Exodo 2:5 - Samarenyo Meaning-Based Bible (1984)

⁵ Linmugsong ha salog an anak nga babaye han hadi hin pagkarigo, samtang naglalakat an iya mga surugoon nga kadaragan-an ha pangpang han salog. Ha gilayon iya hinkit-an an basket didto han higtaas nga mga tangbo, ngan ginsugo niya in usa nga oripon nga babaye hin pagkuha han basket.

Exodo 2:5 Iomraidhean Croise

1 Hadi 17:6

An tubig han sapa amo iya irimnon, ngan an mga uwak an nagdara ha iya hin tinapay ug karne kada aga ngan kada gab-i.

Mga Salmo 12:5

“Kundi maabot gud ako,” nasiring an Ginoo, “Kay ginraraogdaog an mga kablas ngan nag-aaraba an mga ginpapakurian. Tatagan ko hira han katalwasan nga ira ginhihingyap.”

Mga Salmo 46:1

An Dyos an at' kusog ngan an panalipod, kon may kasamokan andam pagbulig gud.

Mga Salmo 76:10

Nabunga la'n kasina han mga tawo, hin damo pa nga pagdayaw gud ha imo; adton nanhisalin han away nga tawo an magsasaurog han mga pyesta mo.

Mga Salmo 9:9

Han mga ginraogdaog an Ginoo amo an darangpan, himyang nga arayopan ha panahon hin kasamokan.

Exodo 2:6

Ginbuksan han prinsesa an basket ngan hinkit-an niya in usa nga bata nga lalake. Nagtitinangis ini ngan nalooy hiya ngan nagsiring, “Usa gud ini han kabataan nga Hebreo.”

Exodo 7:15

Sanglit kadtoa ngan tapoa hiya ha pagkaaga, kon lumugsong hiya ngadto han Nilo. Dad-a an tungkod nga nahimo nga halas ngan hulata hiya ha ligid han salog.

Exodo 8:20

Nagsiring kan Moises an Ginoo, “Buwas hin aga kadtoa ngan tapoa an hadi kon lumugsong hiya ngadto han salog, ngan sidnga hiya nga nasiring an Ginoo, ‘Palakta an akon mga tawo, basi makagsingba hira ha akon.

Mga Darahonon 21:1

Gindudumara han Ginoo an kanan hadi hunahuna, hin sugad kamasayon han iya pagmando han pag-awas hin usa nga sapa.

Jonas 1:17

Ha pagsugo han Ginoo, ginlam-oy hi Jonas hin dako nga isda, ngan nakadto hiya ha tiyan han isda sulod hin tulo ka adlaw ug gab-i.

Jonas 2:10

Niyan ginsugo han Ginoo an isda nga isuka hi Jonas didto ha baybayon, ngan gintuman ini han isda.

Mga Buhat 7:21

Ngan han pagbutangan na ha iya ha gawas han balay, gin-angkon ngan ginmangnoan hiya han anak nga babaye ni Paraon sugad hin iya kalugaringon nga anak.