Exodo 3:12 - Samarenyo Meaning-Based Bible (1984)

¹² Binmaton an Dyos, “Maupod ako ha imo, ngan kon pagpagawson mo na an mga tawo tikang ha Ehipto, magsisingba kamo ha akon dinhe hini nga bukid. Amo ito an magpapamatuod nga ako an nagsugo ha imo.”

Exodo 3:12 Iomraidhean Croise

Genesis 15:1

Katapos hini nagkamay-ada panan-awon hi Abram, ngan hinbatian niya an Ginoo nga nagyayakan ha iya, “Ayaw kahadlok, Abram. Pananalipdan ko ikaw ha kataragman, ngan dako kaupay an balos nga ihahatag ko ha imo.”

Genesis 15:8

Kundi pinmakiana hi Abram, “Ginoo nga Dyos, uunanhon ko hin paghibaro nga ako an magtatag-iya hini?”

Genesis 26:3

Pag-ukoy la anay dinhe, ngan maupod ako ha imo ngan pagpapakaupayon ko ikaw. Ighahatag ko ha imo ngan han imo mga tulin ini ngatanan nga katunaan. Pagtutumanon ko an saad nga akon ginhimo kan Abraham nga imo amay.

Genesis 31:3

Niyan nagsiring ha iya an Ginoo, “Balik ngadto ha tuna han imo mga ginikanan ngan ngadto han imo mga kauropdan. Maupod ako ha imo.”

2 Hadi 19:29

Niyan nagsiring kan Hadi Ezequias hi Isaias, “Iini in tigaman han mahinanabo. Yana ngan han sunod nga tuig makaon kamo hin mga pugas nga turok la ha kapatagan, kundi ha masunod nga tuig makakagtanom na kamo han iyo mga pugas ngan maaani ito niyo, ngan makakagtanom hin mga ubas ngan makakaon niyo an mga bunga.

1 Cronicas 9:20

Hi Pinehas nga anak ni Eleasar amo hadto anay an nagdumara ha ira ug an Ginoo dayuday kaupod niya.

Mga Salmo 86:17

Ipakita, Ginoo, an imo pagkamaupay, basi makaawod an ha akon nagtatamay; kon kumita hira han hatag mo nga pahalibway.

Exodo 18:5

Kinmadto ha kamingawan nga ginkampohan ni Moises didto han baraan nga bukid hira Jetro ngan an asawa ni Moises ngan an duha niya nga mga anak.

Exodo 3:1

Usa ka adlaw, han nagmamangno hi Moises han mga karnero ngan mga kanding ni Jetro nga iya ugangan nga lalake, nga padi han Madian, igintabok niya ha kamingawan an panon, ngan inmabot hiya didto ha Sinai, an baraan nga bukid.

Exodo 3:13

Kundi binmaton hi Moises, “Kon kumadto ako han mga Israelita ngan sumiring ako ha ira, ‘Ginsugo ako han Dyos han iyo kaapoy-apoyan nganhi ha iyo,’ mapakiana hira ha akon, ‘Ano an iya ngaran?’ ano man an akon igsusumat ha ira?”

Exodo 33:14

Nagsiring an Ginoo, “Maupod ako ha imo ngan ihahatag ko ha imo an pagdarag-an.”

Exodo 4:12

Hala, kadto na! Bubuligan ko ikaw hin pagyakan ngan susumatan ko ikaw han imo igyayakan.”

Exodo 4:15

Makakaghimangraw ka ha iya ngan makakagsumat ha iya kon ano an igsisiring. Bubuligan ko kamo nga duha hin pagyakan, ngan susumatan ko kamo kon ano an iyo pagbubuhaton.

Exodo 8:27

Kinahanglan lumakat kami hin tulo ka adlaw ngadto han kamingawan hin paghalad ha Ginoo nga amon Dyos, hin mga halad nga tinubod sumala han iya iginsugo ha amon.”

Isaias 37:30

Niyan nagsiring hi Isaias kan Hadi Ezequias, “Iini in tigaman han mahinanabo. Yana nga tuig ngan han sunod an imo pagkaon amo an bunga han tanom nga tinmurok la ha tuna ngan waray mo pagtamna, kundi han sunod nga tuig makakagpugas ka na ngan pag-aanihon mo, ngan makakagtanom ka hin ubas ngan an mga bunga hini amo an imo kakaonon.

Isaias 41:10

Ayaw kamo kahadlok—kaupod ako niyo! Ako amo an iyo Dyos—ayaw kamo kaawod! Pakukusgon ngan bubuligan ko kamo; pananalipdan ngan tatalwason ko kamo.

Isaias 43:2

Kon maglatas ka hin higlarom nga katubigan, maupod ako ha imo; diri ka malulumos han imo mga kakurian. Kon umagi ka hin kalayo, diri ka masusunog; diri makakadaot ha imo an naabot nga magkuri nga mga pagsulay.

Isaias 7:14

Sanglit an Ginoo ngahaw an mahatag ha iyo hin tigaman: Mag-aanak hin lalake in usa nga burod nga daragita ngan pagngangaranan hiya nga ‘Emmanuel’.

Jeremias 1:8

Ayaw kahadlok ha ira, kay aada ako ha imo hin pagpanalipod ha imo. Ako nga Ginoo an nagyakan!”

Numero 16:28

Nagsiring hi Moises han mga tawo, “Amo ini an paagi nga hibabaroan niyo nga ginsugo ako han Ginoo hin pagbuhat hini ngatanan nga mga butang ngan diri ini akon kalugaringon nga pagbuot nga gintuman ko ini.

Numero 23:21

Hinkikit-an ko nga daan nga an kabubwason han Israel Diri magdadara ha iya hin kapakyasan o kasamokan. Upod ha ira an Ginoo nga ira Dyos; Iginsasangyaw nira nga hiya amo an ira hadi.

Mateo 28:20

ngan tutdoi hira hin pagtuman han ngatanan nga akon iginsugo ha iyo. Ngan hinumdomi! Dayuday ako maupod ha iyo ha ngatanan nga katuigan tubtob ha katapos han kalibutan.”

Marcos 16:20

Nagkalakat an mga tinun-an ngan nagwali ha ngatanan nga dapit. An Ginoo kaupod nira dida ha ira mga buhat ngan an ira iginwali ginpadig-on pinaagi han mga milagro nga ira ginbuhat.] [

Mga Buhat 11:21

Nakada ha ira an gahom han Ginoo, ngan tinmoo in damo kaupay nga mga tawo, ngan nakabig hira ngadto ha Ginoo.

Mga Buhat 7:7

Kundi sisirotan ko an mga tawo nga pagsisirbehan nira, ngan katapos, magawas hira hito nga tuna ngan magsisingba hira ha akon dinhe hini nga dapit.’

Mga Taga-Roma 8:31

Ano pa man an aton masisiring mahitungod hini ngatanan? Kon naugop ha aton an Dyos, hin-o pa man in matipa ha aton?

Deuteronomio 31:23

Niyan naghimangraw an Ginoo kan Josue nga anak ni Nun ngan ginsiring hiya, “Pagmaisog ngan pagpakalalake. Magmamangulo ka han mga tawo han Israel ngadto han tuna nga iginsaad ko ha ira ngan maupod ako ha imo.”

Hebreo 13:5

Ayaw kamo paghigugma han kwarta, ngan makontento kamo han aada na ha iyo. Kay nagsiring an Dyos, “Diri ko kamo babayaan; diri ko gud kamo tatalikdan.”

Josue 1:5

Josue, samtang nga buhi ka pa, waray gud makakadaog ha imo. Maupod ako ha imo sugad han akon pag-upod kan Moises. Dayuday maupod ako ha imo; diri gud ako mabaya ha imo.

Mga Maghurukom 6:12

Pinmakita ha iya didto an anghel han Ginoo ngan nagsiring, “Aada ha imo an Ginoo, ikaw nga maisog ngan kusgan nga tawo!”

Mga Maghurukom 6:16

Nagbaton an Ginoo, “Makakahimo ka hini kay bubuligan ko ikaw. Dudugmokon mo an mga Madianitanhon sugad kamasayon hin pagdugmok mo hin usa la hira ka tawo.”

Mga Maghurukom 6:17

Binmaton hi Gideon, “Kon nalilipay ka ha akon, tagi ako hin tigaman nga ikaw amo an Ginoo.

Mga Maghurukom 6:21

Niyan ikinuhit han anghel han Ginoo an kataposan han iya tungkod han karne ngan han tinapay. Ginmawas in kalayo tikang han bato ngan gintubod an karne ngan an tinapay. Katapos waray na hikit-i an anghel.

Mga Maghurukom 7:11

Makakabati ka han ira hirohimangraw ngan madadasig ka hin pagsulong.” Sanglit linmugsong hira Gideon ug Pura nga iya surugoon ngadto ha ligid han kampo han kaaway.

1 Samuel 14:10

Kundi kon padaopon kita nira, makadto kita, kay usa ini nga tigaman nga iginhatag ha aton han Ginoo an pagdarag-an kontra ha ira.”