Exodo 23:1 - Samarenyo Meaning-Based Bible (1984)

¹ “Ayaw kamo pagpasarang hin buwa nga mga hurobhurob, ngan ayaw kamo pagbulig hin salaan nga tawo pinaagi hin buwa nga pagsaksi.

Exodo 23:1 Iomraidhean Croise

Genesis 39:17

Niyan ginsumatan niya an agaron han amo manta nga sumat: “Sinmulod han akon kwarto ngan ginpasipad-an ako hito nga oripon nga Hebreohanon nga imo gindara nganhi.

2 Samuel 16:3

Nagpakiana ha iya an hadi, “Hain man hi Mefiboset nga apo ni Saul nga imo agaron?” “Aadto hiya ha Jerusalem,” binmaton hi Siba, “kay naghuhunahuna hiya nga ibabalik na ha iya han mga Israelita an ginhadian ni Saul nga iya apoy.”

2 Samuel 19:27

Ginbuwaan ka niya hiunong ha akon, Harangdon nga Hadi, kundi sugad ka hin anghel han Dyos, sanglit buhata an matadong ha imo.

Mga Salmo 101:5

Tawo nga matamay akon pupuohon, nga han iya sangkay naglilinibakon. Diri manta ako hin tawo mauyon, hadton parayawan ngan mapahitas-on.

Mga Salmo 120:3

Ano an bubuhaton han Dyos ha iyo nga mga buwaon? Uunanhon niya pagkastigo ha iyo?

Mga Salmo 15:3

an diri nayubit pagtamay han iba, diri nagdadaot kasangkayan niya, diri napasarang hin sumat nga buwa, ha mga kaamyaw, kahigrani niya.

Mga Salmo 27:12

Ayaw ako ha mga kaaway itubyan, buwa ug tarhog ha akon igpapukan.

Mga Salmo 35:11

Natestigo kontra ha akon an magraot nga mga tawo ngan isinusumbong ako hin mga sala nga waray ko gud labot.

Exodo 20:16

“Ayaw kamo pagsumbong hin buwa kontra han iyo igkasi-tawo.

Exodo 23:7

Ayaw paghimohimo hin buwa nga mga sumbong, ngan ayaw pagpataya in tawo nga waray sala, kay paghuhukman ko ha karat-an in bisan hin-o nga magbuhat hin sugad kamaraot nga butang.

Mga Darahonon 10:18

Buwaon hiya nga tawo, an nagtatago han iya pagdumot; lurong an bisan hin-o nga naglilibak.

Mga Darahonon 12:17

Kon nagsusumat ka han kamatuoran, natutuman an katadongan, kundi kon nagbibinuwa ka, gintatamay mo an pagkamatadong.

Mga Darahonon 14:5

An tangkod nga testigo dayuday nagsusumat han kamatuoran, kundi an diri kasasarigan nga testigo pagbinuwa la an nahihimo.

Mga Darahonon 17:4

Pinamamatian han magraot nga mga tawo an magraot nga mga hunahuna, ngan pinamamatian han mga buwaon an mga buwa.

Mga Darahonon 19:28

Waray katadongan kon nagtitinguha in usa nga testigo hin pagdaot hin tawo. An mga magraot naruruyag han karat-an.

Mga Darahonon 19:5

Kakastigohon ka kon magbuwa ka didto ha hukmanan—diri ka gud makakalikay.

Mga Darahonon 19:9

Diri makakalikay han kastigo an tawo nga nagbibinuwa didto ha hukmanan; maghihikaraot gud hiya.

Mga Darahonon 21:28

Diri tinutuod an buwaon nga testigo, kundi kinakarawat an pulong hin tawo nga naghuhunahuna anay hin maupay.

Mga Darahonon 24:28

Ayaw pagtestigo kontra hin tawo kon waray mo sadang pasikaran, o pagyakan hin malimbongon nga mga butang hiunong ha iya.

Mga Darahonon 25:18

An diri matuod nga sumbong sugad kamakamaratay hin espada, balbag, o matarom nga pana.

Mga Darahonon 25:23

An paglibak nagdadara hin kasina, sugad nga nagdadara hin uran an hangin nga amihan.

Jeremias 20:10

Hinbabatian ko nga nahuring an ngatanan, “Aada na ha ngatanan nga dapit an makaharadlok! Sanglit igsumbong ta hiya ngadto han mga punoan!” Bisan an akon suok nga kasangkayan naghuhulat han akon pagkapukan. “Bangin mabibitik ta hiya,” nasiring hira; “niyan madadakop ta hiya ngan makakabulos kita.”

Levitico 19:11

“Ayaw kamo pangawat o panlimbong o pagbuwa.

Levitico 19:16

Ayaw kamo pagpasarang hin mga buwa hin bisan hin-o ngan kon ginbibista in usa ka tawo tungod han iya kinabuhi, pagyakan kamo kon makakabulig ha iya an iyo pagpamatuod. Hi ako an Ginoo.

Mateo 19:18

“Ano nga mga sugo?” nagpakiana hiya. Nagbaton hi Jesus, “Diri ka magpatay; diri ka manlibog; diri ka mangawat; diri ka magbuwa;

Lucas 19:8

Tinmindog hi Saqueo ngan nagsiring han Ginoo, “Pamati, akon ihahatag ha mga pubre an katunga han akon manggad, ngan babaydan ko hin upat ka pilo kon may nalimbongan ko nga bisan hin-o.”

Lucas 3:14

Nagpakiana liwat ha iya in mga sondalo, “Hi kami, ano man in amon bubuhaton?” Ginsiring hira niya, “Ayaw kamo panikas pinaagi hin panarhog o pagbutangbutang. Ayaw kamo pag-uba han hatag ha iyo nga suhol.”

Juan 7:51

“Sumala han aton Balaod, diri kita makakaghukom hin tawo kon diri anay naton hibatian hiya ngan hikit-an kon ano an iya nabuhat.”

Mga Taga-Roma 3:8

Kay ano nga diri magbuhat hin maraot basi gumuwa an maupay? Ngani gintamay ako hin pira nga mga tawo pinaagi han pagsumbongan nira ha akon nga akon daw ini iginyakan! Paghuhukman hira ha karat-an kay amo ito an angay ha ira.

Mga Taga-Efeso 4:25

Sanglit ayaw na kamo pagbinuwa! Kinahanglan igsumat niyo an kamatuoran ngadto han iyo bugto, kay mga kaapi kita ngatanan han lawas ni Cristo.

Deuteronomio 5:20

“‘Ayaw kamo pagsumbong hin buwa kontra han iyo igkasi tawo.

2 Timoteo 3:3

waray hira pagpaid, waray pagkalooy, maaram hira magbiaybiay, mag-isog, ngan magdumot; mangangalas hira han maupay;

1 Pedro 3:16

Kundi buhata ito upod an pagkalumo ngan pagtahod ha iyo kasingkasing. Magmalinis unta an iyo konsensya, basi kon pagtamayon kamo, adton mga nagpapakaraot han iyo maupay nga ginawian sugad nga mga sumusunod ni Cristo mahikaawod han ira mga ginyayakan.

Ginpadayag 12:10

Niyan hinbatian ko in dako nga tingog didto ha langit nga nasiring, “Yana inmabot na an katalwasan tikang han Dyos! Yana iginpakita na han Dyos an iya gahom hin ka Hadi! Yana iginpakita na han iya Mesiyas an iya pagkagamhanan! Kay an natindog ha atubangan han Dyos ngan nagsumbong han aton kabugtoan adlaw gab-i ginpaiwas na ha langit.