Exodo 4:5 - Samarenyo Meaning-Based Bible (1984)

⁵ Nagsiring an Ginoo, “Buhata ini ngadto han mga Israelita hin pagmatuod nga pinmakita ha imo an Ginoo nga Dyos han ira kaapoy-apoyan, nga Dyos nira Abraham, Isaac, ug Jacob.”

Exodo 4:5 Iomraidhean Croise

Genesis 12:7

Pinmakita an Ginoo kan Abram ngan nagsiring ha iya, “Amo ini an tuna nga ighahatag ko ngadto han imo mga tulin.” Niyan nagtindog didto hi Abram hin usa nga altar ngadto han Ginoo nga pinmakita ha iya.

Genesis 17:1

Han 99 na an panuigon ni Abram, pinmakita ha iya an Ginoo ngan nagsiring, “Amo ako an Dyos nga Labi Kamakagarahum. Pagsugta ako ngan dayuday pagbuhata an matadong.

Genesis 18:1

Pinmakita an Ginoo kan Abraham didto han baraan nga kakahoyan han Mamre. Han nalingkod hi Abraham dida han porta han iya tulda ha takna nga naudtohan an adlaw,

Genesis 26:2

Pinmakita kan Isaac an Ginoo ngan nagsiring, “Ayaw pagkadto ha Ehipto; pabilin dinhe hini nga tuna nga ginpaukyan ko ha imo.

Genesis 28:13

Ngan hinkit-an niya an Ginoo nga natukdaw ha sapit niya. Nagsiring an Ginoo, “Amo ako an Ginoo nga Dyos nira Abraham ug Isaac. Ighahatag ko ha imo ngan ha imo mga tulin ini nga tuna nga imo hinihigdaan.

Genesis 48:15

Niyan ginbendisyonan niya hi Jose: “Pagbendisyonan unta ini nga kabataan, han Dyos nga gin-alagad nira Abraham ug Isaac nga akon mga ginikanan! Pagbendisyonan unta hira han Dyos, nga nagdumara ha akon ngada yana gud nga adlaw!

Genesis 48:3

Nagsiring hi Jacob kan Jose, “Pinmakita ha akon an Dyos nga Labi Kamakagarahum didto ha Luz, didto ha tuna han Canaan, ngan ginbendisyonan ako.

1 Hadi 18:36

Ha takna han kulop nga paghalad, dinmaop ha altar hi Elias nga manaragna ngan nag-ampo, “O Ginoo nga Dyos ni Abraham, ni Isaac, ug ni Jacob, ipakita yana nga amo ka an Dyos han Israel, ngan nga ako amo an imo surugoon, ngan imo ini sugo hin pagbuhat hini ngatanan.

2 Cronicas 20:20

Temprano pa han pagkaaga ginmawas an mga tawo ngadto ha kamingawan nga hirani han Tecoa. Han nagtitipagawas hira, namulong ha ira hi Josafat hin pagsiring: “Mga tawo han Juda ug Jerusalem! Sarigi niyo an Ginoo nga iyo Dyos ngan magmamadig-on kamo. Tuohi niyo an iginsumat ha iyo han iya mga manaragna ngan magmamainuswagon kamo.”

Exodo 19:9

Nagsiring kan Moises an Ginoo, “Mapakada ako ha imo dida hin madakmol nga dampog, basi makabati an mga tawo nga nakikighimangraw ako ha imo ngan basi tumoo na hira ha imo.” Ginsumatan ni Moises an Ginoo han iginbaton han mga tawo,

Exodo 3:15

Sumati an mga Israelita nga ako amo an Ginoo nga Dyos han iyo kaapoy-apoyan, nga Dyos nira Abraham, Isaac, ug Jacob nga nagsugo ha imo ngadto ha ira. Amo ini an akon ngaran ha kadayonan; amo ini an igtatawag ha akon han ngatanan nga tiarabot nga mga katulinan.

Exodo 3:16

Kadto ngan tiroka an mga pangulo han Israel, ngan sumati hira nga pinmakita ha imo ako nga Ginoo nga Dyos han ira kaapoy-apoyan, nga Dyos nira Abraham, Isaac, ug Jacob. Sumati hira nga kinmadto ako ha ira ngan hinkit-an ko an binubuhat ha ira han mga Ehiptohanon.

Exodo 3:18

“Mamamati an akon mga tawo han imo igsisiring ha ira. Katapos kinahanglan kumadto ka han hadi han Ehipto upod han mga pangulo han Israel, ngan sidnga hiya, ‘Nagpadayag ha amon an Ginoo nga Dyos han mga Hebreo. Yana tugoti kami hin paglakat hin tulo ka adlaw ngadto ha kamingawan hin paghalad hin mga halad nga tinubod ngadto han Ginoo nga amon Dyos.’

Exodo 3:4

Han paghikit-i han Ginoo nga naduok hi Moises, nagtawag hiya ha butnga han tanom ngan nagsiring, “Moises, Moises!” Binmaton hiya, “Aadi ako.”

Exodo 3:6

Ako amo an Dyos han imo kaapoy-apoyan, an Dyos nira Abraham, Isaac ug Jacob.” Sanglit gintahoban ni Moises an iya bayhon kay nahadlok hiya hin pagtan-aw han Dyos.

Exodo 4:1

Niyan ginbaton ni Moises an Ginoo, “Kundi kon pananglit diri tumood ha akon an mga Israelita, ngan diri mamati han akon igsusumat ha ira, ano man an akon pagbubuhaton kon sumiring hira nga waray ka magpakita ha akon?”

Exodo 4:31

Tinmoo hira, ngan han pakabati nira nga kinmada ha ira an Ginoo ngan hinkit-an niya an pagraogdaoga ha ira, nanyukbo ngan nagsingba hira.

Exodo 4:4

Niyan nagsiring kan Moises an Ginoo, “Abota ngan kapti ini ha may ikog.” Sanglit gin-abot ngan ginkaptan ini ni Moises, ngan nahimo na liwat ini nga tungkod.

Isaias 7:9

Diri makurukusog an Israel kay han Samaria nga kapital nga syudad hini, ngan diri makurukusog an Samaria kay kan Hadi Peka. “Kon diri marig-on an imo pagtoo, diri ka gud mailob.”

Jeremias 31:3

pinmakita ako ha ira dida han hirayo. Mga tawo han Israel, dayuday ginhigugma ko kamo, sanglit nagpapadayon ako hin pagpakita ha iyo han akon dayuday nga paghigugma.

Juan 11:15

kundi tungod ha iyo nalilipay ako nga waray ako didto upod ha iya, basi tumoo kamo. Kadtoa ta hiya.”

Juan 11:42

Maaram ako nga dayuday ka namamati ha akon, kundi iginyakan ko ini tungod hini nga mga tawo nga aanhi yana, basi tumoo hira nga ginsugo mo ako.”

Juan 20:27

Ngan nagsiring hiya kan Tomas, “Ibutang didi an imo tudlo, ngan kitaa an akon mga kamot; ngan ikadi an imo kamot ngan hirama an akon kagiliran. Ayaw na pagruhaduha, tuo na!”

Juan 20:31

Kundi iginsurat ini, basi tumoo kamo nga hi Jesus amo an Mesiyas, an Anak han Dyos, nga pinaagi hini nga pagtoo ha iya, makaangkon unta kamo han kinabuhi.

Juan 5:36

Kundi may-ada ko saksi para ha akon, nga labaw pa kay han pagsaksi ni Juan: an mga buhat nga akon gintutuman, an mga buhat nga ginpapatuman ha akon han Amay, mga saksi ini hira para ha akon, ngan nagpapahayag nga ginsugo ako han Amay.

Mga Buhat 7:2

Nagbaton hi Esteban: “Kabugtoan ngan mga ginikanan, pamatii ako niyo! Han waray pa hi Abraham nga aton ginikanan pag-ukoy didto ha Haran, nagpakita ha iya an Dyos han Kagamhanan didto ha Mesopotamia.

Hebreo 11:16

Lugod namulat hira hin mauruopay nga tuna, an langitnon nga tuna. Sanglit waray an Dyos naawod ha ira nga magtawag hira ha iya nga ira Dyos, kay nag-andam hiya hin syudad para ha ira.