Exodo 5:1 - Samarenyo Meaning-Based Bible (1984)

¹ Katapos hini, kinmadto han hadi han Ehipto hira Moises ug Aaron ngan nagsiring, “Nasiring an Ginoo nga Dyos han Israel, ‘Palakta an akon mga tawo, basi makagsaurog hira hin pyesta didto ha kamingawan ha pagpasidungog ha akon.’”

Exodo 5:1 Iomraidhean Croise

1 Hadi 21:20

Han paghikit-i la ni Acab kan Elias, nagsiring hiya, “Hin-abtan mo ba ako, akon kaaway?” “Oo, hin-abtan ko ikaw,” binmaton hi Elias. “Nagpatakas ka hin pagbuhat han sayop ha atubangan han Ginoo.

Mga Salmo 119:46

Imo mga sugo igsumat ha mga kahadian, ngan diri gud ako kaaalohan.

Exodo 10:3

Sanglit kinmadto han hadi hira Moises ug Aaron ngan nagsiring ha iya, “Nasiring an Ginoo nga Dyos han mga Hebreo, ‘Tubtob san-o an diri mo pagtubyan ha akon? Palakta an akon mga tawo, basi makagsingba hira ha akon.

Exodo 10:4

Kon magpadayon ka hin pagdumiri, buwas gud igpapadara ko nganhi han imo nasod in mga duron.

Exodo 10:9

Binmaton hi Moises, “Kami gud ngatanan, lakip an amon kabataan ngan an amon kalagasan. Dadad-on namon an amon mga anak nga kalalaken-an ngan kababayen-an, amon mga karnero ngan mga kanding ngan an amon mga baka, kay kinahanglan magsaurog kami hin pyesta ha pagpasidungog han Ginoo.”

Exodo 3:18

“Mamamati an akon mga tawo han imo igsisiring ha ira. Katapos kinahanglan kumadto ka han hadi han Ehipto upod han mga pangulo han Israel, ngan sidnga hiya, ‘Nagpadayag ha amon an Ginoo nga Dyos han mga Hebreo. Yana tugoti kami hin paglakat hin tulo ka adlaw ngadto ha kamingawan hin paghalad hin mga halad nga tinubod ngadto han Ginoo nga amon Dyos.’

Exodo 33:13

Yana, kon nalilipay ka ha akon, pagsumati ako han imo mga nahuhunahunaan, basi makag-alagad ako ha imo ngan magpadayon hin pagpahalipay ha imo. Hinumdomi liwat nga ginpili mo na ini nga nasod nga imo kalugaringon.”

Exodo 4:23

Ginsiring ko ikaw nga palakton mo an akon anak basi magsingba hiya ha akon, kundi dinmiri ka. Yana papatayon ko an imo suhag nga lalake!’”

Exodo 6:11

“Kadto ngan sumati an hadi han Ehipto nga kinahanglan pagawson niya han iya tuna an mga Israelita.”

Exodo 6:27

Amo ini hira Moises ug Aaron an nakighimangraw han hadi han Ehipto nga pagawson na an mga Israelita.

Exodo 7:16

Niyan sidnga an hadi, ‘Ginsugo ako han Ginoo nga Dyos han mga Hebreo, hin pagsumat ha imo nga imo palakton an iya mga tawo, basi makagsingba hira ha iya didto han kamingawan. Kundi ngada yana, nagpapakabungol ka la.

Exodo 7:2

Sumati hi Aaron han ngatanan nga igsusugo ko ha imo, ngan susumatan niya an hadi basi pagawson han mga Israelita tikang han iya nasod.

Exodo 8:1

Niyan nagsiring kan Moises an Ginoo, “Kadtoa an hadi ngan sidnga hiya nga nasiring an Ginoo, ‘Palakta an akon mga tawo, basi makagsingba hira ha akon.

Exodo 8:16

Nagsiring kan Moises an Ginoo, “Sidnga hi Aaron nga balbagon niya an tuna han iya tungkod, ngan mahihimo nga mga kuto an tapotapo ha bug-os nga tuna han Ehipto.”

Exodo 8:17

Sanglit ginbalbag ni Aaron han iya tungkod an tuna, ngan nahimo nga mga kuto an ngatanan nga tapotapo didto ha Ehipto nga nakaluob han mga tawo ngan han kamanampan.

Exodo 8:20

Nagsiring kan Moises an Ginoo, “Buwas hin aga kadtoa ngan tapoa an hadi kon lumugsong hiya ngadto han salog, ngan sidnga hiya nga nasiring an Ginoo, ‘Palakta an akon mga tawo, basi makagsingba hira ha akon.

Exodo 8:27

Kinahanglan lumakat kami hin tulo ka adlaw ngadto han kamingawan hin paghalad ha Ginoo nga amon Dyos, hin mga halad nga tinubod sumala han iya iginsugo ha amon.”

Exodo 9:1

Nagsiring kan Moises an Ginoo, “Kadtoa an hadi ngan sidnga hiya nga nasiring an Ginoo nga Dyos han mga Hebreo, ‘Palakta an akon mga tawo, basi makagsingba hira ha akon.

Exodo 9:2

Kon dumiri ka na liwat hin pagpalakat ha ira,

Isaias 25:6

Dinhe ha Bukid Sion mag-aandam an Ginoo nga Makagarahum han Ngatanan hin bangkite para han ngatanan nga mga nasod han kalibutan—bangkite han girarasahi nga pagkaon ngan han gimamaupayi nga bino.

Ezequiel 2:6

“Kundi ikaw, anak hin tawo, kinahanglan diri ka mahadlok ha ira o hin bisan ano nga ira igyayakan. Aatohan ngan pagtatamayon ka nira; masusugad ini hin pag-ukoy ha butnga hin mga bungad. Ayaw gihapon kahadlok hito nga mga masupilon o hin bisan ano nga ira igyayakan.

Mateo 10:18

Pagdadad-on kamo ha atubangan han mga punoan ngan mga hadi tungod ha akon, hin pagsangyaw han Maupay nga Sumat ha ira ngan ha mga Hentil.

Mateo 10:28

Ayaw kamo kahadlok han makakamatay han lawas, kundi diri makakamatay han kalag; asay lugod kahadloki niyo an Dyos nga makakamatay han kalag ngan han lawas didto ha impyerno.

Mga Buhat 4:29

Ngan yana, Ginoo, kitaa an ira mga pagtarhog nga ira ginhimo, ngan ihatag ha amon nga imo mga surugoon an kamaisog hin pagpasangyaw han imo mensahe.

1 Mga Taga-Corinto 5:8

Sanglit saurugon ta an aton pyesta, diri pinaagi hin tinapay nga may daan nga patubo, an patubo hin sala ug karat-an, kundi pinaagi han tinapay nga waray patubo, an tinapay han pagkaputli ngan kamatuoran.