Exodo 27:1 - Samarenyo Meaning-Based Bible (1984)

¹ “Paghimo hin usa nga altar tikang hin akasya nga kahoy. Kinahanglan kwadrado ini nga 2.2 ka metros an kahilaba, 2.2 ka metros an kahilapad, ngan 1.3 ka metros an kahitaas.

Exodo 27:1 Iomraidhean Croise

2 Samuel 24:18

Hito ngahaw nga adlaw kinmadto kan David hi Gad ngan nagsiring ha iya, “Sagka ngadto ha giriokan ni Arauna ngan pagtindog hin altar para han Ginoo.”

2 Hadi 16:14

Nakada ha butnga han bag-o nga altar ngan han Templo an bronse nga altar nga iginhalad ngadto han Ginoo, sanglit ginbalhin ini ni Acas ngadto ha amihanan nga ligid han iya bag-o nga altar.

1 Cronicas 6:49

Hi Aaron ug an iya mga tulin amo an nagdara han mga halad hin insyenso ngan amo an naghalad han mga hayop nga tutuboron nga ginsusunog didto ha altar. Hira an may-ada katungdanan hin pag-alagad han ngatanan nga pagsingba didto han Labi Kabaraan nga Dapit ngan han mga hayop nga tutuboron nga ginagamit han Dyos hin pagpasaylo han mga sala han Israel. Gintuman nira ini sumala han lagda nga iginhatag kan Moises, an surugoon han Dyos.

2 Cronicas 4:1

Ginpahimo ni Hadi Solomon in bronse nga altar nga siyam ka metros ka kwadrado ngan 4 1/2 ka metros an kahitaas.

Esdras 3:2

ngan gintindog na liwat an altar han Dyos han Israel nira Josue nga anak ni Josadac, ngan han iya igkasi kapadian, ngan ni Sorobabel nga anak ni Salatiel, upod an iya kauropdan, basi hira makaghalad dida hin mga hayop nga tutuboron sumala han mga tugon nga ginsurat ha Balaod ni Moises nga pinili han Dyos.

Exodo 17:15

Nagtindog hi Moises hin usa nga altar ngan ginngaranan ini nga “An Ginoo amo an akon Bandera.”

Exodo 24:4

Iginsurat ni Moises an ngatanan nga mga sugo han Ginoo. Temprano pa han pagkaaga nagtindog hiya hin usa nga altar didto ha ubos han bukid ngan nagbutang hin 12 nga mga bato, nga natindog han 12 nga mga tribo han Israel.

Exodo 31:9

an altar nga para han mga halad nga tutuboron ngan an ngatanan nga sangkapan hini, an palanggana nga hurunawan ngan an tungtongan hini,

Exodo 35:16

an altar nga surunogon han mga halad, upod hini an isinusumpay nga rehas nga bronse, an mga parasgan ngan an ngatanan nga kasangkapan hini; an palanggana nga hurunawan ngan an tungtongan hini;

Exodo 39:39

an altar nga bronse upod an rehas hini, an mga parasgan, ngan an ngatanan nga kasangkapan hini; an palanggana nga hurunawan ngan an mga tungtongan hini;

Exodo 40:10

Igsunod paghalad an altar ngan an ngatanan nga kasangkapan hini pinaagi hin pagdihog han altar ngan mababaraan gud ini.

Exodo 40:29

ngan iginbutang niya atubangan han biray an altar nga pagtutuboran han mga halad. Iginhalad niya dida hini an halad nga tinubod ngan an halad nga pagkaon, sumala han iginsugo han Ginoo.

Exodo 40:6

Igbutang ha atubangan han Tulda an altar nga pagtutuboran hin mga halad.

Numero 3:31

May katungdanan hira han Kahon han Ginsaaran, han lamesa, han kandilero, han mga altar, han mga garamiton nga ginagamit han kapadian didto han Baraan nga Dapit, ngan han biray dida han agian ngadto han Labi ka Baraan nga Dapit. May katungdanan hira han ngatanan nga pag-alagad bahin hini nga mga butang.

Numero 4:13

Kukuhaon nira an agiw tikang han altar ngan tatahoban ini hin dugnit nga mapulapula.

Numero 4:14

Ibubutang nira dida hini an ngatanan nga mga kasangkapan nga ginagamit ha pag-alagad didto han altar: mga karaha, mga iturugsok, mga pala, ngan mga palanggana. Niyan babawbawan ini nira hin tahob nga anit nga pino ngan igsusul-ot an mga parasgan.

Hebreo 13:10

An mga padi nga nag-aalagad didto han arampoan han mga Judiyo waray katungod hin pagkaon han mga hinalad ha aton altar.