Exodo 3:1 - Samarenyo Meaning-Based Bible (1984)

¹ Usa ka adlaw, han nagmamangno hi Moises han mga karnero ngan mga kanding ni Jetro nga iya ugangan nga lalake, nga padi han Madian, igintabok niya ha kamingawan an panon, ngan inmabot hiya didto ha Sinai, an baraan nga bukid.

Exodo 3:1 Iomraidhean Croise

1 Hadi 19:19

Linmakat hi Elias ngan hin-agian niya hi Eliseo nga nag-aarado upod in 12 ka padis nga baka; 11 ka padis an nag-uuna ha iya ngan nag-aarado hiya upod han kataposan nga padis. Ginhubo ni Elias an iya kurugpos ngan iginsablay ini kan Eliseo.

1 Hadi 19:8

Binmuhat hi Elias, kinmaon ngan inminom, ngan linmaksi ngan nagmakusog hiya ngan nakailob hiya hin pagbaktas hin 40 ka adlaw ngadto ha Sinai, an baraan nga bukid.

Mga Salmo 106:19

Ha Horeb naghimo hin nati nga bulawan, ngan ginsingba nira ini nga ladawan.

Exodo 17:6

Matindog ako ha imo atubangan dida hin usa nga bato didto ha Bukid Sinai. Balbaga an bato ngan maawas tikang hini in tubig nga irimnon para han mga tawo.” Ginbuhat ini ni Moises ha atubangan han mga pangulo han Israel.

Exodo 18:12

Niyan gindara ni Jetro in usa nga halad nga pagtutuboron hin bug-os, ngan iba pa nga mga halad para han Dyos; ngan inmupod ha iya hi Aaron ngan an ngatanan nga mga pangulo han Israel hin pakigsaro han baraan nga pangaon nga usa nga buhat hin pagsingba han Dyos.

Exodo 19:11

ngan maandam hira para sangbuwas nga adlaw. Dida hito nga adlaw malusad ako ngada ha Bukid Sinai diin hikikit-an ako han ngatanan nga mga tawo.

Exodo 19:3

ngan sinmagka han bukid hi Moises hin pakigkita han Dyos. Nagtawag an Ginoo kan Moises tikang han bukid ngan pinapaghimangraw hiya ha mga Israelita nga mga tulin ni Jacob hin pagsiring:

Exodo 2:18

Han pagbalik nira ngadto han ira amay, nagpakiana hiya, “Kay ano nga timprano pa man kamo manguli yana nga adlaw?”

Exodo 2:21

Sanglit didto hi Moises pag-ukoy, ngan iginpaasawa ha iya ni Jetro hi Sefora nga iya anak.

Exodo 24:13

Nag-andam hira Moises ug Josue nga iya kabulig ngan nagtikang hi Moises hin pagsagka han baraan nga bukid.

Exodo 3:12

Binmaton an Dyos, “Maupod ako ha imo, ngan kon pagpagawson mo na an mga tawo tikang ha Ehipto, magsisingba kamo ha akon dinhe hini nga bukid. Amo ito an magpapamatuod nga ako an nagsugo ha imo.”

Exodo 3:5

Nagsiring an Dyos, “Ayaw na pagduruduok pa ngadi. Hukasa an imo sandalyas kay natukdaw ka dida hin baraan nga tuna.

Exodo 33:6

Sanglit waray na magsul-ot hin mga alahas an mga tawo han Israel tikang hira bumaya han Bukid Sinai.

Exodo 4:18

Binmalik hi Moises ngadto kan Jetro nga iya ugangan nga lalake ngan nagsiring ha iya, “Tugoti gad ako hin pagbalik ngadto han akon kauropdan didto ha Ehipto hin panginano kon mga buhi pa hira.” Tinmugot hi Jetro ngan nanamilit hiya kan Moises.

Exodo 4:27

Hini ngahaw nga takna nagsiring kan Aaron an Ginoo, “Pakadto ha kamingawan hin pagtapo kan Moises.” Sanglit kinmadto hi Aaron hin pagtapo kan Moises didto han baraan nga bukid; ngan han pagkatapo na nira, ginhadkan ni Aaron hi Moises.

Amos 1:1

Amo ini an mga pulong ni Amos nga magmarangno hin mga karnero nga taga bungto han Tecoa. Iginpadayag han Dyos ngadto kan Amos ini ngatanan nga mga butang mahitungod han Israel, duha ka tuig han waray pa an linog ha panahon nga hi Oseas amo an hadi han Juda ngan hi Jeroboam nga anak ni Joas amo an hadi han Israel.

Malaquias 4:4

“Hinumdomi niyo an mga pagturon-an han akon surugoon nga hi Moises, an mga balaod ngan mga sugo nga ginhatag ko ha iya didto ha Bukid Sinai, basi pagsugton han ngatanan nga mga tawo han Israel.

Numero 10:29

Nagsiring hi Moises kan Hobab nga iya bayaw, nga anak ni Jetro nga taga-Midian, “Tikadto na kami han dapit nga ginsiring han Ginoo nga iya ighahatag ha amon. Nagsaad ha amon an Ginoo nga pauuswagon niya an Israel, sanglit upod ha amon kay babahinan ka namon.”

Numero 10:33

Han pagbaya han mga tawo han Sinai nga baraan nga bukid, nagkalakat hira hin tulo ka adlaw. Dayuday nag-una ha ira an Kahon han Ginsaaran han Ginoo hin pagbiling hin dapit nga pagkakampohan nira.

Lucas 2:8

May mga magmarangno hin karnero didto hadto nga dapit nga nag-aagma ha bug-os nga gab-i didto han kaumhan hin pagmangno han ira mga panon.

Mga Buhat 7:30

“Pag-agi hin 40 ka tuig, nagpakita kan Moises in usa nga anghel dida hin naglalaga nga tanom, didto ha kamingawan hirani han Bukid Sinai.

Deuteronomio 1:2

Onse ka adlaw an pagbaktas tikang ha Bukid Sinai ngadto ha Cades Barnea kon aadto aagi han sagkahon nga nasod han Edumea.)

Deuteronomio 1:6

“Han nakadto pa kita ha Bukid Sinai, nagsiring ha aton an Ginoo nga aton Dyos, ‘Maiha na an iyo pag-inukoy dinhe hini nga bukid.

Deuteronomio 4:10

mahitungod han adlaw han pagtukdaw niyo ha atubangan han Ginoo nga iyo Dyos didto ha Bukid Sinai, han pagsiring ha akon han Ginoo, ‘Tiroka an mga tawo. Karuyag ko nga mamati hira han akon igsisiring, basi mahibaro hira hin pagsugot nga matinahuron ha akon samtang buhi pa hira, ngan basi pagtutdoan nira an ira mga anak hin pagsugot ha akon.’

Mga Maghurukom 4:11

Hini nga panahon gintindog ni Heber nga Kenitanhon an iya tulda duok ha Cades nga hirani han tuog nga kahoy didto ha Zaananim. Pinmahirayo hiya han iba nga mga Kenitanhon nga mga tulin ni Hobab nga bayaw ni Moises.

1 Samuel 16:11

Niyan nagpakiana ha iya hi Samuel, “May-ada ka pa ba iba nga anak nga kalalaken-an?” Binmaton hi Isai, “May-ada pa gimamanghori, kundi aadto hiya nagmamangno han mga karnero.” Nagsiring hi Samuel, “Pakanhia hiya. Diri kita maghahalad ngada han iya pag-abot.”