Exodo 4:12 - Samarenyo Meaning-Based Bible (1984)

¹² Hala, kadto na! Bubuligan ko ikaw hin pagyakan ngan susumatan ko ikaw han imo igyayakan.”

Exodo 4:12 Iomraidhean Croise

Mga Salmo 105:26

Iya surugoon nga Moises ginsugo, ngan Aaron nga ginpili ginpakadto;

Mga Salmo 143:10

Ikaw an Dyos nakon, tutdoi ako han imo kaburut-on. Ipakita ha akon an imo kamaupay, dida ha dalan ikaw ha akon magtugway.

Mga Salmo 32:9

Ayaw na pagtig-aha an imo ulo, nga pareho hin mula o hin kabayo; nga kinahanglan hin latob ug bukado, basi magsugot ngan tumuod ha imo.”

Exodo 3:12

Binmaton an Dyos, “Maupod ako ha imo, ngan kon pagpagawson mo na an mga tawo tikang ha Ehipto, magsisingba kamo ha akon dinhe hini nga bukid. Amo ito an magpapamatuod nga ako an nagsugo ha imo.”

Exodo 4:13

Kundi binmaton hi Moises, “Ayaw ako, Ginoo, pagsugo gad hin lain nga tawo.”

Exodo 4:15

Makakaghimangraw ka ha iya ngan makakagsumat ha iya kon ano an igsisiring. Bubuligan ko kamo nga duha hin pagyakan, ngan susumatan ko kamo kon ano an iyo pagbubuhaton.

Exodo 4:16

Hiya an magigin parayakan nimo ngan maghihimangraw hiya han mga tawo para ha imo. Niyan masusugad ka han Dyos nga magsusumat ha iya kon ano an igsisiring.

Isaias 49:2

Ginhimo niya an akon mga pulong nga sugad hin espada kamatarom. Ginpanalipdan ako niya pinaagi han iya kalugaringon nga kamot. Ginhimo ako niya nga sugad hin pana nga matarom ngan andam paggamita.

Isaias 50:4

Gintutdoan ako han Ginoo nga Dyos kon ano an akon igsisiring, basi makahatag ako hin kusog hadton mga ginugul-an. Kada aga gin-aaghat ako niya hin pamati han iya igtututdo ha akon.

Jeremias 1:9

Niyan, kinamkam han Ginoo an akon mga im-im, ngan nagsiring ha akon, “Pamati, ihinahatag ko ha imo an mga pulong nga kinahanglan imo igyakan.

Numero 16:28

Nagsiring hi Moises han mga tawo, “Amo ini an paagi nga hibabaroan niyo nga ginsugo ako han Ginoo hin pagbuhat hini ngatanan nga mga butang ngan diri ini akon kalugaringon nga pagbuot nga gintuman ko ini.

Marcos 13:11

Ngan kon dakpon ngan dad-on na kamo ha hukmanan, ayaw kamo kabaraka kon ano an iyo igyayakan. Igyakan niyo kon ano an igpapayakan ha iyo hito nga takna, kay diri iyo kalugaringon an iyo ighihimangraw, kundi tikang han Espiritu Santo.

Lucas 11:1

Usa ka panahon nag-ampo hi Jesus didto hin usa nga dapit. Kahuman na niya, nagsiring ha iya in usa han iya mga tinun-an, “Ginoo, tutdoi daw kami hin pag-ampo, sugad gud nga nagtutdo hi Juan han iya mga tinun-an.”

Juan 14:26

Kundi an Parabulig, an Espiritu Santo, nga susugoon han Amay ha akon ngaran, amo an magtututdo ha iyo han ngatanan nga mga butang, ngan magpapahinumdom ha iyo han ngatanan nga akon iginsumat ha iyo.

Mga Taga-Efeso 6:19

Ngan pag-ampo man kamo para ha akon, nga tagan ako han Dyos hin mensahe kon andam na ako hin pagyakan, basi makagyakan ako hin waray kahadlok ngan makagpahibaro ako han tinago han Maupay nga Sumat.

Deuteronomio 18:18

Ipapadara ko ha ira in usa nga manaragna nga sugad ha imo, nga tikang han ira kalugaringon nga mga tawo; susumatan ko hiya han iya igsisiring, ngan susumatan niya an mga tawo han ngatanan nga akon igsusugo ha iya.