Exodo 32:1 - Samarenyo Meaning-Based Bible (1984)

¹ Han pakasabot han mga tawo nga waray na lumugsong hi Moises tikang ha bukid, kundi nagpabilin hin maiha didto, nag-alirong hira kan Aaron ngan naghangyo ha iya, “Diri kami maaram kon ano an nahinabo hini nga tawo nga Moises nga nagdara ha amon tikang ha Ehipto, sanglit ighimo kami hin usa nga diyos nga magmamando ha amon.”

Exodo 32:1 Iomraidhean Croise

Genesis 19:14

Niyan kinmadto hi Lot han kalalaken-an nga nangangasawa han iya mga anak nga kababayen-an, ngan nagsiring, “Dali ngan gawas kamo dinhe; pagbubungkagon han Ginoo ini nga dapit.” Kundi naghunahuna hira nga nag-iintrimis la hiya.

Genesis 21:26

Nagsiring hi Abimelec, “Diri ako maaram kon hin-o an nagbuhat hini. Waray mo man ako pagsumati hiunong hini, ngan syahan pa ini nga akon pakabati hini.”

Genesis 39:8

Dinmiri hi Jose ngan nagsiring ha iya, “Tan-awa daw, diri nanginginlabot an akon agaron hin bisan ano dinhe ha balay kay aanhi man ako. Iginbutang ako niya nga tinaporan han ngatanan nga iya mga hiagi ug manggad.

Genesis 44:15

ngan nagsiring hi Jose, “Ano an iyo ginbuhat? Diri ba kamo maaram nga mahibabaroan an iyo ginbubuhat hin usa ka tawo nga sugad ha akon, pinaagi hin pagtag-na?”

Genesis 44:4

Han diri pa hira hirayo tikang han syudad, ginsiring ni Jose an iya surugoon nga tinaporan han iya balay, “Dali ngan lanata an mga tawo. Kon hiabotan mo hira pakianhi hira, ‘Kay ano nga ginbalos man niyo hin maraot an maupay?

Mga Salmo 106:19

Ha Horeb naghimo hin nati nga bulawan, ngan ginsingba nira ini nga ladawan.

Exodo 13:21

Nag-uuna ha ira an Ginoo pinaagi hin harigi nga dampog kon adlaw hin pagtutdo ha ira han dalan, ngan pinaagi hin harigi nga kalayo kon gab-i ha paghatag ha ira hin kapawa, basi makagpadayon hira hin paglakat adlaw gab-i.

Exodo 14:11

Nagsiring hira kan Moises, “Waray ba mga lubnganan didto ha Ehipto? Kinahanglan pa ba pagdad-on mo kami nganhi han kamingawan basi magkamatay? Tan-awa daw kon ano an imo ginbuhat hini nga pagpagawsa mo ha amon tikang ha Ehipto!

Exodo 16:3

ngan nagsiring hira, “Maupay pa kon ginpatay nala kami han Ginoo didto ha Ehipto. Didto nakakalingkod ngan nakakakaon pa kami hin karne ngan hin iba nga pagkaon sugad han amon karuyag. Kundi ginpagawas mo kami nganhi hini nga kamingawan basi mamatay kami ngatanan hin gutom.”

Exodo 20:23

Ayaw kamo paghimo para ha iyo kalugaringon hin kadiyosan nga salapi o bulawan nga pagsisingbahon niyo ngan itatampo ha akon.

Exodo 24:12

Nagsiring kan Moises an Ginoo, “Sagka han bukid ngadi ha akon ngan samtang aadi ka, ighahatag ko ha imo in duha nga mga papan nga bato nga ginsuratan ko han ngatanan nga mga balaod nga igtututdo mo han mga tawo.”

Exodo 24:18

Nagtipaunhan hi Moises hin pagsagka han bukid ngadto han dampog. Didto nagpabilin hiya sulod hin 40 ka adlaw ug gab-i.

Exodo 32:11

Kundi nakimalooy han Ginoo nga iya Dyos hi Moises ngan nagsiring hiya, “Ginoo, kay ano nga nasisina ka hin duro han imo mga tawo nga imo gintalwas tikang ha Ehipto pinaagi hin dako nga kusog ngan gahom?

Exodo 32:22

Binmaton hi Aaron, “Ayaw gad ako kasinahi; maaram ka man nga karuyag hini nga mga tawo an pagbuhat hin magraot.

Exodo 32:23

Nagsiring hira ha akon, ‘Diri kami maaram kon ano na an nahinabo hini nga tawo nga Moises nga nagpagawas ha amon ha Ehipto, sanglit ighimo kami hin usa nga diyos nga magmamando ha amon.’

Exodo 32:7

Nagsiring kan Moises an Ginoo, “Lugsong dayon ngadto han mga tawo, kay nakasala ngan ginsikway ako han imo mga tawo nga imo gindara tikang ha Ehipto.

Exodo 33:3

Makadto kamo hin usa nga hura ngan matambok nga tuna. Kundi diri ako ngahaw maupod ha iyo, kay mga tawo kamo nga magtig-a an mga ulo ngan bangin puohon ko kamo dida ha dalan.”

Ezequiel 20:8

Kundi linmaris hira ha akon ngan dinmiri hira hin pamati. Waray nira ilabog an ira makapupungot nga mga diyosdiyos o isalikway an Ehiptohanon nga kadiyosan. Andam na ako hin pagpaabat ha ira han bug-os nga kusog han akon kapungot didto ha Ehipto.

Oseas 12:13

Nagsugo hin manaragna an Ginoo hin pagtalwas han katawhan han Israel tikang han pagkaoripon didto ha Ehipto ngan hin pagmangno ha ira.

Miqueas 6:4

Ginpagawas ko kamo ha Ehipto. Gintalwas ko kamo han pagkaoripon. Ginsugo ko hira Moises, Aaron, ug Miriam hin pagmando ha iyo.

Numero 14:22

waray mabubuhi hini nga mga tawo hin pagsulod ngadto hito nga tuna. Hinkit-an nira an akon himaya ngan an mga milagro nga akon ginbuhat didto ha Ehipto ngan didto ha kamingawan, kundi ginsarihan nira hin makadamo na an akon pagpailob, ngan dinmiri hira hin pagsugot ha akon.

Mateo 24:43

Hinumdomi ini niyo: kon maaram la an amay han panimalay han takna han pag-abot han kawatan, mag-aagma manta hiya ngan diri matugot nga makasulod han iya balay an kawatan.

Mateo 24:48

Kundi kon maraot hiya nga surugoon, masiring hiya ha iya ngahaw, ‘Maiha pa umoli an akon agaron.’

Mga Buhat 17:29

Tungod nga mga anak man kita han Dyos, diri kita maghunahuna nga an kinaiya han Dyos sugad hin bulawan o salapi o bato nga ginporma nga ladawan pinaagi han kabatiran han tawo.

Mga Buhat 19:26

Sayod kamo ha iyo mga mata ug mga durunggan kon ano an ginbubuhat hini nga tawo nga hi Pablo. Nasiring hiya nga diri gud mga diyos an kadiyosan nga hinimo hin tawo, ngan nakabig na niya in damo nga mga tawo, diri la dinhe ha Efeso kundi haros ha bug-os nga lalawigan han Asia.

Mga Buhat 7:40

Sanglit ginsiring nira hi Aaron, ‘Ighimo kami hin mga diyosdiyos nga mag-uuna ha amon. Diri kami maaram kon ano an nahinabo hadto nga Moises nga nagpagawas ha amon tikang ha Ehipto.’

Deuteronomio 31:8

An Ginoo ngahaw amo an magtututdo ngan maupod ha imo. Diri ka niya pagkakawangon o pababayaan, sanglit ayaw pagtalaw o kahadlok.”

Deuteronomio 9:1

“Pamati, mga tawo han Israel! Yana nga adlaw matabok na kamo han Salog Jordan ngan aagawon niyo an tuna nga gintatag-iya han mga nasod nga labi ka dagko ngan labi ka gamhanan kay ha iyo. Hagluag an ira mga syudad ngan higtaas kaupayan mga pader.

Deuteronomio 9:9

Sinmagka ako han bukid hin pagkarawat han mga papan nga bato nga ginsuratan han ginsaaran nga ginhimo ha iyo han Ginoo. Nagpabilin ako didto sulod hin 40 ka adlaw ug gab-i ngan waray gud ako kumaon o uminom hin bisan ano.

Josue 7:13

Hala, buhat! Linisi an mga tawo sumala han mga seremonyas ngan andama hira hin pagkadi ha akon atubangan. Sumati hira nga maandam na hira buwas, kay ako, an Ginoo nga Dyos han Israel, may-ada ko igsisiring mahitungod hini: ‘Israel, may-ada dida ha imo mga butang nga akon ginsugo ha imo hin pagpabungkag! Diri ka makakaato han imo mga kaaway kon diri ini nga mga butang bayaan nimo!’

2 Pedro 3:4

ngan mapakiana hira: “Di' ba nagsaad hiya nga mabalik? Hain na man hiya? Nagkamatay na an aton mga ginikanan, kundi amo man la gihapon an ngatanan nga mga butang tikang pa han paghimoa han kalibutan!”