Exodo 4:8 - Samarenyo Meaning-Based Bible (1984)

⁸ Nagsiring an Ginoo, “Kon diri hira tumood ha imo o tumangdo han syahan nga milagro, matood hira hini nga ikaduha.

Exodo 4:8 Iomraidhean Croise

2 Hadi 5:7

Han pakabasa la han surat han hadi han Israel, ginggisi niya an iya panapton ngan nagsiring, “Naglalaom ba an hadi han Siria nga matatambal ko ini nga tawo? Naghuhunahuna ba hiya nga Dyos ako nga may gahom han kinabuhi ug kamatayon? Dayag ini nga nagbibiling la hiya hin pakiaway ha akon!”

An Basahan ni Job 5:18

Binubutok han Dyos an mga kasamdan nga hiya an tinikangan; iya kamot an nagsasamad ha imo, kundi iya liwat kamot an nagtatambal.

Exodo 4:28

Niyan ginsumatan ni Moises hi Aaron han ngatanan nga iginsiring han Ginoo han pagsugoa niya kan Moises hin pagbalik ngadto ha Ehipto; ginsumatan liwat niya hi Aaron hiunong han mga milagro nga ginsugo han Ginoo nga pagbuhaton niya.

Exodo 4:7

Niyan nagsiring an Ginoo, “Igbalik hin pagsulod an imo kamot.” Ibinalik niya ini, ngan han paggawsan niya hini, maupay na liwat sugad gud han iba nga bahin han iya lawas.

Exodo 4:9

Kon diri pa hira tumood ha imo bisan pa hini nga duha nga mga milagro, ngan kon diri hira mamati han imo igsusumat ha ira, kuha hin tubig tikang han Nilo ngan ighuwad ini dida han tuna. Mahihimo nga dugo an tubig.”

Isaias 28:10

Gintututdoan kita niya hin tinag usa ka letra, tinag usa ka linya, ug tinag usa ka leksyon.”

Juan 12:37

Bisan kon ginbuhat niya ini ngatanan nga mga urosahon ha atubangan nira, waray gihapon hira tumoo ha iya,

Deuteronomio 32:39

“‘Ako, ngan ako gudla, amo an Dyos; waray na iba nga diyos nga matood. May gahom ako hin pagpatay ngan pagbuhi, pagsamad ngan pagtambal, ngan waray makakariwa han akon ginbubuhat.

Mga Maghurukom 6:17

Binmaton hi Gideon, “Kon nalilipay ka ha akon, tagi ako hin tigaman nga ikaw amo an Ginoo.