtob nga waray mahisalin ha iyo didto han tuna nga iyo na pagtatag-iyahon.