Exodo 39:1 - Samarenyo Meaning-Based Bible (1984)

¹ Tikang hin delana nga asul, granate, ug pula ginhimo nira an mga biste nga magtahom nga igsusul-ot han kapadian kon mag-aalagad hira didto han Baraan nga Dapit. Ginhimo nira para han Aaron an padianon nga mga biste, sumala han iginsugo han Ginoo kan Moises.

Exodo 39:1 Iomraidhean Croise

Mga Salmo 93:5

O Ginoo, an imo mga balaod, waray pagkabantad nagpapadayon gud; ngan an imo Templo baraan nga gayod, ha kadayonan gud baraan matuod.

Exodo 25:4

lino nga pino, delana nga asul, granate, ngan pula, dugnit nga hinimo hin barahibo hin kanding,

Exodo 26:1

“Paghimo kamo han akon Tulda. Para han sakob han akon Tulda, gamit kamo hin 10 ka tinabas nga lino nga pino nga ginhablonan hin asul, granate, ngan pula nga dilana. Bordahi ini hin mga dagway hin mga kerubin.

Exodo 28:5

Ipagamit han batid nga mga sastre an delana nga asul, granate, ngan pula, tingkal nga bulawan, ngan lino nga pino.

Exodo 31:10

an magtahom nga padianon nga mga biste nira Aaron ngan han iya mga anak nga kalalaken-an, nga gagamiton nira ha ira pagkapadi kon mag-aalagad hira ha akon,

Exodo 35:19

ngan an magtahom nga mga biste nga sinusul-ot han kapadian kon nag-aalagad hira didto han Baraan nga Dapit—an baraan nga mga biste nira Aaron nga padi, ngan han iya mga anak nga kalalaken-an.”

Exodo 35:23

Nagdara an iba hin magkalainlain nga tela: lino nga pino; delana nga asul, granate, o pula; dugnit nga barahibo hin kanding; anit hin karnero nga lalaki nga tinina hin pula; o anit hin kanding.

Exodo 38:31

an mga tungtongan para han palibot nga alad ngan para han agian han alad, ngan an ngatanan nga mga talibugsok para han Tulda ngan han palibot nga alad.

Exodo 39:41

ngan an magtahom nga mga biste nga igbarado han kapadian didto han Baraan nga Dapit—an baraan nga mga biste para kan Aaron nga padi ngan para han iya mga anak nga kalalaken-an.

Ezequiel 42:14

Kon nahingadto na ha sakob han Templo an kapadian ngan karuyag nira kumadto han gawas nga bungsaran, kinahanglan ibilin nira dida hini nga mga kwarto an baraan nga mga panapton nga iginsul-ot nira han ira pag-alagad han Ginoo. Kinahanglan magliwan hira hin iba nga panapton ha diri pa hira nagawas ngadto han dapit nga gintitirokan han mga tawo.”

Ezequiel 43:12

Amo ini an balaod han Templo: Labi hin kabaraan an ngatanan nga dapit nga nagpapalibot han Templo didto han bawbaw han bukid.”

Hebreo 9:12

Han pagkadto ni Cristo han tulda ngan pagsulod niya makausa ngan para han ngatanan ngadto hin Labi ka Baraan nga Dapit, waray hiya magdara han dugo hin mga kanding ngan mga baka basi ihalad; kundi asay lugod iginhalad niya an iya kalugaringon nga dugo, ngan nakaangkon para ha aton hin dayon nga katalwasan.

Hebreo 9:25

An Labaw nga Padi nga Judiyo nasulod han Baraan nga Dapit ha kada tuig ngan dara niya in dugo hin mananap. Kundi waray sumulod hi Cristo paghalad hin makadamo han iya kalugaringon,