Exodo 22:2 - Samarenyo Meaning-Based Bible (1984)

^2-4 Kinahanglan pagbaydan niya an iya kinawat. Kon waray hiya igbarayad, igbabaligya hiya hin kaoripon basi hiya makabayad han iya kinawat. Kon an kinawat nga hayop, ma baka, asno, o karnero, hiagian nga buhi dida ha iya, babaydan niya hin duha an usa nga iya kinawat. “Kon hidakpan in usa nga kawatan nga nasulod hin balay ha gab-i ngan patayon hiya, diri salaan hin pagpatay an nakamatay ha iya. Kundi kon mahinabo ini ha adlaw, salaan hiya hin pagpatay.

Exodo 22:2 Iomraidhean Croise

An Basahan ni Job 24:14

Ha kaagahon nabangon ngan nagawas an parapamatay hin pagpatay han pobre, ngan ha gab-i, nagawas hin pangawat.

An Basahan ni Job 24:16

Ha gab-i nasulod hin kabablayan an mga kawatan, kundi ha adlaw natago hira ngan nalikay han kapawa.

An Basahan ni Job 30:5

Gintabog hira han ngatanan pinaagi hin mga gogliat, sugad hin nagoliat hira ngadto hin mga kawatan.

Jeremias 2:34

Nadum-itan an iyo mga panapton han dugo han mga kablas ngan mga waray sala, diri han dugo han mga kawatan. “Kundi bisan pa hini ngatanan,

Oseas 7:1

“Ha akon karuyag hin pagtambal han akon katawhan nga Israel ngan pagtalinguha nga magmainuswagon na liwat hira, an akon la hinkikit-an amo an ira kamaraogdaog ngan an karat-an nga ira binubuhat. Nagpapalirulimbong hira, nasulod hira hin mga balay ngan nangangawat, naninikas hira hin mga tawo dida han kadalanan.

Joel 2:9

Dinadasdas nira an syudad; linulukso nira an mga pader; sinasaka nira an kabablayan, ngan nasulod hira dida han mga bintana sugad hin mga kawatan.

Numero 35:27

ngan kon hiagian hiya ngan patayon hiya han uropod han tawo nga namatay, diri salaan hin pagpatay an pagbulos hini nga tawo.

Mateo 24:43

Hinumdomi ini niyo: kon maaram la an amay han panimalay han takna han pag-abot han kawatan, mag-aagma manta hiya ngan diri matugot nga makasulod han iya balay an kawatan.

1 Mga Taga-Tesalonica 5:2

Kay maaram gud kamo ngahaw nga maabot an Adlaw han Ginoo sugad hin pag-abot hin kawatan ha kagab-ihon.

1 Pedro 4:15

Kon may-ada ha iyo mag-antos, diri tungod kay hiya parapatay hin tawo, o kawatan, o kriminal o makimasamok, o malabot han butang han iba.