Exodo 3:4 - Samarenyo Meaning-Based Bible (1984)

⁴ Han paghikit-i han Ginoo nga naduok hi Moises, nagtawag hiya ha butnga han tanom ngan nagsiring, “Moises, Moises!” Binmaton hiya, “Aadi ako.”

Exodo 3:4 Iomraidhean Croise

Genesis 22:1

Waray pag-iha ginsarihan han Dyos hi Abraham. Gintawag hiya han Dyos, “Abraham!” Binmaton hi Abraham, “Oo, aadi ako namamati.”

Genesis 22:11

Kundi nagtawag ha iya tikang ha langit an anghel han Ginoo, “Abraham, Abraham!” Binmaton hiya, “Oo, aadi ako.”

Genesis 28:16

Nagmata hi Jacob ngan nagsiring, “Aanhi dinhe an Ginoo! Aanhi hiya dinhe hini nga dapit, ngan diri ngani ako maaram hini!”

Genesis 46:2

Naghimangraw ha iya an Dyos dida hin usa nga panan-awon ha gab-i ngan nagtawag, “Jacob, Jacob!” Binmaton hiya, “Oo, aadi ako.”

Mga Salmo 62:11

Di' la makausa nga Dyos an nagyakan, di' la makausa nga ak' hinbatian; siring niya nga iya an kagamhanan

Exodo 19:3

ngan sinmagka han bukid hi Moises hin pakigkita han Dyos. Nagtawag an Ginoo kan Moises tikang han bukid ngan pinapaghimangraw hiya ha mga Israelita nga mga tulin ni Jacob hin pagsiring:

Exodo 3:2

Didto pinmakita ha iya an anghel han Ginoo sugad hin usa nga laga nga nagawas tikang ha butnga hin tanom. Hinkit-an ni Moises nga naglalaga an tanom, kundi waray ini kauugtang.

Exodo 33:12

Nagsiring hi Moises ha Ginoo, “Matuod gad nga ginsiring mo ako nga ako an magmamando hini nga mga tawo ngadto hito nga tuna, kundi waray mo ako pagsumati kon hin-o an imo paupdon ha akon. Nagsiring ka nga nakilala ka ha akon hin maupay ngan nalilipay ka ha akon.

Exodo 4:5

Nagsiring an Ginoo, “Buhata ini ngadto han mga Israelita hin pagmatuod nga pinmakita ha imo an Ginoo nga Dyos han ira kaapoy-apoyan, nga Dyos nira Abraham, Isaac, ug Jacob.”

Levitico 1:1

Nagtawag kan Moises an Ginoo tikang han iya Tulda ngan ginhatag kan Moises an nasunod nga mga turumanon

Mga Buhat 10:13

May tingog nga nagsiring ha iya, “Tindog, Pedro; pag-ihaw ngan kaon!”

Mga Buhat 10:3

Mga alas tres adto ha kulop nga nagkamay-ada hiya panan-awon diin hinkit-an niya in usa nga anghel nga sinmakob ha balay ngan nagsiring ha iya, “Cornelio!”

Mga Buhat 9:4

Natumba hiya ngan hinbatian niya in tingog nga nasiring ha iya, “Saulo, Saulo, kay ano nga ginpapakurian mo ako?”

Deuteronomio 33:16

Mapuno unta an ira tuna han ngatanan nga mag-upay, Nga ginbendisyonan pinaagi han pagkamaupay han Ginoo, Nga nagyakan tikang han naglalaga nga tanom. Mahingadto unta ini nga mga kaupayan ngadto han tribo ni Jose, Kay amo hiya an pangulo han iya kabugtoan nga kalalaken-an.

1 Samuel 3:10

Inmabot an Ginoo ngan tinmindog hiya didto, ngan nagtawag sugad han una, “Samuel! Samuel!” Binmaton hi Samuel, “Pagyakan; namamati an imo surugoon.”

1 Samuel 3:4

nagtawag an Ginoo kan Samuel. Binmaton hiya, “Aadi ako!”

1 Samuel 3:6

Nagtawag liwat an Ginoo kan Samuel. Waray kalibutan an bata nga amo adto an Ginoo, kay waray pa gud maghimangraw ha iya an Ginoo hadto. Sanglit binmuhat hiya, kinmadto kan Eli ngan nagsiring, “Nagtawag ka ha akon, ngan iini na ako.” Kundi binmaton hi Eli, “Anak ko, waray ako magtawag ha imo; balik ha imo higdaan.”

1 Samuel 3:8

Nagtawag kan Samuel an Ginoo hin ikatulo; binmuhat hiya, kinmadto kan Eli ngan nagsiring, “Nagtawag ka ha akon, ngan iini na ako.” Niyan nakasabot hi Eli nga an Ginoo amo an nagtawag han bata,