Exodo 21:1 - Samarenyo Meaning-Based Bible (1984)

¹ “Ighatag han mga Israelita inin nasunod nga mga balaod:

Exodo 21:1 Iomraidhean Croise

1 Hadi 6:12

“Kon tumanon mo an ngatanan ko nga mga balaod ngan mga sugo, pagbubuhaton ko ha imo an iginsaad ko kan David nga imo amay.

2 Cronicas 19:10

Kon an iyo igkasi mga tuminungnong tikang ha usa hini nga mga syudad may-ada sumbong bahin hin pagpatay o bisan ano nga pakasupak hin balaod o sugo, kinahanglan tugonon hin maupay niyo hira kon uunanhon nira hin pag-atubang han bista, basi diri hira makasala han Ginoo. Gawas kon buhaton ini niyo, aabaton niyo ngan han iyo igkasi mga tuminungnong an kasina han Ginoo. Kundi kon pagbuhaton niyo an iyo katungdanan, diri kamo makakasala.

Nehemias 10:29

naduyog han amon mga pangulo hin pagsumpa, nga sisiratan kami hin paghigabai kon pagsupakon namon ini; nga mag-uokoy kami hin kinabuhi sumala han Balaod han Dyos, nga iginhatag han Dyos pinaagi kan Moises nga iya surugoon; nga magsusugot kami han ngatanan nga iginsusugo ha amon han Ginoo nga amon Ginoo; ngan nga magtutuman kami han ngatanan niya nga mga balaod ngan mga turumanon.

Mga Salmo 147:19

Nahatag h'ya'n pulong ha iya katawhan, kan Israel mga balaod, tugon man.

Exodo 19:7

Sanglit linmugsong hi Moises ngan gintirok niya an mga pangulo han mga tawo ngan ginsumatan hira han ngatanan nga iginsugo ha iya han Ginoo.

Ezequiel 20:11

Iginhatag ko ha ira an akon mga sugo ngan gintutdoan ko hira han akon mga balaod nga nahatag hin kinabuhi han bisan kanay nga nagsusugot hini.

Ezequiel 20:25

“Niyan tinagan ko hira hin mga balaod nga diri mag-upay, ngan mga sugo nga diri nahatag hin kinabuhi.

Levitico 18:26

Ginbuhat nira ini ngatanan nga mangil-ad nga mga butang, ngan ginhugawan nira an tuna, kundi kinahanglan diri niyo pagbuhaton ini. Kinahanglan pagtumanon niyo ngatanan nga mga Israelita o mga lumalangyaw nga nag-uokoy tampo ha iyo an mga balaod ngan mga sugo han Ginoo,

Levitico 18:5

Pagsunda niyo an mga turumanon ngan an mga balaod nga ihinahatag ko ha iyo. Matatalwas niyo an iyo kinabuhi kon magtuman kamo. Ako amo an Ginoo.”

Levitico 19:37

Pagtumana niyo an ngatanan ko nga mga balaod ngan mga sugo. Hi ako an Ginoo.”

Levitico 20:22

Nagsiring an Ginoo, “Pagtumana niyo an ngatanan ko nga mga balaod ngan mga sugo, basi diri kamo igsalikway han tuna han Canaan diin ngadto ta kamo pagdadad-a.

Malaquias 4:4

“Hinumdomi niyo an mga pagturon-an han akon surugoon nga hi Moises, an mga balaod ngan mga sugo nga ginhatag ko ha iya didto ha Bukid Sinai, basi pagsugton han ngatanan nga mga tawo han Israel.

Numero 35:24

in sugad hini nga mga higayon, uugopan han bungto an tawo nga nakamatay ngan diri an nagdudumot hin pagbulos nga uropod han tawo nga namatay.

Numero 36:13

Amo ini an mga lagda ngan mga turumanon nga iginhatag han Ginoo ngadto han mga Israelita pinaagi kan Moises didto ha kapatagan han Moab nga tabok han Salog Jordan, atbang han Jerico.

Mateo 28:20

ngan tutdoi hira hin pagtuman han ngatanan nga akon iginsugo ha iyo. Ngan hinumdomi! Dayuday ako maupod ha iyo ha ngatanan nga katuigan tubtob ha katapos han kalibutan.”

Deuteronomio 15:12

“Kon may igkasi niyo Israelita nga lalake o babaye nga magbaligya ha iyo han iya kalugaringon sugad nga oripon, kinahanglan buhian hiya niyo katapos niya mag-alagad ha iyo sulod hin unom ka tuig. Han pag-abot han ikapito nga tuig kinahanglan buhian hiya niyo.

Deuteronomio 4:14

Ginsugo ako han Ginoo hin pagtutdo ha iyo han ngatanan nga mga balaod nga iyo pagtutumanon didto han tuna nga iyo na susulongon ngan tatag-iyahon.

Deuteronomio 4:45

Katapos han paggawas nira ha Ehipto ngan nakadto na hira han kahamub-an nga sinirangan han Salog Jordan, nga tugbang han bungto han Betpeor, iginhatag ni Moises ha ira ini nga mga balaod. Didto ini han katunaan nga gintag-iya hadto anay ni Hadi Sihon han mga Amoreohanon, nga naghadi didto ha bungto han Hesbon. Ginpirde hiya ni Moises ngan han mga tawo han Israel han paggawas nira han Ehipto.

Deuteronomio 4:5

“Igintutdo ko ha iyo an ngatanan nga mga balaod sumala han iginsugo ha akon han Ginoo nga akon Dyos. Pagtumana ini didto han tuna nga iyo susulongon ngan pagtatag-iyahon.

Deuteronomio 4:8

Waray iba nga nasod, magkadiano hin kadako, nga may mga balaod nga sugad hin kamagtadong hadton akon igintutdo ha iyo yana nga adlaw.

Deuteronomio 5:1

Gintirok ni Moises an ngatanan nga mga tawo ha Israel ngan ginsiring hira, “Mga tawo ha Israel, pamatii an ngatanan nga mga balaod nga ihahatag ko ha iyo yana nga adlaw. Pag-admi ngan talinguhaa nga pagtumanon gud ini niyo.

Deuteronomio 5:31

Kundi ikaw, Moises, pabilin dinhe ha akon, ngan ighahatag ko ha imo an ngatanan ko nga mga balaod ngan mga sugo. Igtutdo ini ngadto han mga tawo, basi pagtumanon ini nira didto han tuna nga akon ihahatag ha ira.’

Deuteronomio 6:1

“Amo ini an ngatanan nga mga balaod nga iginsugo ha akon han Ginoo nga iyo Dyos nga igtutdo ha iyo. Pagtumana ini niyo didto han tuna nga iyo na kakadtoan ngan pagtatag-iyahon.

Deuteronomio 6:20

“Ha mga panahon nga tiarabot mapakiana ha iyo an iyo mga anak, ‘Kay ano nga ginsugo kita han Ginoo nga aton Dyos hin pagtuman hini ngatanan nga mga balaod?’

1 Mga Taga-Tesalonica 4:1

Ha kataposan, kabugtoan, nahibaroan niyo tikang ha amon an kinabuhi nga nakakalipay han Dyos. Matuod, amo man ini an iyo kinabuhi tikang pa hadto. Ngan yana, ha ngaran han Ginoo nga Jesus, nangangamuyo ngan nagaaghat kami ha iyo nga mabuhi kamo hin labi pa nga makakalipay han Dyos.