Exodo 40:3 - Samarenyo Meaning-Based Bible (1984)

³ Igsulod ngadto hini an Kahon han Ginsaaran nga sinusudlan han Napulo nga mga sugo ngan igtaod an biray ha atubangan han Kahon.

Exodo 40:3 Iomraidhean Croise

1 Cronicas 17:5

Tikang han pagkuhaa ko han mga tawo han Israel ha Ehipto ngada yana, waray pa gud ako mag-ukoy hin templo; dayuday nag-ukoy ako dida hin mga tulda ngan nagbarobalhin ako didto ha kamingawan.

Exodo 25:10

“Paghimo hin usa nga Kahon tikang han kahoy nga akasya, nga 110 ka sentimetros an kahilaba, 66 ka sentimetros an kahilapad, ngan 66 ka sentimetros an kahitaas.

Exodo 25:22

Didto makigkita ako ha imo. Tikang ha igbaw han takop, ha butnga han duha nga mga kerubin ighahatag ko ha imo an ngatanan ko nga mga balaod para han mga tawo han Israel.

Exodo 26:31

“Paghimo hin usa nga biray nga lino nga pino nga hinablonan hin asul, granate, ngan pula nga delana. Bordahi ini hin mga dagway hin mga kerubin.

Exodo 31:7

an akon Tulda, an Kahon han Ginsaaran upod an takop hini, an ngatanan nga mga kasangkapan han Tulda,

Exodo 35:12

an Kahon han Ginsaaran, ngan an mga kasangkapan hini: an mga parasgan, an takop, ngan an biray nga salipod hini;

Exodo 35:4

Ginsiring ni Moises an ngatanan nga mga tawo han Israel, “Amo ini an iginsugo han Ginoo:

Exodo 39:32

Nahuman an ngatanan nga buruhaton bahin han Tulda han Ginoo. Ginhimo han mga Israelita an ngatanan sumala han iginsugo han Ginoo kan Moises.

Levitico 16:14

Makuha hiya han dugo han lalaki nga baka, ngan pinaagi han iya tudlo igwawarikwik niya hin makapito an iba nga dugo ha atubangan han Kahon han Ginsaaran.

Numero 4:5

Iginhatag han Ginoo kan Moises an masunod nga mga tugon. Kon panahon na hin pagbalhin hin kampo, masulod han Tulda hi Aaron ngan an iya mga anak nga kalalaken-an, papaloson nira an biray ha atubangan han Kahon han Ginsaaran, ngan tatahoban hini an Kahon.

Hebreo 9:3

Ha luyo han ikaduha nga biray may-ada tulda nga ginngaranan nga Labi ka Baraan nga Dapit.

Ginpadayag 11:19

Nabuksan an templo han Dyos didto ha langit, ngan hinkit-an didto an Kahon han Ginsaaran. Ngan nagkamay-ada mga kikidlat, mga dinalugdog, mga lilinti, linog ngan uranos hin mga yelo.