Exodo 4:1 - Samarenyo Meaning-Based Bible (1984)

¹ Niyan ginbaton ni Moises an Ginoo, “Kundi kon pananglit diri tumood ha akon an mga Israelita, ngan diri mamati han akon igsusumat ha ira, ano man an akon pagbubuhaton kon sumiring hira nga waray ka magpakita ha akon?”

Exodo 4:1 Iomraidhean Croise

1 Hadi 13:3

Ngan nagpadayon hin pagsiring an manaragna, “Mabubungkag ini nga altar, ngan magsasarang an mga agbon dida hini. Niyan mahibabaroan mo nga naghimangraw ha akon an Ginoo.”

Exodo 2:14

Binmaton an tawo, “Hin-o an naghimo ha imo nga amon punoan ngan maghurukom? Papatayon mo ba liwat ako sugad han pagpatay mo han Ehiptohanon?” Nahadlok hi Moises ngan nakapanhunahuna, “Nahibaroan ngay-an han mga tawo an akon ginbuhat.”

Exodo 3:15

Sumati an mga Israelita nga ako amo an Ginoo nga Dyos han iyo kaapoy-apoyan, nga Dyos nira Abraham, Isaac, ug Jacob nga nagsugo ha imo ngadto ha ira. Amo ini an akon ngaran ha kadayonan; amo ini an igtatawag ha akon han ngatanan nga tiarabot nga mga katulinan.

Exodo 3:16

Kadto ngan tiroka an mga pangulo han Israel, ngan sumati hira nga pinmakita ha imo ako nga Ginoo nga Dyos han ira kaapoy-apoyan, nga Dyos nira Abraham, Isaac, ug Jacob. Sumati hira nga kinmadto ako ha ira ngan hinkit-an ko an binubuhat ha ira han mga Ehiptohanon.

Exodo 3:18

“Mamamati an akon mga tawo han imo igsisiring ha ira. Katapos kinahanglan kumadto ka han hadi han Ehipto upod han mga pangulo han Israel, ngan sidnga hiya, ‘Nagpadayag ha amon an Ginoo nga Dyos han mga Hebreo. Yana tugoti kami hin paglakat hin tulo ka adlaw ngadto ha kamingawan hin paghalad hin mga halad nga tinubod ngadto han Ginoo nga amon Dyos.’

Exodo 4:10

Kundi nagsiring hi Moises, “Ayaw, Ginoo, ayaw ako pagsugoa. Waray pa gud ako mahimo nga maupay nga magyarakan ngan waray pa ako mahimo nga maupay nga magyarakan tikang maghimangraw ka ha akon. Maluya gud ako nga magyarakan, mahinay ngan nag-aalang.”

Exodo 4:30

Ginsumatan hira ni Aaron han ngatanan nga iginsiring han Ginoo kan Moises, ngan ginbuhat ni Moises atubangan han mga tawo an ngatanan nga mga milagro.

Exodo 4:31

Tinmoo hira, ngan han pakabati nira nga kinmada ha ira an Ginoo ngan hinkit-an niya an pagraogdaoga ha ira, nanyukbo ngan nagsingba hira.

Exodo 6:12

Kundi binmaton hi Moises, “Diri ngani namamati ha akon an mga Israelita, asay pa ba an hadi? Maluya gud ako nga magyanakan.”

Exodo 6:30

Kundi binmaton hi Moises, “Maaram ka nga maluya gud ako nga magyarakan; kay ano nga mamamati ha akon an hadi?”

Jeremias 1:6

Binmaton ako, “O Ginoo nga Dyos, diri ako maaram magyakan; batan-on pa ako kaupay.”

Ezequiel 3:14

Makusog an pag-abot ha akon han gahom han Ginoo, ngan han gindadara ako han iya espiritu, nabido ngan nasina ako.

Mga Buhat 7:25

Naghunahuna hiya nga makakasabot an iya kalugaringon nga mga tawo nga gagamiton hiya han Dyos hin pagtalwas ha ira; kundi waray hira makasabot.)

Mga Maghurukom 6:17

Binmaton hi Gideon, “Kon nalilipay ka ha akon, tagi ako hin tigaman nga ikaw amo an Ginoo.