Exodo 21:2 - Samarenyo Meaning-Based Bible (1984)

² Kon pumalit kamo hin oripon nga Hebreo, mag-aalagad hiya ha iyo sulod hin unom la ka tuig. Dida han ikapito ka tuig kinahanglan buhian hiya niyo nga waray pagbabaydan hin bisan ano.

Exodo 21:2 Iomraidhean Croise

Genesis 27:28

Tagan ka unta han Dyos hin tun-og tikang ha langit ngan himoon nga maglangbo an imo kaumhan! Tagan ka unta niya hin damo gud nga mga pagkaon ug bino!

Genesis 27:36

Nagsiring hi Esau, “Ikaduha na ini nga paglimbongi niya ha akon. Diri urosahon nga Jacob an iya ngaran. Ginkuha niya an akon mga katungod hin pagkasuhag nga anak, ngan yana ginkuha niya an akon bendisyon. Waray ka ba magsalin hin bendisyon para ha akon?”

2 Hadi 4:1

Kinmadto kan Eliseo an balo nga asawa hin usa han mga manaragna ngan nagsiring, “Patay na an akon bana! Maaram ka man nga tawo hiya nga mahadlokon han Dyos, kundi may nakadto ha akon nga tawo nga iya nautangan. Kinukuha niya an akon duha nga anak nga kalalaken-an basi maoripon nga bayad han utang han akon bana.”

Nehemias 5:8

ngan nagsiring ako, “Sugad han aton nahimo ginlukat naton an aton kabugtoan nga mga Judiyo nga nagbaligya ha ira ngahaw ngadto hin mga lumalangyaw. Yana iyo ginpipirit an iyo kalugaringon nga kabugtoan hin pagbaligya han ira kalugaringon ngada ha iyo nga ira igkasi mga Judiyo!” Nagmingaw an mga pangulo ngan waray gud hira sadang igyakan.

Exodo 12:44

kundi makakakaon hini in bisan hin-o nga oripon nga iyo pinalit, kon pagtorion hiya anay.

Exodo 21:3

Kon diri hiya inasaw-an han kaoripon niya, kinahanglan diri hiya magdadara hin asawa kon umiwas hiya. Kundi kon inasaw-an hiya nga daan han kahimo niya nga oripon niyo, makakahimo hiya hin pagdara han iya asawa.

Exodo 21:7

“Kon igbaligya hin usa ka tawo an iya anak nga babaye hin kaoripon, diri hiya bubuhian sugad han mga oripon nga kalalaken-an.

Levitico 25:54

Kon diri hiya pagbuhian ha bisan hain hini nga mga paagi, kinahanglan buhian hiya ngan an iya mga anak dida han Tuig han Pagpahioli.

Mateo 18:25

Tungod nga waray man hiya igo nga igbarayad han iya utang, nagsugo an iya agaron nga igbaligya hiya sugad nga usa nga oripon, upod an iya asawa ngan an iya kabataan, ngan an ngatanan nga iya hiagi, basi makabayad han utang.

1 Mga Taga-Corinto 6:20

mahal an paglukat ha iyo. Sanglit gamita niyo an iyo mga lawas hin pagpasidungog han Dyos.

Deuteronomio 15:1

“Ha katapos han kada ikapito ka tuig, kinahanglan paraon an ngatanan nga mga utang.

Deuteronomio 15:18

Ayaw pagpakita hin maraot nga buot kon buhian niyo in usa nga oripon; nag-alagad na man hiya ha iyo hin unom ka tuig, ngan an iya suhol katunga la hin kanan sinuholan nga surugoon. Tumana ini niyo ngan bebendisyonan kamo han Ginoo nga iyo Dyos ha ngatanan nga iyo pagbubuhaton.

Deuteronomio 31:10

Iya ginsugo hira, “Ha pagkatapos han kada pito ka tuig, kon maabot na an tuig hin pagpara han mga utang, basaha ini hin dako nga tingog dida han Pyesta han mga Payagpayag.