Exodo 3:5 - Samarenyo Meaning-Based Bible (1984)

⁵ Nagsiring an Dyos, “Ayaw na pagduruduok pa ngadi. Hukasa an imo sandalyas kay natukdaw ka dida hin baraan nga tuna.

Exodo 3:5 Iomraidhean Croise

Exodo 19:12

Pagtigaman hin pag-ultan palibot han bukid. Kinahanglan diri magpasipara hin paglakad hini an mga tawo, ngan sidnga hira nga diri sumagka han bukid o bisan hin paghirani han bukid. An bisan hin-o nga makatamak ngan makalakad han pag-ultan, kinahanglan patayon hiya;

Exodo 19:21

ngan nagsiring ha iya an Ginoo, “Lusad ngan tugona an mga tawo nga diri hira lumakad han pag-ultan hin pagkadi ngan pagtan-aw ha akon; kon magtalapas hira hini, damo ha ira in magkakamatay.

Exodo 4:28

Niyan ginsumatan ni Moises hi Aaron han ngatanan nga iginsiring han Ginoo han pagsugoa niya kan Moises hin pagbalik ngadto ha Ehipto; ginsumatan liwat niya hi Aaron hiunong han mga milagro nga ginsugo han Ginoo nga pagbuhaton niya.

Ecclesiastes 5:1

Paghinay kon makadto ka ha Templo. Mauruupay pa in pagkadto hin pag-aram kay hin paghalad hin mga unong, sugad hin lurong nga mga tawo nga diri maaram kon ano an matadong ngan an sayop.

Jeremias 30:21

Matikang ha ira kalugaringon nga nasod an ira punoan, ha ira kalugaringon nga mga tawo an ira prinsipe. Madaop hiya ha akon kon pagdapiton ko hiya; kay hin-o an magpapasipara hin pagdaop nga diri dinapit? Magigin akon hira mga tawo; ngan magigin Dyos ako nira. Ako nga Ginoo an nagyakan.”

Levitico 10:3

Niyan nagsiring hi Moises kan Aaron, “Amo ini an iginhimangraw han Ginoo han iya pagsiring, ‘Kinahanglan magtahod han akon pagkabaraan an ngatanan nga nag-aalagad ha akon; igpapadayag ko an akon himaya ngadto han akon mga tawo.’” Kundi hinmilom la hi Aaron.

Mga Buhat 7:33

Nagsiring ha iya an Ginoo, ‘Hukasa an imo mga sandalyas kay baraan nga tuna an imo tinitindogan.

Deuteronomio 23:14

Himoa niyo an iyo kampo nga malinis ini sumala han seremonyas, kay kaupod niyo didto han iyo kampo an Ginoo nga iyo Dyos ha pagpanalipod ngan pagpadaog ha iyo kontra han iyo mga kaaway. Ayaw kamo pagbuhat hin bisan ano nga malaw-ay nga makakapabaya ha iyo han Ginoo.

Hebreo 12:20

kay diri na nira nailob an sugo nga nagsiring, “Bisan kon mananap an tumamak han bukid, kinahanglan pagbatoon tubtob nga mamatay.”

Josue 5:15

Ug an kapitan han kasondalohan han Ginoo nagsiring ha iya, “Hukasa an imo mga sandalyas, kay natukdaw ka dida hin baraan nga tuna.” Ngan gintuman ini ni Josue sugad han siring ha iya.

2 Pedro 1:18

Hinbatian namon ngahaw ini nga tingog nga tikang ha langit, han upod kami niya dida han baraan nga bukid.