Exodo 26:3 - Samarenyo Meaning-Based Bible (1984)

³ Takiptakipa hin pagtahi an lima ka tinabas, ngan sugad man an lain nga lima nga tinabas.

Exodo 26:3 Iomraidhean Croise

Exodo 26:2

Himoa an kada tinabas nga 12 ka metros an kahilaba ngan duha ka metros an kahilapad. Kinahanglan pareho kadagko an kada tinabas.

Exodo 26:4

Himoi hin mga tarutalinga nga asul nga dugnit dida han sidsid han gawas nga tinabas han kada usa nga tinakip.

Exodo 26:9

Taragkipa hin pagtahi an lima hini ngadto hin usa nga tinakip, ngan sugad man an lain nga unom ngadto hin lain nga tinakip. Piloa hin doble an ikaunom nga tinabas ngadto ha atubangan han Tulda.

Exodo 36:10

Gintaragkip nira pagtahi an lima nga tinabas ngan sugad man an lain nga lima nga tinabas.

Juan 17:21

Nag-aampo ako nga magkaurosa unta hira ngatanan. Amay, mahiusa unta hira ha aton, sugad gud nga aadi ka ha akon ngan aada ako ha imo, basi tumoo an kalibutan nga ikaw an nagsugo ha akon.

1 Mga Taga-Corinto 12:4

May-ada magkalainlain nga espirituhanon nga mga hatag, kundi amo la ngahaw nga Espiritu an nahatag.

Mga Taga-Efeso 4:16

Ha ilarom han iya pagbuot, nahimumutang hin maupay an ngatanan nga magkalainlain nga bahin han lawas, ngan nagkakaturugkop an bug-os nga lawas pinaagi han tagsa nga kaluluthan nga iginbutang para hini nga tuyo. Sanglit kon nagbubuhat an tagsa nga bahin han iya katungdanan, natubo ngan nagmamakusog an bug-os nga lawas pinaagi hin gugma.

Mga Taga-Colosas 2:19

ngan inmundang na hiya hin pakig-usa kan Cristo nga amo an ulo. Ha ilarom han pagdumara ni Cristo nabubuhi an bug-os nga lawas ngan nagkakaurosa pinaagi han mga kalulothan ngan mga kaugatan, ngan natubo an lawas sugad han karuyag han Dyos.

Mga Taga-Colosas 2:2

Ginbubuhat ko ini basi madasig an ira mga kasingkasing, ngan magkaurosa hira hin paghigugma, ngan maangkon nira an bug-os nga karig-onan nga gindadara han matuod nga pagsinabtanay. Ngan dida hini makilala hira han sekreto han Dyos nga amo hi Cristo ngahaw.