Exodo 3:10 - Samarenyo Meaning-Based Bible (1984)

¹⁰ Yana sinusugo ko ikaw ngadto han hadi han Ehipto basi makagmando ka han akon mga tawo hin paggawas tikang han iya nasod.”

Exodo 3:10 Iomraidhean Croise

Genesis 15:13

Nagsiring ha iya an Ginoo, “An imo mga tulin mahihimo nga mga lumalangyaw didto hin lain nga tuna; maooripon hira didto ngan pagtatalumpigoson hira sulod hin 400 ka tuig.

Genesis 15:14

Kundi pagkakastigohon ko an nasod nga mag-ooripon ha ira, ngan kon bumaya na hira hito nga nag-oripon ha ira nga tuna, magdadara hira hin damo nga mga manggad.

Mga Salmo 105:26

Iya surugoon nga Moises ginsugo, ngan Aaron nga ginpili ginpakadto;

Mga Salmo 77:20

daw hin bantay katawhan im' ginmandoan, kan Moises, Aaron nga im' tinaporan.

Exodo 12:40

Nag-ukoy an mga Israelita didto ha Ehipto sulod hin 430 ka tuig.

Exodo 12:41

Dida han adlaw han katapos na han 430 ka tuig, binmaya han Ehipto an ngatanan nga mga tribo han mga tawo han Ginoo.

Exodo 33:12

Nagsiring hi Moises ha Ginoo, “Matuod gad nga ginsiring mo ako nga ako an magmamando hini nga mga tawo ngadto hito nga tuna, kundi waray mo ako pagsumati kon hin-o an imo paupdon ha akon. Nagsiring ka nga nakilala ka ha akon hin maupay ngan nalilipay ka ha akon.

Exodo 33:13

Yana, kon nalilipay ka ha akon, pagsumati ako han imo mga nahuhunahunaan, basi makag-alagad ako ha imo ngan magpadayon hin pagpahalipay ha imo. Hinumdomi liwat nga ginpili mo na ini nga nasod nga imo kalugaringon.”

Exodo 6:26

Amo ini hira Aaron ug Moises an ginsiring han Ginoo, “Kamo an magdudumara han mga tribo han Israel hin paggawas han Ehipto.”

Oseas 12:13

Nagsugo hin manaragna an Ginoo hin pagtalwas han katawhan han Israel tikang han pagkaoripon didto ha Ehipto ngan hin pagmangno ha ira.

Miqueas 6:4

Ginpagawas ko kamo ha Ehipto. Gintalwas ko kamo han pagkaoripon. Ginsugo ko hira Moises, Aaron, ug Miriam hin pagmando ha iyo.

Mga Buhat 7:34

Hinkit-an ko an mapait nga pag-antos han akon mga tawo didto ha Ehipto, ngan hinbatian ko an ira mga araba, sanglit linmusad ako hin pagtalwas ha ira. Hala na, ipapadara ko ikaw ngadto ha Ehipto.’

Mga Buhat 7:36

Nangulo hiya han mga tawo hin paggawas ha Ehipto ngan nagbuhat hiya hin mga milagro ngan mga urosahon didto ha Ehipto ngan ha Dagat nga Pula, ngan didto ha kamingawan sulod hin 40 ka tuig.

Mga Buhat 7:6

Amo ini an siring han Dyos ha iya: ‘Mag-uokoy an imo mga tulin didto ha langyaw nga tuna diin magigin mga oripon ngan pagraraogdaogon hira sulod hin 400 ka tuig.

Mga Buhat 7:7

Kundi sisirotan ko an mga tawo nga pagsisirbehan nira, ngan katapos, magawas hira hito nga tuna ngan magsisingba hira ha akon dinhe hini nga dapit.’

Mga Maghurukom 6:14

Niyan ginsugo hiya han Ginoo, “Lakat ngan gamita an bug-os mo nga kusog ngan talwasa an Israel ha mga Madianitanhon. Ako ngahaw an nagsusugo ha imo.”

1 Samuel 12:6

Nagpadayon hi Samuel, “An Ginoo amo an nagpili kanda Moises ug Aaron, ngan amo hiya an nagdara han iyo kaapoy-apoyan tikang ha Ehipto.

1 Samuel 12:8

Han pagkadto ha Ehipto ni Jacob ngan han iya panimalay gintalumpigos hira han mga Ehiptohanon. Nagsangpit han Ginoo hin pakibulig an iyo kaapoy-apoyan. Ginsugo niya hira Moises ug Aaron hin pagdara ha ira tikang ha Ehipto ngan ginpahimutang hira dinhe hini nga tuna.