Exodo 23:3 - Samarenyo Meaning-Based Bible (1984)

³ Ayaw kamo pagpakita hin pagdapig hin usa nga kablasanon dida han iya bista.

Exodo 23:3 Iomraidhean Croise

Exodo 23:6

“Ayaw niyo iglirong an katadongan ngadto hin usa nga kablasanon kon naatubang hiya han hukmanan.

Mga Darahonon 18:5

Diri matadong nga ugopan an mga salaan ngan diri pagtagan han ira katadongan adton mga waray sala.

Mga Darahonon 22:22

Ayaw singabot han mga kablas tungod la nga makakahimo ka hini; ayaw pahimulosi adton mga makalolooy didto ha hukmanan.

Isaias 10:1

Maghihikaraot kamo! Naghihimo kamo hin diri magtadong nga mga balaod nga nagtatalumpigos han akon mga tawo.

Levitico 19:15

“Pagtangkod ngan pagmatadong kamo kon nagtutuhay kamo hin mga sumbong; ayaw kamo pagpakita nga nagapil kamo han mga kablas o nga nahadlok han mga riko.

Amos 5:12

Maaram ako nga makalilisang an iyo mga sala ngan damo an mga pagtalapas nga iyo nabuhat. Ginpapakurian niyo an mag-upay nga mga tawo, kinakarawat niyo in mga hukip, ngan ginpupugngan niyo an mga kablas hin pag-angkon hin katadongan didto han mga hukmanan.

Deuteronomio 1:17

Ayaw kamo pagpakita hin pagpaurog ha iyo mga paghukom; paghukmi an ngatanan hin amo ngahaw nga patakaran bisan kon hin-o hiya. Ayaw kahadlok bisan kan kanay kay tikang ha Dyos an iyo mga paghukom. Kon may kalipongan nga makuri gud para ha iyo, dad-a ini ngadi ha akon ngan ako an maghuhukom hini.’

Deuteronomio 16:19

Kinahanglan matadong hira ngan diri magpakita nga may-ada hira pinalabi dida han ira mga paghukom; ngan diri hira kumarawat hin mga hukip, kay nakakabuta an mga regalo bisan han makinaadmananon ngan tangkod nga mga tawo, ngan nakakaaghat ha ira hin paghatag hin diri matadong nga mga paghukom.

Santiago 3:17

Kundi una han ngatanan, putli an kinaadman nga tikang sa Dyos: malinawon, mapuangoron, ngan makisasangkayon; puno hin pagkalooy ngan nabunga hin mag-upay nga mga buhat; waray pinalabi ngan diri malabyaw.