Exodo 3:7 - Samarenyo Meaning-Based Bible (1984)

⁷ Niyan nagsiring an Ginoo, “Hinkit-an ko an maraogdaog nga pagdumara han akon mga tawo didto ha Ehipto; hinbatian ko an ira pangaraba nga talwason ko hira tikang han mga mag-isog nga mga kapatas nira. Sayod ako han ngatanan ira mga pag-antos,

Exodo 3:7 Iomraidhean Croise

Genesis 16:11

Mag-aanak ka hin usa nga lalake ngan pagngangaranan mo hiya nga Ismael kay hinbatian han Ginoo an imo mga pagharoy.

Genesis 18:21

Kinahanglan lumusad ako hin pag-usisa kon matuod ba o diri an mga sumbong nga akon hinbatian.”

Genesis 21:17

Hinbatian han Dyos nga nagtitinangis an bata, ngan tikang ha langit nagyakan kan Agar an anghel han Dyos, “Ano an imo nagugul-an, Agar? Ayaw kahadlok. Hinbatian han Dyos nga nagtatangis an bata.

Genesis 29:32

Nagburod hi Lea ngan nag-anak hiya hin usa nga lalake. Nagsiring hiya, “Hinkit-an han Ginoo an akon kakurian, ngan yana mahigugma na ha akon an akon bana.” Sanglit iya ginngaranan hiya nga Ruben.

Genesis 31:12

‘Tan-awa daw,’ nagpadayon hiya, ‘mga tagiptipon, mga kabang, ngan mga burikbutik an lalaki nga mga kanding nga nangangasta. Itinugot ko ini kay hinkit-an ko an ngatanan nga binubuhat ha imo ni Laban.

Genesis 31:42

Kon diri pa upod ha akon an Dyos han akon mga ginikanan, nga Dyos nira Abraham ug Isaac, imo na unta ako ginpaiwas nga waray dara. Kundi hinkit-an han Dyos an akon kakurian ngan an buruhaton nga akon gintuman, ngan kagab-i iginhatag niya an iya paghukom.”

2 Samuel 22:28

Gintatalwas mo an mapinaubsanon, ginpapaubos an mapinahitas-on.

2 Hadi 13:4

Niyan nag-ampo ha Ginoo hi Joacas, ngan pinamatian han Ginoo an iya pag-ampo, kay hinkit-an han Ginoo nga gintatalumpigos han hadi han Siria an mga Israelita.

2 Hadi 20:5

hin pagbalik ngadto kan Ezequias nga pangulo han mga tawo han Ginoo, ngan pagsiring ha iya, “Hinbatian ko, an Ginoo nga Dyos ni David nga imo ginikanan, an imo pag-ampo ngan hinkit-an ko an imo mga luha. Tatambalan ko ikaw ngan paglabay hin tulo ka adlaw makadto ka ha Templo.

Nehemias 9:9

“Hinkit-an mo an pag-antos han amon kaapoy-apoyan didto ha Ehipto; hinbatian mo an ira pagtawag hin pakibulig didto han Pula nga Dagat.

Mga Salmo 106:44

Kundi pinamatian han Ginoo pa, an ira pagsangpit, ira pangaraba; ngan ginpanimangno an kakurian nira.

Mga Salmo 12:6

Masasarigan an mga iginsaad han Ginoo; pareho hin katinuod han salapi nga ginpurog hin makapito didto ha hudnoan.

Mga Salmo 142:3

Kon harapit na ako humunong, maaram na hiya han angay ko buhaton. Dida han dalan nga linalaktan nakon, mga kaaway ko nagbibitik ha akon.

Mga Salmo 145:19

Tumanon ungara'n nahadlok ha iya, pinamamatian, tinatalwas hira.

Mga Salmo 22:24

Diri niya ginpapabay-an an mga kablas o ginlilimot an ira pag-antos; diri niya hira binabayaan kundi binabaton niya kon natawag hira hin pakibulig.”

Mga Salmo 34:4

Nag-ampo ak' ngan ginbaton han Ginoo, gintalwas niya han tanan kahadlok ko.

Mga Salmo 34:6

Nasangpit an kabos ngan nabaton hiya, natalwas han tanan kakurian nira.

Mga Salmo 35:22

Kundi hinkit-an mo ini, Ginoo. Sanglit, ayaw gad paghilom, O Ginoo; ayaw gad ikaw pagpahirayo!

Mga Salmo 9:14

Basi ako makatukdaw ha atubangan han Jerusalem nga mga katawhan; ngan makagsumat ako ha ira ngatanan, an gindayaw ko ha imo nga mga butang. Nalilipay ako kay ikaw an akon katalwasan.

Exodo 1:11

Sanglit iginbutang hira han mga Ehiptohanon ha ubos hin mga mag-isog nga mga kapatas nga magpapaantos ha ira pinaagi hin makuri nga trabaho. Gintindog han mga Israelita an mga syudad han Piton ug Rameses nga mga sentro nga hirimosan hin pagkaon han hadi.

Exodo 1:8

Nagkamay-ada bag-o nga hadi didto ha Ehipto nga waray gud niya hinbaroan mahitungod kan Jose.

Exodo 22:23

Kon pagbuhaton niyo ini, mabaton ha ira ako nga Ginoo kon magtawag hira ha akon hin pakibulig,

Exodo 33:13

Yana, kon nalilipay ka ha akon, pagsumati ako han imo mga nahuhunahunaan, basi makag-alagad ako ha imo ngan magpadayon hin pagpahalipay ha imo. Hinumdomi liwat nga ginpili mo na ini nga nasod nga imo kalugaringon.”

Exodo 5:10

Ginmawas an mag-isog nga mga kapatas han mga oripon ngan an mga tinaporan nga Israelita, ngan nagsiring hira ngadto han mga Israelita, “Nagsiring an hadi nga diri na kamo niya tatagan hin mga uhot.

Exodo 5:6

Hito manta nga adlaw ginsugo han hadi an mag-isog nga mga kapatas nga Ehiptohanon ngan an mga tinaporan nga mga Israelita,

Isaias 63:9

tikang han ngatanan nira nga mga pag-antos. Diri adto usa nga anghel, kundi an Ginoo ngahaw an nagtalwas ha ira. Iya gintalwas hira tungod han iya paghigugma ngan pagpaid. Iya hira dayuday ginmangnoan han una pa nga mga adlaw,

Numero 20:16

ngan nagsangpit kami han Ginoo hin pakibulig. Hinbatian niya an amon pagsangpit ngan nagsugo hiya hin usa nga anghel nga nagmando ha amon hin paggawas han Ehipto. Yana aadi kami ha Cades nga usa nga bungto hirani han pag-ultan han iyo katunaan.

Mga Buhat 7:34

Hinkit-an ko an mapait nga pag-antos han akon mga tawo didto ha Ehipto, ngan hinbatian ko an ira mga araba, sanglit linmusad ako hin pagtalwas ha ira. Hala na, ipapadara ko ikaw ngadto ha Ehipto.’

Hebreo 4:15

Napaid han aton kamaluya ini nga aton gilalabawi nga padi, kay ginsulay liwat hiya ha ngatanan nga paagi, sugad ha aton, kundi waray hiya makasala.

1 Samuel 9:16

“Buwas han mga sugad hini nga takna pakakadtoon ko ha imo in usa ka tawo nga sakop han tribo ni Benjamin; dihogi hiya nga pangulo han akon mga tawo nga Israel, kay hiya an magtatalwas han Israel ha mga Filisteohanon. Hinkit-an ko an pag-antos han akon mga tawo, ngan hinbatian ko an ira mga pangaro hin pakibulig.”