Exodo 3:8 - Samarenyo Meaning-Based Bible (1984)

⁸ sanglit linmusad ako hin pagtalwas ha ira tikang han mga Ehiptohanon, ngan pagdara ha ira tikang ha Ehipto ngadto hin usa nga malangbo ngan hiluag nga tuna, hin usa nga hura ngan matambok nga tuna nga inuokyan na yana han mga Canaanhon, han mga Hiteohanon, han mga Amoreohanon, han mga Periseohanon han mga Hibeohanon, ngan han mga Jebuseohanon.

Exodo 3:8 Iomraidhean Croise

Genesis 11:5

Niyan linmusad an Ginoo hin pagkita han syudad ngan han lantawan nga gintindog hito nga mga tawo,

Genesis 11:7

Lusad kita ngan guponga ta an ira pinulongan basi diri hira magkasarabot.”

Genesis 15:13

Nagsiring ha iya an Ginoo, “An imo mga tulin mahihimo nga mga lumalangyaw didto hin lain nga tuna; maooripon hira didto ngan pagtatalumpigoson hira sulod hin 400 ka tuig.

Genesis 15:14

Kundi pagkakastigohon ko an nasod nga mag-ooripon ha ira, ngan kon bumaya na hira hito nga nag-oripon ha ira nga tuna, magdadara hira hin damo nga mga manggad.

Genesis 18:21

Kinahanglan lumusad ako hin pag-usisa kon matuod ba o diri an mga sumbong nga akon hinbatian.”

Genesis 43:11

Nagsiring ha ira an ira amay, “Kon amo man ito an kinahanglan, buhata ini: dad-a ha iyo mga surudlan an gimamag-upayi nga mga abot han tuna sugad nga regalo para han gobernador: mga balsamo, mga dugos, mga pahamot, mga pili, ngan mga almendras.

Genesis 46:4

Maupod ako ha imo ngadto ha Ehipto ngan igbabalik ko an imo mga tulin nganhi hini nga tuna. Aada ha imo kagiliran hi Jose kon mamatay ka.”

Genesis 50:24

Nagsiring hiya ha iya kabugtoan, “Mapatay na ako, kundi waray ruhaduha nga pagmamangnoan gud kamo han Dyos, ngan pagagawson kamo tikang hini nga tuna ngadto han tuna nga iginsumpa niya kanda Abraham, Isaac, ug Jacob.”

1 Cronicas 1:15

Hebeohanon, Arkeohanon, Sineohanon,

Nehemias 9:8

Hinbaroan mo nga matinumanon hiya ha imo, ngan naghimo ka ha iya hin ginsaaran. Nagsaad ka hin paghatag ha iya han tuna han mga Canaanhon, han tuna han mga Hiteohanon, ngan mga Amoreohanon, han tuna han mga Periseohanon, mga Jebuseohanon, mga Gergaseohanon, nga magigin tuna nga pag-uokyan han iya mga tulin. Gintuman mo an imo saad, kay matinumanon ka.

Mga Salmo 12:5

“Kundi maabot gud ako,” nasiring an Ginoo, “Kay ginraraogdaog an mga kablas ngan nag-aaraba an mga ginpapakurian. Tatagan ko hira han katalwasan nga ira ginhihingyap.”

Mga Salmo 12:6

Masasarigan an mga iginsaad han Ginoo; pareho hin katinuod han salapi nga ginpurog hin makapito didto ha hudnoan.

Mga Salmo 34:8

Ha imo ngahaw, Ginoo, usisaha, makikita mo nga maupay gud hiya; palaran an tawo, waray kabaraka, kon iya katalwasan tikang ha iya.

Mga Salmo 91:15

Kon magtawag hira akon pamamatian, uupdan ko hira kon may-ada kakurian; tatabangan hira ngan pagpapasidunggan.

Exodo 12:41

Dida han adlaw han katapos na han 430 ka tuig, binmaya han Ehipto an ngatanan nga mga tribo han mga tawo han Ginoo.

Exodo 12:51

Dida hito manla nga adlaw ginpagawas han Ginoo an mga tribo nga Israelita tikang ha Ehipto.

Exodo 13:5

Nagsaad han iyo kaapoy-apoyan an Ginoo hin paghatag ha iyo han tuna han mga Canaanhon, han mga Hiteohanon, han mga Amoreohanon, han mga Hibeohanon, ngan han mga Jebuseohanon. Kon pagdad-on na kamo niya ngadto hito nga hura ngan matambok nga tuna, kinahanglan pagsaurogon niyo ini nga pyesta dida han syahan nga bulan han kada tuig.

Exodo 3:17

Nagbuot na ako nga pagagawson ko hira tikang ha Ehipto, diin ginraraogdaog hira, ngan pagdadad-on ko hira ngadto hin usa nga hura ngan matambok nga tuna—an tuna han mga Canaanhon, han mga Hiteohanon, han mga Amoreohanon, han mga Periseohanon, han mga Hibeohanon, ngan han mga Jebuseohanon.

Exodo 34:11

Sugta niyo an mga balaod nga ighahatag ko ha iyo yana nga adlaw. Paiiwason ko an mga Amoreohanon, an mga Canaanhon, an mga Hiteohann, an mga Perizeohanon, an mga Hibeohanon, ngan an mga Jebuseohanon, samtang nasulong kamo.

Exodo 5:23

Tikang la ako kumadto han hadi hin pakighimangraw para ha imo, iya na gintalumpigos hira. Ngan waray ka gud nabuhat hin pagbulig ha ira!”

Isaias 36:17

tubtob nga ipahimutang kamo han hadi didto hin tuna nga sugad han iyo kalugaringon nga tuna, diin may mga urubasan nga mahatag hin bino ngan mga inani hin paghimo hin tinapay.

Isaias 64:1

Kay ano nga diri mo ginririksi hin pag-abre han langit ngan lumusad ka? Kon nakita ha imo an kabukiran, nababay-og ini hira hin kahadlok!

Jeremias 11:5

Niyan pagtutumanon ko an saad nga akon iginsaad han ira kaapoy-apoyan, ngan ighahatag ko ha ira an hura ngan malangbo nga tuna nga ira na yana gintatag-iya.” Tinmangdo ako han Ginoo.

Jeremias 2:7

Gindara ko hira ngadto hin usa nga malangbo nga tuna, basi magpahimulos hira han mga abot ngan han iba pa nga mga kaupayan. Kundi ginbungkag lugod nira an akon tuna; ginhugawan nira an nasod nga iginhatag ko ha ira.

Jeremias 32:22

Iginhatag mo ha ira ini nga hura ngan malangbo nga tuna, sumala han imo iginsaad ha ira kaapoy-apoyan.

Ezequiel 20:6

Hito nga adlaw nagsaad ako hin pagpagawas ha ira han Ehipto ngan pagdara ha ira ngadto hin usa nga tuna nga ginpili ko para ha ira, nga hura ngan matambok nga tuna, an gimamaupayi nga tuna han ngatanan.

Levitico 20:24

Kundi iginsaad ko na ha iyo ini nga maupay ngan matambok nga tuna nga iyo panurundon, ngan ihahatag ko ini ha iyo. Hi ako an Ginoo nga iyo Dyos, ngan iginggahin ko na kamo han iba nga mga nasod.

Amos 2:10

Ginpagawas ko kamo tikang ha Ehipto, ginmandoan ko kamo hin paglatas han kamingawan sulod hin 40 ka tuig, ngan iginpatag-iya ko ha iyo an tuna han mga Amoreohanon.

Numero 13:18

Panginanoa niyo kon ano ini nga tuna, kon damo ba an mga tawo nga nag-uokoy didto, ngan kon matiunan-o hin kamagkusog hira.

Numero 13:19

Usisaha niyo kon maupay ba o maraot an tuna, ngan kon nag-uokoy an mga tawo dida hin mga bungto nga waray mga pader o dida ba hin pinaderan nga mga syudad.

Numero 13:27

Ginsumatan nira hi Moises, “Gin-usisa namon an tuna ngan hinbaroan namon nga maupay ngan malangbo ini; ngan iini in amon dara nga mga bunga.

Juan 3:13

Ngan waray pagud nakasaka ha langit labot han Anak han Tawo nga linmusad tikang ha langit!”

Juan 6:38

kay linmusad ako tikang ha langit diri pagtuman han akon kalugaringon nga kaburot-on, kundi han kaburot-on han nagsugo ha akon.

Deuteronomio 1:25

Gindad-an kita nira han ira pagbalik hin mga bunga hin kahoy nga ira hin-agian didto, ngan ginsumatan kita nira nga matambok an tuna nga iginhahatag ha aton han Ginoo nga aton Dyos.

Deuteronomio 1:7

Lakat kamo tikang dinhe ngan balhin kamo ngadto han sagkahon nga nasod han mga Amoreohanon ngan ngadto han ngatanan nga mga higrani nga katunaan—ngadto han Kahamub-an han Jordan, han sagkahon nga katunaan ngan kapatagan, han timogan nga katunaan, ngan ha baybayon han Mediteraneo. Kadto kamo ha tuna han Canaan ngan unhan pa han Kabukiran han Libano, tubtob ngadto han dako nga Salog Eufrates.

Deuteronomio 27:3

ngan isurat dida hini ini ngatanan nga mga balaod ngan mga pagturon-an. Kon makasulod na kamo han hura ngan matambok nga tuna nga iginsaad ha iyo han Ginoo nga Dyos han iyo kaapoy-apoyan,

Deuteronomio 28:11

Tatagan kamo han Ginoo hin damo nga mga anak, damo nga kabakahan, ngan damo nga mga abot didto han tuna nga iya iginsaad han iyo kaapoy-apoyan nga iya ighahatag ha iyo.

Deuteronomio 6:3

Mga tawo han Israel, pamatii ngan pagtumana ini niyo! Niyan maghihingaupay kamo, ngan mahihimo kamo nga gamhanan nga nasod ngan mag-uokoy kamo didto hito nga hura ngan matambok nga tuna, sumala han iginsaad han Ginoo nga Dyos han aton kaapoy-apoyan.

Deuteronomio 7:1

“Pagdadad-on kamo han Ginoo nga iyo Dyos ngadto han tuna nga iyo pagtatag-iyahon, ngan paiiwason niya in damo nga mga nasod tikang hini nga tuna. Samtang nasulong kamo, paiiwason niya in pito nga mga nasod nga labi ka dagko ngan labi ka gamhanan kay ha iyo: an mga Hiteohanon, mga Girgaseohanon, mga Amoreohanon, mga Canaanhon, mga Periseohanon, mga Hibeohanon, ngan mga Jebuseohanon.

Josue 9:1

An mga pagdarag-an han Israel nahisamwak ha ngatanan nga kahadian ha may katundan han Jordan—didto ha mga sagkahon nga mga tuna, ha ubos han mga pungtod, ug ha kabaybayonan han Dagat Mediteraneo ngadto pa gud ha may amihanan nga dapit han Libano; amo ini hira an mga hadi han mga Hiteohanon, mga Amoreohanon, mga Canaanhon, mga Periseohanon, mga Hibeohanon ngan mga Jebuseohanon.

Josue 9:7

Kundi sinmiring an mga Israelita, “Kay ano nga makigsabot man kami ha iyo? Bangin hiraniay la an iyo gin-uokyan.”