Exodo 3:6 - Samarenyo Meaning-Based Bible (1984)

⁶ Ako amo an Dyos han imo kaapoy-apoyan, an Dyos nira Abraham, Isaac ug Jacob.” Sanglit gintahoban ni Moises an iya bayhon kay nahadlok hiya hin pagtan-aw han Dyos.

Exodo 3:6 Iomraidhean Croise

Genesis 12:1

Nagsiring an Ginoo kan Abram, “Bayai an imo nasod, an imo kaurupdan, ngan an panimalay han imo amay, ngan pakadto hin usa nga tuna nga igtututdo ko ha imo.

Genesis 12:7

Pinmakita an Ginoo kan Abram ngan nagsiring ha iya, “Amo ini an tuna nga ighahatag ko ngadto han imo mga tulin.” Niyan nagtindog didto hi Abram hin usa nga altar ngadto han Ginoo nga pinmakita ha iya.

Genesis 17:3

Hinmapa hi Abram, ngan nagsiring an Dyos,

Genesis 24:12

Nag-ampo hiya, “O Ginoo nga Dyos ni Abraham nga akon agaron, magmainuswagon unta ako yana nga adlaw ngan tumana an imo saad ha akon agaron.

Genesis 26:24

Hito nga gab-i pinmakita ha iya an Ginoo ngan nagsiring, “Amo ako an Dyos ni Abraham nga imo amay. Ayaw kahadlok kay upod ako ha imo. Pagbebendisyonan ko ikaw ngan tatagan ko ikaw hin damo nga mga tulin, tungod han akon saad kan Abraham nga akon surugoon.”

Genesis 28:13

Ngan hinkit-an niya an Ginoo nga natukdaw ha sapit niya. Nagsiring an Ginoo, “Amo ako an Ginoo nga Dyos nira Abraham ug Isaac. Ighahatag ko ha imo ngan ha imo mga tulin ini nga tuna nga imo hinihigdaan.

Genesis 28:17

Nahadlok hiya ngan nagsiring, “Hin kamakaaramdok hini nga dapit! An balay gud ini han Dyos; an ganghaan gud ini ngadto ha langit.”

Genesis 31:42

Kon diri pa upod ha akon an Dyos han akon mga ginikanan, nga Dyos nira Abraham ug Isaac, imo na unta ako ginpaiwas nga waray dara. Kundi hinkit-an han Dyos an akon kakurian ngan an buruhaton nga akon gintuman, ngan kagab-i iginhatag niya an iya paghukom.”

Genesis 32:9

Niyan nag-ampo hi Jacob, “O Dyos ni Abraham nga akon apoy ngan Dyos ni Isaac nga akon amay, pamatii gad ako. Ginsiring mo ako, O Ginoo, hin pagbalik ngadto han akon tuna ngan ngadto han akon kauropdan, ngan pagbebendisyonan mo ako.

1 Hadi 18:36

Ha takna han kulop nga paghalad, dinmaop ha altar hi Elias nga manaragna ngan nag-ampo, “O Ginoo nga Dyos ni Abraham, ni Isaac, ug ni Jacob, ipakita yana nga amo ka an Dyos han Israel, ngan nga ako amo an imo surugoon, ngan imo ini sugo hin pagbuhat hini ngatanan.

1 Hadi 19:13

Han pakabati hini ni Elias, tinahoban niya han iya kurumpos an iya bayhon ngan ginmawas hiya ngan tinmindog ha ganggang han lungib. Nagsiring ha iya in usa nga tingog, “Elias, nag-aano ka dinhe?”

Nehemias 9:9

“Hinkit-an mo an pag-antos han amon kaapoy-apoyan didto ha Ehipto; hinbatian mo an ira pagtawag hin pakibulig didto han Pula nga Dagat.

Ester 3:4

gin-aghat hiya nira adlaw-adlaw hin pagsugot, kundi waray gud hiya mamati ha ira. Nagsiring hiya, “Judiyo ako ngan diri ako makakayukbo ha atubangan ni Aman.” Sanglit ginsumatan nira hi Aman mahitungod hini. Nahiburong hiya kon pasasagdan ba la niya hi Mardoqueo.

Mga Salmo 132:2

An pagsumpa niya ha Ginoo hadto ha Gamhanan nga Dyos ni Israel, kuno:

Exodo 15:2

An Ginoo amo an akon kusog ngan akon kalipay; amo hiya an nagtalwas ha akon. Amo hiya an akon Dyos, ngan pagdadayawon ko hiya, hiya an Dyos han akon amay, ngan kakantahan ko an iya pagkagamhanan.

Exodo 29:45

Mag-uokoy ako tampo han mga tawo han Israel ngan magigin Dyos ako nira.

Exodo 3:16

Kadto ngan tiroka an mga pangulo han Israel, ngan sumati hira nga pinmakita ha imo ako nga Ginoo nga Dyos han ira kaapoy-apoyan, nga Dyos nira Abraham, Isaac, ug Jacob. Sumati hira nga kinmadto ako ha ira ngan hinkit-an ko an binubuhat ha ira han mga Ehiptohanon.

Exodo 33:20

Diri ko ikaw pakikitaon han akon bayhon, kay waray tawo nga makakakita ha akon ngan magpapabilin nga buhi,

Exodo 4:5

Nagsiring an Ginoo, “Buhata ini ngadto han mga Israelita hin pagmatuod nga pinmakita ha imo an Ginoo nga Dyos han ira kaapoy-apoyan, nga Dyos nira Abraham, Isaac, ug Jacob.”

Jeremias 24:7

Ighahatag ko ha ira an ungara hin paghibaro nga ako amo an Ginoo. Niyan magigin hira maaakon mga tawo ngan ako maiira Dyos, kay mabalik hira ha akon hin kinasingkasing.

Jeremias 31:33

Amo ini an bag-o nga ginsaaran nga akon paghihimoon han mga tawo han Israel: Igbubutang ko ha ira mga hunahuna an akon balaod ngan igsusurat ko ini dida han ira mga kasingkasing. Magigin Dyos ako nira, ngan magigin akon mga tawo hira.

Jeremias 32:38

Niyan magigin akon mga tawo hira ngan magigin Dyos ako nira.

Ezequiel 11:20

Niyan pagtutumanon na nira an akon mga balaod ngan pagsusugton nira nga matinumanon an ngatanan ko nga mga sugo. Magigin akon hira mga tawo ngan magigin ira ako Dyos.

Zacarias 8:8

ngan ibabalik ko hira tikang ha sinirangan ngan katundan hin pag-ukoy didto ha Jerusalem. Magigin akon hira mga tawo ngan ako magigin ira Dyos nga maghahadi ha ira nga matinumanon ngan matadong.

Mateo 17:6

Nagkahadlok gud an mga tinun-an han pakabati nira han tingog, ngan hinmapa hira ha tuna.

Mateo 22:32

‘Ako an Dyos ni Abraham, an Dyos ni Isaac, ngan an Dyos ni Jacob.’ Karuyag sidngon hini, nga Dyos hiya han mga buhi, diri han mga minatay.”

Marcos 12:26

Niyan, mahitungod han pagkabanhaw: waray ba niyo mabasa ha basahan ni Moises an bahin mahitungod han naglalaga nga tanom? Iginsurat didto nga nagsiring an Dyos kan Moises, ‘Amo ako an Dyos ni Abraham, Dyos ni Isaac, ngan an Dyos ni Jacob.’

Lucas 20:37

Ngan nagpamatuod hi Moises hin dayag nga may pagkabanhaw an mga minatay. Dida han sinurat nga nagsaysay mahitungod han naglalaga nga tanom, naghinabe hiya hiunong han Ginoo, nga amo ‘an Dyos ni Abraham, Dyos ni Isaac, ngan Dyos ni Jacob.’

Lucas 5:8

Pakakita ni Simon Pedro han nahinabo, linmuhod hiya ha atubangan ni Jesus ngan nagsiring, “Pahirayo ha akon, Ginoo! Makasasala ako nga tawo!”

Mga Buhat 7:32

‘Amo ako an Dyos han imo kaapoy-apoyan, an Dyos ni Abraham, ni Isaac, ug ni Jacob.’ Kinmurog hi Moises hin kahadlok ngan waray na mangahas hin pagkita.

Mga Buhat 7:34

Hinkit-an ko an mapait nga pag-antos han akon mga tawo didto ha Ehipto, ngan hinbatian ko an ira mga araba, sanglit linmusad ako hin pagtalwas ha ira. Hala na, ipapadara ko ikaw ngadto ha Ehipto.’

Deuteronomio 6:3

Mga tawo han Israel, pamatii ngan pagtumana ini niyo! Niyan maghihingaupay kamo, ngan mahihimo kamo nga gamhanan nga nasod ngan mag-uokoy kamo didto hito nga hura ngan matambok nga tuna, sumala han iginsaad han Ginoo nga Dyos han aton kaapoy-apoyan.

Hebreo 11:16

Lugod namulat hira hin mauruopay nga tuna, an langitnon nga tuna. Sanglit waray an Dyos naawod ha ira nga magtawag hira ha iya nga ira Dyos, kay nag-andam hiya hin syudad para ha ira.

Hebreo 12:21

Makalilisang hin duro adto nga taran-awon nga nakasiring hi Moises, “Nangungurog ngan nahahadlok ako!”

Ginpadayag 1:17

Han pakakita ko ha iya, nahiraptay ako ha iya tiilan. Kinaptan ako han iya tuo nga kamot ngan nagsiring hiya, “Ayaw kahadlok! Amo ako an syahan ngan an kataposan.

Mga Maghurukom 13:22

Ginsiring ni Manoa an iya asawa, “Mamamatay gud kita kay kinita kita han Dyos!”