Exodo 3:11 - Samarenyo Meaning-Based Bible (1984)

¹¹ Kundi nagsiring han Dyos hi Moises, “Diri man ako kinikilala. Uunanhon ko hin pagkadto han hadi ngan pagpagawas han mga Israelita tikang ha Ehipto?”

Exodo 3:11 Iomraidhean Croise

2 Samuel 7:18

Niyan sinmulod hi David han Tulda han Ginoo, linmingkod, ngan nag-ampo hiya, “Diri ako takus, bisan ngani an akon panimalay han imo na ginbuhat ha akon, O Ginoo nga Dyos.

1 Hadi 3:7

O Ginoo nga Dyos, ginpasaliwan mo ako han akon amay hin pagkahadi, bisan kon bata pa ako ngan diri pa maaram hin pagpangulo hin mga tawo.

1 Hadi 3:9

Sanglit tagi ako han kinaadman nga akon kinahanglan hin matadong nga pagdumara han imo mga tawo ngan hin pakasabot kon ano an maupay ug maraot. Kay kon diri, uunanhon ko hin pakagpangulo hini nga imo damo nga mga tawo?”

1 Cronicas 29:14

“Kundi, ha pagkatinuod, an akon mga tawo ug ako diri makakahatag ha imo, kay an ngatanan hatag man nimo ha amon, ngan amon la ibinabalik ha imo an imo ginhatag ha amon.

Exodo 6:12

Kundi binmaton hi Moises, “Diri ngani namamati ha akon an mga Israelita, asay pa ba an hadi? Maluya gud ako nga magyanakan.”

Jeremias 1:6

Binmaton ako, “O Ginoo nga Dyos, diri ako maaram magyakan; batan-on pa ako kaupay.”

2 Mga Taga-Corinto 2:16

Nakakamatay ini nga baho para han mga mawawara; kundi nagdadara ini hin alimyon hin kinabuhi para han mga matatalwas. Sanglit hin-o man an makakahimo hini nga buruhaton?

2 Mga Taga-Corinto 3:5

Kon ha amon la kalugaringon waray kami sadang ipakita nga makakahimo kami hini nga buruhaton; natikang la han Dyos an amon pagkatakos hin pagbuhat.

Mga Maghurukom 6:15

Binmaton hi Gideon, “Kundi, Ginoo, uunanhon ko hin pakatalwas han Israel? An akon banay amo an giluluyahi dida han tribo ni Manases, ngan ako an giuubosi nga sakop han akon panimalay.”

1 Samuel 18:18

Binmaton hi David, “Hin-o man ako ngan ano gud an akon panimalay nga magin umagad ako han hadi?”