Exodo 27:3 - Samarenyo Meaning-Based Bible (1984)

³ Paghimo hin mga surudlan hin mga agbon, mga sokwat, mga palanggana, mga iturugsok, ngan mga sangga hin mga baga hin kalayo. Kinahanglan mga bronse ini ngatanan nga mga garamiton.

Exodo 27:3 Iomraidhean Croise

1 Hadi 7:40

Naghimo liwat hi Hiram hin mga daba, mga pala, ngan mga makaong. Ginhuman niya an ngatanan niya nga mga buruhaton han Templo han Ginoo para kan Hadi Solomon. Amo ini an iya pinanhimo: An duha nga mga harigi An duha nga mga uloulo nga dagway hin makaong ha bawbaw han mga harigi An adorno hin hinukot nga mga kadena han kada uloulo han mga harigi An 400 nga bronse nga mga granada, hin duha ka rumbay nga tag 100 an kada usa palibot han adorno ha kada uloulo han mga harigi An 10 nga mga karomata An 10 nga mga palanggana An tangke An 12 nga mga tudo nga baka nga nahawid han tangke An mga daba, mga pala, ngan mga makaong. Puros pinainggat nga bronse ini ngatanan nga mga garamiton han Templo, nga ginhimo ni Hiram para kan Hadi Solomon.

1 Hadi 7:50

an mga kopa, mga igpaparong hin lampara, mga makaong, mga surodlan hin insyenso, ngan an mga sangga nga ginagamit hin pagdara hin mga baga; ngan an mga bisagra para han mga porta han Labi Kabaraan nga Dapit ngan han garugawas nga mga porta han Templo. Hinimo hin bulawan ini ngatanan nga mga kasangkapan.

2 Hadi 25:14

Ginkuha liwat nira an mga pala ngan an mga surudlan hin agbon nga ginagamit hin paglimpyo han altar, an mga garamiton nga ginagamit hin pag-andam han mga suga, an mga makaong nga ginagamit pagsalod han dugo han mga halad nga tinubod, an mga makaong nga ginagamit pagsunog hin insyenso, ngan an iba pa nga bronse nga mga butang nga ginagamit hin pag-alagad ha Templo.

2 Hadi 25:15

Ginkuha nira an ngatanan nga hinimo hin bulawan ug salapi, lakip an gudti nga mga makaong ngan an mga karaha nga ginagamit hin pagdara hin mga baga.

1 Cronicas 28:17

Gintutdoan liwat niya hira kon ano kadamo nga tunay nga bulawan an magagamit hin paghimo hin mga tinidor, mga makaong, mga tadyaw ngan amo kadamo nga salapi ngan bulawan para hin paghimo han mga plato,

2 Cronicas 4:11

Naghimo liwat hi Hiram hin mga daba, mga pala, ngan mga makaong. Ginhuman niya an ngatanan nga mga garamiton nga iginsaad niya kan Hadi Solomon nga iya hihimoon para han Templo: An duha nga mga harigi An duha nga mga uloulo nga dagway hin makaong ha bawbaw han harigi An adorno hin hinokot nga mga kadena ha kada uloulo An 400 nga bronse nga mga granada nga iginpila hin duha ka rungbay palibot han adorno han kada uloulo An napulo nga mga karomata An napulo nga mga palanggana An tangke An dose nga mga tudo nga baka nga nahawid han tangke An mga daba, mga pala, ngan mga tinidor Ginhimo ni Hiram nga batid nga paragtrabaho ini ngatanan nga mga garamiton tikang hin pinainggat nga bronse sumala han iginsugo ni Hadi Solomon nga gagamiton ha Templo han Ginoo.

Exodo 24:6

Kinuha ni Moises an katunga han dugo han mga hayop ngan iginsulod ini dida han mga makaong; ngan an nahisalin nga katunga iginsablig niya ngada han altar.

Exodo 27:19

Kinahanglan bronse an ngatanan nga garamiton nga ginagamit didto han Tulda, ngan an ngatanan nga mga usok para han Tulda ngan para han alad.

Exodo 27:2

Himoi ini hin mga sungaysungay ha bawbaw han upat nga mga kanto. Himoa ini nga unay han altar, ngan putsa hin bronse ini ngatanan.

Exodo 27:4

Paghimo hin rehas nga hinukot nga bronse ngan butangi ini hin upat nga mga maglidong nga sulpotan nga bronse dida han mga kanto hini.

Exodo 38:3

Ginhimo liwat niya an ngatanan nga kasangkapan para han altar: an mga surudlan hin agbon, an mga sakwat, an mga palanggana, an mga iturugsok, ngan an mga sangga hin mga baga hin kalayo. Bronse ini ngatanan nga kasangkapan.

Levitico 16:12

makuha hiya hin usa nga surudlan nga puno hin mga baga tikang ha altar ngan hin duha ka harop nga mahamot nga insyenso ngan pagdadad-on ini ngadto han Labi ka Baraan nga Dapit.

Numero 4:14

Ibubutang nira dida hini an ngatanan nga mga kasangkapan nga ginagamit ha pag-alagad didto han altar: mga karaha, mga iturugsok, mga pala, ngan mga palanggana. Niyan babawbawan ini nira hin tahob nga anit nga pino ngan igsusul-ot an mga parasgan.